- Байлыкъ болгъан джерде, тынчлыкъ джокъду.
- Окъугъанны бети джарыкъ.
- От этилмеген джерден тютюн чыкъмайды.
- Арба аугъандан сора, джол кёргюзтюучю кёб болур.
- Дууулдаса – бал чибин, къонса – къара чибин.
- Тёзгеннге, джабылгъан эшик ачылыр.
- Магъанасыз сёз – тауушсуз сыбызгъы.
- Суу кетер, таш къалыр.
- Къатын къылыкъсыз, эр тынчлыкъсыз.
- Ётюрюкню башын керти кесер.
- Артына баргъанны, къатына барма.
- Хоншуну тауугъу къаз кёрюнюр, келини къыз кёрюнюр.
- Юйлю уругъа ит чабмаз.
- Ойнай билмеген, оюн бузар.
- Зар адамны насыбы болмаз.
- Ач къалгъандан, кеч къалгъан къолай.
- Чомарт къолда мал къалмаз.
- Мени джылытмагъан кюн, меннге тиймесин!
- Къошда джокъгъа – юлюш джокъ.
- Тау башында, тау болмаз, джангыз терек, бау болмаз.
- Ётген ёмюр – акъгъан суу.
- Кёкдеги болмаса, джердегин кёрмейди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къарнынг бла ёч алма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чабар ат – джетген къыз.
- Ишлегенден, къарагъан уста.
- Азыгъы аз, алгъа къабар, аты аман, алгъа чабар.
- Ётюрюкчюню шагъаты – къатында.
- Гырджын – тепсини тамадасы.
- Къыз тиширыу кеси юйюнде да къонакъды.
- Иесиз малны бёрю ашар.
- Эринчекни эр алмаз, эр алса да, кёл салмаз, кёл салса да, кёб бармаз!
- Сёз къанатсыз учар.
- Аман адам элни бир-бирине джау этер.
- Къууут – джелге, берне – бошха.
- Кийим тукъум сордурур.
- Джангыз терек къынгыр ёсер.
- Биреуню тёрюнден, кесинги эшик артынг игиди.
- Аджаллыгъа окъсуз шкок атылыр.
- Аджашхан тёгерек айланыр.
- Чомартха Тейри да борчлуду.
- Ишни ахырын ойламай, аллын башлама.
- Ашхы адам – халкъ байлыгъы, ашхы джер – джашау байлыгъы.
- Аш кетер да бет къалыр.
- Кюлме джашха – келир башха.
- Джогъун бар этген, барын бал этген.
- Тёрде – темир таякълы, къаяда – чыпчыкъ аякълы.
- Чёбню кёлтюрсенг, тюбюнден сёз чыгъар.
- Ашхы атаны – джашы ашхы, ашхы ананы – къызы ашхы.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)