- Кийимни бир кюнню аясанг, минг кюннге джарар.
- Чомарт къонакъ юй иесин сыйлар.
- Юйюнгден чыкъдынг – кюнюнгден чыкъдынг.
- Хар адамгъа кеси миннген тау кибик.
- Кирсизни – саны таза, халалны – къаны таза.
- Этни да ашады, бетни да ашады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къралынгы – душмандан, башынгы от бла суудан сакъла.
- Суу да къайтады чыкъгъан джерине.
- Окъугъан озар, окъумагъан тозар.
- Кёкдеги болмаса, джердегин кёрмейди.
- Атлыны кёрсе, джаяуну буту талыр.
- Къонакъ хазыр болгъанлыкъгъа, къонакъбай хазыр тюлдю.
- Азыкълы ат арымаз, къатыны аман джарымаз.
- Айтханы чапыракъдан ётмеген.
- Къазанда болса, чолпугъа чыгъар.
- Адамны джюреги нени кёрюрге сюйсе, кёзю да аны кёрюрге ёч болады.
- Къошда джокъгъа – юлюш джокъ.
- Телини эшигин, махтау джабар.
- Ётюрюкню башын керти кесер.
- Ач отунчуну ачыуу – бурнунда.
- Къартны бурнун сюрт да, оноугъа тут.
- Кийим тукъум сордурур.
- Сёз къанатсыз учар.
- Бир абыннган – минг сюрюнюр.
- Ушамагъан – джукъмаз.
- Ёгюзню мюйюзлери ауурлукъ этмейдиле.
- Айран тёгюлсе, джугъусу къалыр.
- Мухар, кеси тойса да, кёзю тоймаз.
- Тойгъанлыкъ къойгъа джарашады.
- Байны къызы баймакъ болса да, юйде къалмаз!
- Къатын къылыкъсыз, эр тынчлыкъсыз.
- Хата – гитчеден.
- Чабакъсыз кёлге къармакъ салгъанлыкъгъа, чабакъ тутмазса.
- Тамчы таш тешер.
- Суу ичген шауданынга тюкюрме.
- Тёзген – тёш ашар!
- Ойнай билмеген, уруб къачар.
- Бастасын ашагъан, хантусун да ичер.
- Уллу суу бла уллу ауруудан башынгы сакъла.
- Керти сёзге тёре джокъ.
- Кёбню кёрген – кёб билир.
- Зар адам ашынгы ашар, кесинги сатар.
- Биреуню къыйынлыгъы бла кесинге джол ишлеме.
- Ач – эснер, ат – кишнер.
- Нёгер болсанг, тенг бол, тенг болмасанг, кенг бол.
- Бойнуму джети джерден кессенг да, мен ол ишни этеллик тюлме.
- Юреннген ауруу къалмаз.
- Башы ишлегенни, ауузу да ишлер.
- Бюгюн дуния кибик, тамбла ахыратды.
Внимание!
Сообщение будет показано после одобрения модератором.
Ростислав Туровский: Земельный вопрос был главным фактором нестабильности в Кабардино-Балкарии
Внимание!
Сообщение будет показано после одобрения модератором.
Читают тему (гостей: 1)