- Джаханимни кёрмей, джандетге кёл салмазса.
- Тау башында, тау болмаз, джангыз терек, бау болмаз.
- Къарнынг тойгъунчу аша да, белинг талгъынчы ишле.
- Бетинги сатма, малынгы сат.
- Кёпюр салгъан кеси ётер, уру къазгъан кеси кетер.
- Ичимден чыкъды хата, къайры барайым сата?
- Сагъышы джокъ – джукъучу, акъылы джокъ – къаугъачы.
- Ишленмеген джаш – джюгенсиз ат, ишленмеген къыз – тузсуз хант.
- Иги сеники эсе да, сюйген кесимикин этеме.
- Эки ойлашыб, бир сёлешген.
- Эринчекни аурууу – кёб.
- Таш ата билмеген, башына урур.
- Джигер – джаннга къыйынлыкъ.
- Гугурук къычырмаса да, тангны атары къалмаз.
- Уруну арты – къуру.
- Аш хазыр болса, иш харам болур.
- Тойну къарнашы – харс, джырны къарнашы – эжиу.
- Хансыз джомакъ болмаз.
- Кийим тукъум сордурур.
- Керек ташны ауурлугъу джокъ.
- Мадар болса, къадар болур.
- Алтыннга тот къонмаз.
- Джол бла сёзню къыйыры джокъ.
- Дуния аламаты сен эсенг да, игиме деб айтма.
- Окъуусуз билим – джокъ, билимсиз кюнюнг – джокъ.
- Джылкъыдан – ат чыгъар, тукъумдан – джаш чыгъар.
- Джашынгы кесинг юретмесенг, джашау юретир.
- Нафысынгы айтханын этме, намысынгы айтханын эт.
- Эр сокъур болсун, къатын тилсиз болсун.
- Бир онгсуз адам адет чыгъарды, деб эштирик тюлсе.
- Урама да – ёледи, сатама да – келеди.
- Уллу атлама – абынырса, уллу къабма – къарылырса.
- Баш – акъыл ючюн, акъылман – халкъ ючюн.
- Къайтырыкъ эшигинги, къаты уруб чыкъма.
- Тойгъа алгъа да барма, тойда артха да къалма.
- Бермеген къол, алмайды.
- Чабар ат – джетген къыз.
- Эки къатын алгъан – эки ташны ортасына башын салгъан.
- Къарт бла баш аша, джаш бла аякъ аша.
- Тик ёргени, тик энгишгеси да болады.
- Байлыкъ тауусулур, билим тауусулмаз.
- Ата джурт – алтын бешик.
- Джаш къарыу бла кючлю, къарт акъыл бла кючлю.
- Эски джаугъа ышанма.
- Адам къаллай бир ишленмесе, аллай бир кесин уллу кёреди.
- Аз сёлеш, кёб ишле.
- Ханнга да келеди хариблик.
- Ариу сёз аурууунгу алыр.
- Ёзденликни кёбю ётюрюк.
- Биреуню къыйынлыгъы бла кесинге джол ишлеме.
Ошибка!
Для просмотра темы введите ваши логин и пароль.Пожалуйста, авторизуйтесь: