- Джашны джигитлиги сорулур, къызны джигерлиги сорулур.
- Бастасын ашагъан, хантусун да ичер.
- Халкъны джырын джырласанг, халкъ санга эжиу этер.
- Эм уллу байлыкъ – джан саулукъ.
- Джукъу тёшек сайламайды.
- Татлы сёз – балдан татлы.
- Окъдан джара эртде-кеч болса да бителир, сёз джара, ёмюрге къалыр.
- Къая джолда джортма, ачыкъ сёзден къоркъма.
- Джылар джаш, атасыны сакъалы бла ойнар.
- Берекет берсин деген джерде, берекет болур.
- Уллу суу бла уллу ауруудан башынгы сакъла.
- Джиби бир къат джетмей эди да, эки къат тарта эди.
- Дуния мал дунияда къалады.
- Кёзю сокъурдан – къоркъма, кёлю сокъурдан – къоркъ.
- Эртде тургъан бла эртде юйленнген сокъуранмаз.
- Аурууну келиую тынч, кетиую – къыйын.
- Тили узунну, намысы – къысха.
- Ёпкелегенни ашы татлы болады.
- Тас болгъан бычакъны сабы – алтын.
- Окъумагъан сокъурду, сокъур ташха абыныр!
- Джахил болса анасы, не билликди баласы?
- Тенги кёбню джау алмаз, акъылы кёбню дау алмаз.
- Мадар болса, къадар болур.
- Ач уят къоймаз.
- Кюн кёрмеген, кюн кёрсе, кюндюз чыракъ джандырыр.
- Къан бла кирген, джан бла чыгъар.
- Башсыз урчукъ тюзюне айланмаз.
- Ётюрюкчюню шагъаты – къатында.
- Акъыл аздырмаз, билим тоздурмаз.
- Акъыллы эркиши атын махтар, акъылсыз эркиши къатынын махтар.
- Бичгенде ашыкъма, тикгенде ашыкъ.
- Аш иеси бла татлыды.
- Ариу – кёзге, акъыл – джюрекге.
- Аджал соруб келмез, келсе, къайтыб кетмез.
- Термилгенинги табмазса, кюлгенинге тюберсе.
- Кютгени беш эчки, сызгъыргъаны уа, джерни джарады.
- Асхат ашлыкъ сата, юйдегиси ачдан къата.
- Тёгюлген тюгел джыйылмайды.
- Танг атмайма десе да, кюн къоярыкъ тюйюлдю.
- Харам къарнашдан, халал тенг ашхы.
- Этим кетсе да, сюегим къалыр.
- Тёрени джагъы джокъ.
- Биреуге кёлтюрген таягъынг, кесинги башынга урур.
- Ачылгъан эт джабылыр, кёрген кёз унутмаз.
- Эки къатын алгъан – эки ташны ортасына башын салгъан.
- Кёбден умут этиб, аздан къуру къалма.
- Экиндини кеч къылсанг, чабыб джетер ашхам.
- Къоркъакъны кёзю экили кёрюр.
- Ач келгенни – тойдур, кеч келгенни – къондур.
- Кенгеш болса, уруш болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: