- Къолу уллу – асыу, аягъы уллу – джарсыу.
- Бети къызарыучу адамны, джюреги харам болмаз.
- Ач да бол, токъ да бол – намысынга бек бол.
- Къазанчы аман болса, къазаны къайнамаз.
- Кийим тукъум сордурур.
- Байлыкъ келсе, акъыл кетер.
- Хата – гитчеден.
- «Ма», - дегенни билмесенг, «бер», - дегенни билмезсе.
- Зарда марда джокъ.
- Кёб джат да, бек чаб.
- Хаухну атма, ёнгкючню сатма.
- Иги сёз – джаннга азыкъ, аман сёз башха – къазыкъ.
- Ишин билген, аны сыйын чыгъарады.
- Чомарт къолда мал къалмаз.
- Нафысынгы айтханын этме, намысынгы айтханын эт.
- Эки ойлашыб, бир сёлешген.
- Тилде сюек болмаса да, сюек сындырыр.
- Тюзню ётмеги тюзде къалса да, тас болмаз.
- Ариу сёз аурууунгу алыр.
- Биреуге аманлыкъ этиб, кесинге игилик табмазса.
- Кесинге джетмегенни, кёб сёлешме.
- Аман хансны – урлугъу кёб.
- Урунуу – насыбны анасы.
- Тамчы таш тешер.
- Тёрде – темир таякълы, къаяда – чыпчыкъ аякълы.
- Къобан да къуру да къобханлай турмайды, адам да къуру да патчахлай турмайды.
- Ёксюзню тилеги къабыл болур.
- Келгинчи, къонакъ уялыр, келгенден сора, къонакъбай уялыр.
- Къатын къылыкъсыз, эр тынчлыкъсыз.
- Ишленмеген джаш – джюгенсиз ат, ишленмеген къыз – тузсуз хант.
- Этни да ашады, бетни да ашады.
- Ойнай-ойнай кёз чыгъар.
- Джашда акъыл джокъ, къартда къарыу джокъ.
- Чалманны аллы къалай башланса, арты да алай барады.
- Башы ишлегенни, ауузу да ишлер.
- Ашхы тенг джолгъа салыр, аман тенг джолдан тайдырыр.
- Таукел адам тау тешер.
- Чакъырылмагъан джерге барма, чакъырылгъан джерден къалма.
- Аманнга игилик этсенг, юйюнге сау бармазса.
- Къан бла кирген, джан бла чыгъар.
- Дженгил джетерикме деб, узун джолну къоюб, къысхасын барма.
- Къыз тиширыу кеси юйюнде да къонакъды.
- Агъач халкъгъа алтынды, иссиликге салкъынды.
- Ишлегенден, къарагъан уста.
- Ашхы болсанг, атынг чыгъар, аман болсанг, джанынг чыгъар.
- Мен да «сен», дейме, сен да «кесим», дейсе.
- Эркишини аманы тиширыуну джылатыр.
- Чабакъсыз кёлге къармакъ салгъанлыкъгъа, чабакъ тутмазса.
- Намысы джокъну – дуниясы джокъ.
- Джангыз терек къынгыр ёсер.
Ошибка!
Для просмотра темы введите ваши логин и пароль.Пожалуйста, авторизуйтесь: