- Окъугъан – асыу, окъумагъан – джарсыу.
- Эки къатын алгъанны къулагъы тынгнгаймаз.
- Адебсиз адам – джюгенсиз ат.
- Ариу сёз джыланны орнундан чыгъарыр.
- Билим насыб берир, билим джолну керир.
- От этилмеген джерден тютюн чыкъмайды.
- Акъылсызны джууукъгъа алма, акъыллыны кенгнге салма.
- Миллетни бойну – базыкъ, аны бла кюрешген – джазыкъ.
- Джерни букъусу кёкге къонмаз.
- Эки элинги тыйсанг, джети элде махталырса.
- Эртде тургъан джылкъычыны эркек аты тай табар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аллахдан тилесенг, кёб тиле.
- Ашаса, ашамаса да, бёрюню ауузу – къан.
- Бети бедерден, намыс сакълама.
- Иги – алгъыш этер, аман – къаргъыш этер.
- Адам боллукъ, атламындан белгили болур.
- Адамны аманы адамны бети бла ойнар.
- Джыгъылгъанны сырты джерден тоймаз.
- Окъугъан озар, окъумагъан тозар.
- Адам къыйынлыгъын кёлтюрюр, зауукълугъун кёлтюрмез.
- Ичимден чыкъды хата, къайры барайым сата?
- Бозанг болмагъан джерге, къалагъынгы сукъма.
- Тамбла алтындан бюгюн багъыр ашхы.
- Айырылгъанланы айю ашар, бёлюннгенлени бёрю ашар.
- Эрине къаргъыш этген къатын, эрнин къабар.
- Ойнай билмеген, уруб къачар.
- Ханнга да келеди хариблик.
- Къонакъны къачан кетерин сорма, къачан келлигин сор.
- Сютден ауузу кюйген, суугъа юфгюре эди.
- Айныгъанлы алты кюн, тогъайгъанлы тогъуз кюн.
- Элге къуллукъ этмеген, элге ие болмаз.
- Чомарт къолда мал къалмаз.
- Уллу суу бла уллу ауруудан башынгы сакъла.
- Ишни ахырын ойламай, аллын башлама.
- Кийим тукъум сордурур.
- Баланы адам этген анады.
- Хаухну атма, ёнгкючню сатма.
- Эркишини аманы тиширыуну джылатыр.
- Этек чакъмакълары баш джаргъан, сёлешген сёзлери таш джаргъан.
- Башсыз урчукъ тюзюне айланмаз.
- Байлыкъ тауусулур, билим тауусулмаз.
- Аман эсирсе, юйюн ояр.
- Гугурук къычырмаса да, тангны атары къалмаз.
- Тура эдим джата, къайдан чыкъды хата?
- Тил – миллетни джаны.
- Ач бёрюге мекям джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёл – къызбай, къол – батыр.
- Аман къатын сабий табса, бий болур…
Ошибка!
Для просмотра темы введите ваши логин и пароль.Пожалуйста, авторизуйтесь: