- Чабар ат – джетген къыз.
- Тенгинг джокъ эсе – изле, бар эсе – сакъла!
- Зар адамны насыбы болмаз.
- Тешик этген тынчды, аны джамагъан къыйынды.
- Къонакъ аман болса, къонакъбай джунчур
- Керилген да, ургъан кибикди.
- Адамгъа аман кюн соруб келмейди.
- Айырылмаз джууугъунга, унутмаз сёзню айтма.
- Урама да – ёледи, сатама да – келеди.
- Сютден ауузу кюйген, суугъа юфгюре эди.
- Дууулдаса – бал чибин, къонса – къара чибин.
- Чабакъгъа акъыл, табагъа тюшсе келеди.
- Насыб бютеу халкъны юлюшюдю.
- Сагъыш – къартлыкъгъа сюйюмчю.
- Биреуге кёлтюрген таягъынг, кесинги башынга урур.
- Окъумагъан сокъурду, сокъур ташха абыныр!
- Билим насыб берир, билим джолну керир.
- Акъылсызны джууукъгъа алма, акъыллыны кенгнге салма.
- Къызны минг тилер, бир алыр.
- Хансыз джомакъ болмаз.
- Тил джюрекге джол ишлейди.
- Джюрек кёзден алгъа кёрюр.
- Къыз чыгъаргъан – къызыл къымжа.
- Къолу уллу – асыу, аягъы уллу – джарсыу.
- Сёз сёзню айтдырыр.
- Джумушакъ сёз къаты таякъны сындырыр.
- Хар ишни да аллы къыйынды.
- Хунаны тюбюн къазсанг, юсюнге ауар.
- Аууз сакълагъан – джан сакълар.
- Тойну къарнашы – харс, джырны къарнашы – эжиу.
- Мен да «сен», дейме, сен да «кесим», дейсе.
- Мал кёб болса, джууукъ кёб болур.
- Кёл – къызбай, къол – батыр.
- Акъыл бла адеб эгизледиле.
- Кёкдеги болмаса, джердегин кёрмейди.
- Джетген къыз джерли эшекни танымаз.
- Керек ташны ауурлугъу джокъ.
- Ургъан суудан башынгы сакъла.
- Джигер – джаннга къыйынлыкъ.
- Борчунг бар эсе, хурджунунга ойлаб узал.
- Ариу сёз джыланны орнундан чыгъарыр.
- Бал ашаргъа сюе эсенг, чибин ургъаннга тёз.
- Баш болса, бёрк табылыр.
- Элге къуллукъ этмеген, элге ие болмаз.
- Тилсиз миллет джокъ болур.
- Ойнай-ойнай кёз чыгъар.
- Ашаса, ашамаса да, бёрюню ауузу – къан.
- Къайгъыны сюйген, къайгъы табар.
- Эркишини аманы тиширыуну джылатыр.
- Келинин тута билмеген, къул этер, къызын тута билмеген, тул этер.
Ошибка!
Для просмотра темы введите ваши логин и пароль.Пожалуйста, авторизуйтесь: