- Бастасын ашагъан, хантусун да ичер.
- Окъугъанны бети джарыкъ.
- Нарт сёз – тилни бети.
- Къонакъ аз олтурур, кёб сынар.
- Акъыл бла адеб эгизледиле.
- Эр сокъур болсун, къатын тилсиз болсун.
- Кёб джат да, бек чаб.
- Джангыз торгъай джырламаз.
- Адеб джокъда, намыс джокъ.
- Биреуню тёрюнден, кесинги эшик артынг игиди.
- Кюн кёрмеген, кюн кёрсе, кюндюз чыракъ джандырыр.
- Билим ат болуб да чабар, къуш болуб да учар.
- Сютню башын джалагъан къутулур, тюбюн ичген тутулур.
- Акъыллы эркиши атын махтар, акъылсыз эркиши къатынын махтар.
- Ач къарным, тынч къулагъым.
- Мухардан ач ычхынмаз.
- Къартха ушагъан джаш – акъыллы, джашха ушагъан къарт – тели.
- Насыб бютеу халкъны юлюшюдю.
- Ёлюр джаннга, ёкюл джокъ.
- Ёнгкюч къууана барыр, джылай келир.
- Къартны бурнун сюрт да, оноугъа тут.
- Ариу сёз аурууунгу алыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомартха хар кюн да байрамды.
- Ойнаб айтсанг да, эслеб айт.
- Эркишини аманы тиширыуну джылатыр.
- Къанны къан бла джуума, аманны аман бла къуума.
- Кёкдеги болмаса, джердегин кёрмейди.
- Билмегенинги, билгеннге сор.
- Аууз сакълагъан – джан сакълар.
- Джюз элде джюз ёгюзюм болгъандан эсе, джюз джууугъум болсун.
- Джигер – джаннга къыйынлыкъ.
- Ашлыкъны арба юйге келтирир, чана базаргъа элтир.
- Нёгер болсанг, тенг бол, тенг болмасанг, кенг бол.
- Накъырданы арты керти болур.
- Халкъгъа джарагъан, джарлы къалмаз.
- Намыс болмагъан джерде, насыб болмаз.
- Джашынгы кесинг юретмесенг, джашау юретир.
- Башы ишлегенни, ауузу да ишлер.
- Бир абыннган – минг сюрюнюр.
- Тилчи тилден къаныкъмаз.
- Джангызны оту джарыкъ джанмаз!
- Кёб къычыргъандан – къоркъма, тынч олтургъандан – къоркъ.
- Эки къатын алгъанны къулагъы тынгнгаймаз.
- Къобан да къуру да къобханлай турмайды, адам да къуру да патчахлай турмайды.
- Байлыкъдан саулукъ ашхыды.
- Накъырда – кертини келечиси.
- Кесине оноу эте билмеген, халкъына да эте билмез.
- Кёл – къызбай, къол – батыр.
- Эки итни арасына сюек атма, эки адамны арасында сёз чыгъарма.
Ошибка!
Для просмотра темы введите ваши логин и пароль.Пожалуйста, авторизуйтесь: