- Джетген къыз джерли эшекни танымаз.
- Ишлемеген – тишлемез.
- Къобан да къуру да къобханлай турмайды, адам да къуру да патчахлай турмайды.
- Ачны эсинде – аш.
- Тенги кёбню джау алмаз, акъылы кёбню дау алмаз.
- Терслик кетер, тюзлюк джетер.
- Ашхы сёз таш тешер.
- Ата – билек, ана – джюрек!
- Орну джокъну – сыйы джокъ.
- Акъыллы – эл иеси, тели – эл баласы.
- Суу кетер, таш къалыр.
- Баланы адам этген анады.
- Абынмазлыкъ аякъ джокъ, джангылмазлыкъ джаякъ джокъ.
- Джарлыны эшигин махтагъан джабар.
- Тулпарлыкъ, билекден тюл – джюрекден.
- Ариу сёзде ауруу джокъ.
- Арба аугъандан сора, джол кёргюзтюучю кёб болур.
- Алма терегинден кери кетмез.
- Тюзлюк шохлукъну бегитир.
- Иги джашны ышаны – аз сёлешиб, кёб тынгылар.
- От этилмеген джерден тютюн чыкъмайды.
- Мухар, кеси тойса да, кёзю тоймаз.
- Билим насыб берир, билим джолну керир.
- Тюзню ётмеги тюзде къалса да, тас болмаз.
- Къарнынг бла ёч алма.
- Урама да – ёледи, сатама да – келеди.
- Айранын берсенг, челегин да къызгъанма.
- Ишленмеклик адамлыкъды.
- Тойну къарнашы – харс, джырны къарнашы – эжиу.
- Эки элинги тыйсанг, джети элде махталырса.
- Тюзлюк тас болмайды.
- Насыб бютеу халкъны юлюшюдю.
- Тёзгеннге, джабылгъан эшик ачылыр.
- Чакъырылмагъан къонакъ къачан кетерин сормаз.
- Байлыкъ болгъан джерде, тынчлыкъ джокъду.
- Эл тойса, тоймагъан, эл къойса, къоймагъан.
- Чарсда алчыны эл кёреди.
- Къазанчы аман болса, къазаны къайнамаз.
- Башсыз урчукъ тюзюне айланмаз.
- Кёз – сюйген джерде, къол – ауругъан джерде.
- Сабийликде юретмесенг, уллу болса – тюзелмез.
- Айырылмаз джууугъунга, унутмаз сёзню айтма.
- Сабийни джумушха джибер да, ызындан бар.
- Этни бети бла шорпасы.
- Джылкъыдан – ат чыгъар, тукъумдан – джаш чыгъар.
- Эл элде бирер малынг болгъандан эсе, бирер тенгинг болсун.
- Рысхысына кёре, джаш ёсер, къышлыгъына кёре, мал ёсер.
- Башы джабылгъан челекге, кир тюшмез.
- Бети бедерден, намыс сакълама.
- Туз, гырджын аша, тюзлюк бла джаша.
Ошибка!
Для просмотра темы введите ваши логин и пароль.Пожалуйста, авторизуйтесь: