- «Ёгюз, джаргъа джууукъ барма, меннге джюк боллукъса», - дегенди эшек.
- Башы джабылгъан челекге, кир тюшмез.
- Махтаннган къыз, тойда джукълар.
- Ач бёрюге мекям джокъ.
- Къартха ушагъан джаш – акъыллы, джашха ушагъан къарт – тели.
- Джыйырма къойну юч джыйырма эбзе кюте эди.
- Тёгюлген тюгел джыйылмайды.
- Джылкъыдан – ат чыгъар, тукъумдан – джаш чыгъар.
- Арбаз сайлама да, хоншу сайла.
- Бойнуму джети джерден кессенг да, мен ол ишни этеллик тюлме.
- Алим болгъандан эсе, адам болгъан къыйынды.
- Ашхы адам – халкъ байлыгъы, ашхы джер – джашау байлыгъы.
- Къарнынг къанлынга кийирир.
- Сагъышы джокъ – джукъучу, акъылы джокъ – къаугъачы.
- Ачыкъ джюрекге джол – ачыкъ.
- Шапа кёб болса, аш татымсыз болур.
- Чабакъгъа акъыл, табагъа тюшсе келеди.
- Биреуню тёрюнден, кесинги эшик артынг игиди.
- Тиширыусуз юй – отсуз от джагъа.
- Ауузу аманнга «иги», деме.
- Ачыу алгъа келсе, акъыл артха къалады.
- Ойнай билмеген, уруб къачар.
- Кёзден кетген, кёлден да кетеди.
- Тюз сёз баргъан сууну тыяр.
- Къайгъыны сюйген, къайгъы табар.
- Атадан ёксюз – бир ёксюз, анадан ёксюз – эки ёксюз.
- Ашаса, ашамаса да, бёрюню ауузу – къан.
- Намысы джокъну – дуниясы джокъ.
- Къыз чыгъаргъан – къызыл къымжа.
- Ариу сёз – джаннга азыкъ, аман сёз – башха къазыкъ.
- Татлы сёз – балдан татлы.
- Айранын берсенг, челегин да къызгъанма.
- Ёгюзню мюйюзлери ауурлукъ этмейдиле.
- Ётюрюкню башын керти кесер.
- Къонакъ болсанг, ийнакъ бол.
- Ауурну тюбю бла, дженгилни башы бла джюрюген.
- Сормай – алма, чакъырылмай – барма.
- Ата – баланы уясы.
- Кёзю сокъурдан – къоркъма, кёлю сокъурдан – къоркъ.
- Аурууну келиую тынч, кетиую – къыйын.
- Ойнаб айтсанг да, эслеб айт.
- Башынга джетмегенни сорма.
- Баш – акъыл ючюн, акъылман – халкъ ючюн.
- Джаш къарыу бла кючлю, къарт акъыл бла кючлю.
- Кёбню кёрген – кёб билир.
- Къазанны башы ачыкъ болса, итге уят керекди.
- Тил бла келеди джыр да.
- Ана къолу ачытмаз.
- Кёл – къызбай, къол – батыр.
- Рысхы – насыбха къор.
Ошибка!
Для просмотра темы введите ваши логин и пароль.Пожалуйста, авторизуйтесь: