- Аманны тукъумуна къарама, игини тукъумун сорма.
- Сакъламагъан затынга джолукъсанг, не бек къууанаса, не бек ачыйса.
- Азыкъ аз болса, эртде орун сал.
- Тик ёргени, тик энгишгеси да болады.
- Джарашыу сюйген – джалынчакъ.
- Сабыр джетер муратха, сабырсыз къалыр уятха.
- Джолунга кёре – джюрюшюнг, джагъанга кёре – юлюшюнг.
- Тилчиден кери бол.
- Ётюрюкчюню шагъаты – къатында.
- Ёмюрлюк шохлукъну джел элтмез.
- Ариу сёз аурууунгу алыр.
- Чоюнну башы ачыкъ болса, итге уят керекди.
- Адамгъа аман кюн соруб келмейди.
- Къалгъан ишге къар джауар.
- Кёзню ачылгъаны – иги, ауузну джабылгъаны – иги.
- Адамны артындан къара сабан сюрме.
- Кюл тюбюндеги от кёрюнмейди.
- Аман эсирсе, юйюн ояр.
- Келлик заман – къартлыкъ келтирир, кетген заман – джашлыкъ ёлтюрюр.
- Байлыкъ болгъан джерде, тынчлыкъ джокъду.
- Аманнга да, игиге да оноусуз къатышма.
- Нарт сёз къарт болмаз.
- Къоркъакъны кёзю экили кёрюр.
- Къазанны башы ачыкъ болса, итге уят керекди.
- Эркишиге тары кебек танг кёрюнюр.
- Къартха ушагъан джаш – акъыллы, джашха ушагъан къарт – тели.
- Кёл ашады да, кеси ашады.
- Джигер – джаннга къыйынлыкъ.
- Ашлыкъны арба юйге келтирир, чана базаргъа элтир.
- Къартны сыйын кёрмеген, къартлыгъында сыйлы болмаз.
- Ачны эсинде – аш.
- Эринчекни эр алмаз, эр алса да, кёл салмаз, кёл салса да, кёб бармаз!
- Танг атмайма десе да, кюн къоярыкъ тюйюлдю.
- Хата – гитчеден.
- «Ёгюз, джаргъа джууукъ барма, меннге джюк боллукъса», - дегенди эшек.
- Мал кёб болса, джууукъ кёб болур.
- Джашны джигитлиги сорулур, къызны джигерлиги сорулур.
- Аджал соруб келмез, келсе, къайтыб кетмез.
- Башы ишлегенни, ауузу да ишлер.
- Къарын къуру болса, джюрек уру болур.
- Алма терегинден кери кетмез.
- Билмезни кёзю кёрмез, этмезни къулагъы эшитмез.
- Накъырданы арты керти болур.
- Чабакъгъа акъыл, табагъа тюшсе келеди.
- Ана къолу ачытмаз.
- Эки итни арасына сюек атма, эки адамны арасында сёз чыгъарма.
- Ургъан суудан башынгы сакъла.
- Къарт бла баш аша, джаш бла аякъ аша.
- Акъыллы башны – тили къысха.
- Окъуусуз билим – джокъ, билимсиз кюнюнг – джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: