- Кёпюр салгъан кеси ётер, уру къазгъан кеси кетер.
- Ашына кёре табагъы, балына кёре къалагъы.
- Чомартха хар кюн да байрамды.
- Алтыннга тот къонмаз.
- Байлыкъ тауусулур, билим тауусулмаз.
- Окъугъан – асыу, окъумагъан – джарсыу.
- Окъуу – билимни ачхычы, окъуу – дунияны бачхычы.
- Тили узунну, намысы – къысха.
- Ёксюзню къалачы уллу кёрюнюр.
- Огъурлуну сёзю – суу, огъурсузну сёзю – уу.
- Баргъанынга кёре болур келгенинг.
- Малны кют, джерни тюрт.
- Къолу уллу – асыу, аягъы уллу – джарсыу.
- Къазанчы аман болса, къазаны къайнамаз.
- Акъыл неден да кючлюдю.
- Хантына кёре тузу, юйюне кёре къызы.
- Ариу сёз – къылычдан джити.
- Экиндини кеч къылсанг, чабыб джетер ашхам.
- Ачлыкъ отха секиртир.
- Иги сеники эсе да, сюйген кесимикин этеме.
- Биреу къой излей, биреу той излей.
- Арба аугъандан сора, джол кёргюзтюучю кёб болур.
- Тынгылагъан тынгы бузар.
- Адебни адебсизден юрен.
- Тау башында, тау болмаз, джангыз терек, бау болмаз.
- Адамгъа аман кюн соруб келмейди.
- Сабийликде юретмесенг, уллу болса – тюзелмез.
- Ишленмеген джаш – джюгенсиз ат, ишленмеген къыз – тузсуз хант.
- Арыгъан къош чамчы болур.
- Ашда уялгъан – мухар, ишде уялгъан – хомух.
- Ауругъан – джашаудан умутчу.
- Ашхы болсанг, атынг чыгъар, аман болсанг, джанынг чыгъар.
- Урама да – ёледи, сатама да – келеди.
- Джаралыны джастыгъында сау ёлюр.
- Къыз келсе, джумуш эте келеди, къатын келсе, ушакъ эте келеди.
- Эл ауузу – элек, анга ийнаннган – халек.
- Ата – баланы уясы.
- Аманнга алтын чыдамаз.
- Юй ишлеген балта эшикде къалыр.
- Насыблы элин сюер, насыбсыз кесин сюер.
- Эр абынмай, эл танымаз.
- Алма терегинден кери кетмез.
- Тамчы таш тешер.
- Аш берме да, къаш бер.
- Этни бети бла шорпасы.
- Ойнай-ойнай кёз чыгъар.
- Тойгъан антын унутур.
- Суугъа – таянма, джаугъа – ийнанма.
- Ачлыкъда тары гырджын халыуадан татлы.
- Ышармагъан – кюлмез, кюлмеген – къууанчны билмез.
Ошибка!
Для просмотра темы введите ваши логин и пароль.Пожалуйста, авторизуйтесь: