- Къралынгы – душмандан, башынгы от бла суудан сакъла.
- Чакъырылмагъан къонакъ – орунсуз.
- Айырылмаз джууугъунга, унутмаз сёзню айтма.
- Акъыллы – эл иеси, тели – эл баласы.
- Къозулугъунда тоймагъан, къойлугъунда тоймаз.
- Кёз – сюйген джерде, къол – ауругъан джерде.
- Акъыллы башны – тили къысха.
- Хансыз джомакъ болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Эркишиге тары кебек танг кёрюнюр.
- Тойну къарнашы – харс, джырны къарнашы – эжиу.
- Аманны тукъумуна къарама, игини тукъумун сорма.
- Къанны къан бла джуума, аманны аман бла къуума.
- Тёрдеги кюлсе, эшикдеги ышарыр.
- Нафысынгы айтханын этме, намысынгы айтханын эт.
- Хар ишни да аллы къыйынды.
- Чомарт къолда мал къалмаз.
- Биреуге кёлтюрген таягъынг, кесинги башынга урур.
- Ашын ашагъанынгы, башын да сыйла.
- Окъугъанны бети джарыкъ.
- Таукел тауну аудурур.
- Ёзденликни кёбю ётюрюк.
- Къыз тиширыу кеси юйюнде да къонакъды.
- Эркишини аманы тиширыуну джылатыр.
- Хунаны тюбюн къазсанг, юсюнге ауар.
- Къатыны харакетли болса, эри къымсыз болур.
- Къатын къылыкъсыз, эр тынчлыкъсыз.
- Ёлген ийнек сютлю болур.
- Адебни адебсизден юрен.
- Къартха ушагъан джаш – акъыллы, джашха ушагъан къарт – тели.
- Элге къуллукъ этмеген, элге ие болмаз.
- Адам къыйынлыгъын кёлтюрюр, зауукълугъун кёлтюрмез.
- Билим къая тешер.
- Джолунга кёре – джюрюшюнг, джагъанга кёре – юлюшюнг.
- Келинин тута билмеген, къул этер, къызын тута билмеген, тул этер.
- Кирсизни – саны таза, халалны – къаны таза.
- Сёз къанатсыз учар.
- Ишлегенден, къарагъан уста.
- Аджалсыз ёлюм болмаз.
- Эринчекни аурууу – кёб.
- Урунуу – насыбны анасы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эм уллу байлыкъ – джан саулукъ.
- Биреуге аманлыкъ этиб, кесинге игилик табмазса.
- Къарын къуру болса, джюрек уру болур.
- Чабакъсыз кёлге къармакъ салгъанлыкъгъа, чабакъ тутмазса.
- Кёзю сокъурдан – къоркъма, кёлю сокъурдан – къоркъ.
- Игилик игилик бла сингдирилиучю затды.
- Къая джолда джортма, ачыкъ сёзден къоркъма.
- Эки къатын алгъан – эки ташны ортасына башын салгъан.
Ошибка!
Для просмотра темы введите ваши логин и пароль.Пожалуйста, авторизуйтесь: