- Джерни букъусу кёкге къонмаз.
- Байлыкъ болгъан джерде, тынчлыкъ джокъду.
- Намыс болмагъан джерде, насыб болмаз.
- Джан саулукъ бермей, сан саулукъ бермезсе.
- Юй кюйдю да, кюйюз чыкъды, ортасындан тюйюш чыкъды.
- Эринчекни эр алмаз, эр алса да, кёл салмаз, кёл салса да, кёб бармаз!
- Аманнга игилик этсенг, юйюнге сау бармазса.
- Адебни адебсизден юрен.
- Юй ишлеген балта эшикде къалыр.
- Ариу – кёзге, акъыл – джюрекге.
- Эри аманны, къатыны – аман.
- Игиге айтсанг – билир, аманнга айтсанг – кюлюр.
- Иги болса, тамадама – махтау, аман болса, меннге – айыб.
- Ашын ашагъанынгы, башын да сыйла.
- Кёкдеги болмаса, джердегин кёрмейди.
- Ариу сёз – къылычдан джити.
- Ишлегенде эринме, ишде чолакъ кёрюнме.
- Тенги кёбню джау алмаз, акъылы кёбню дау алмаз.
- Абынмазлыкъ аякъ джокъ, джангылмазлыкъ джаякъ джокъ.
- Сангырау къулакъ эл бузар.
- Зарда марда джокъ.
- Къыз келсе, джумуш эте келеди, къатын келсе, ушакъ эте келеди.
- Джаш болсун, къыз болсун, акъылы, саны тюз болсун.
- Ачыкъ джюрекге джол – ачыкъ.
- Джаным-тиним – окъуу, билим.
- Керти сёзге тёре джокъ.
- Джарлы тюеге минсе да, ит къабар.
- Тёрдеги кюлсе, эшикдеги ышарыр.
- Ойнай-ойнай кёз чыгъар.
- Аман къатын сабий табса, бий болур…
- Аджашханны ызындагъы кёреди, джангылгъанны джанындагъы биледи.
- Аман адам элни бир-бирине джау этер.
- Окъугъан озар, окъумагъан тозар.
- Акъыл къартда, джашда тюйюлдю – башдады.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Атлыны ашхысы, ат тизгининден билинир
- Ишлегенден, къарагъан уста.
- Эртде тургъан джылкъычыны эркек аты тай табар.
- Чакъырылмай келген къонакъ сыйланмай кетер.
- Аз сёлеш, кёб ишле.
- Уллу сёлешме да, уллу къаб.
- Уллу айтханны этмеген – уллаймаз.
- Терслик кетер, тюзлюк джетер.
- Билимден уллу байлыкъ джокъду.
- Ач къарынны, токъ билмез
- Чабакъ башындан чирийди.
- Башда акъыл болмаса, эки аякъгъа кюч джетер.
- Намыс сатылыб алынмайды.
- Чыкълы кюнде чыкъмагъан, чыкъса къуру кирмеген.
- Аякъларынгы джууургъанынга кёре узат.
Ошибка!
Для просмотра темы введите ваши логин и пароль.Пожалуйста, авторизуйтесь: