- Ачлыкъ отха секиртир.
- Джаш болсун, къыз болсун, акъылы, саны тюз болсун.
- Къонакъ болсанг, ийнакъ бол.
- Телини эшигин, махтау джабар.
- Огъурлуну сёзю – суу, огъурсузну сёзю – уу.
- Хантына кёре тузу, юйюне кёре къызы.
- Сакъламагъан затынга джолукъсанг, не бек къууанаса, не бек ачыйса.
- Билими азны – ауузунда кирит.
- Къая джолда джортма, ачыкъ сёзден къоркъма.
- Тюз сёз баргъан сууну тыяр.
- Джашны джигитлиги сорулур, къызны джигерлиги сорулур.
- Борчунг бар эсе, хурджунунга ойлаб узал.
- Кесине гебен этелмеген, биреуге черен эте эди.
- Джетген къыз джерли эшекни танымаз.
- Мадар болса, къадар болур.
- Ёнгкюч къууана барыр, джылай келир.
- Байлыкъ келсе, акъыл кетер.
- Ашда уялгъан – мухар, ишде уялгъан – хомух.
- Джиби бир къат джетмей эди да, эки къат тарта эди.
- Билгенни къолу къарны джандырыр.
- Душманны тышы – акъ, ичи – къара.
- Юреннген ауруу къалмаз.
- Адам къаллай бир ишленмесе, аллай бир кесин уллу кёреди.
- Гугурук къычырмаса да, тангны атары къалмаз.
- Намыс болмагъан джерде, насыб болмаз.
- Ашхы болсанг, атынг чыгъар, аман болсанг, джанынг чыгъар.
- Ёлген ийнек сютлю болур.
- Ауругъан – джашаудан умутчу.
- Джаралыны джастыгъында сау ёлюр.
- Мухар, кеси тойса да, кёзю тоймаз.
- Кечеси – аяз, кюню – къыш, джарлы къаргъагъа бир аш тюш!
- Абынмазлыкъ аякъ джокъ, джангылмазлыкъ джаякъ джокъ.
- Кийимни бир кюнню аясанг, минг кюннге джарар.
- Чалманны аллы къалай башланса, арты да алай барады.
- Къазанчы аман болса, къазаны къайнамаз.
- Танг атмайма десе да, кюн къоярыкъ тюйюлдю.
- Ишни аллы бла къууанма да, арты бла къууан.
- Чоюнну башы ачыкъ болса, итге уят керекди.
- Чабакъсыз кёлге къармакъ салгъанлыкъгъа, чабакъ тутмазса.
- Арпа, будай – ащды, алтын, кюмюш а – ташды.
- Акъыллы башны – тили къысха.
- Джюрекден джюрекге джол барды.
- Аш берме да, къаш бер.
- Ач отунчуну ачыуу – бурнунда.
- Аман адам этегингден тутса, кес да къач.
- Сагъыш – къартлыкъгъа сюйюмчю.
- Адам сёзюнден белгили.
- Ким бла джюрюсенг, аны кёзю бла кёрюнюрсе.
- Аякъларынгы джууургъанынга кёре узат.
- Экеулен сёлеше тура эселе, орталарына барыб кирме.
Ошибка!
Для просмотра темы введите ваши логин и пароль.Пожалуйста, авторизуйтесь: