- Магъанасыз сёз – тауушсуз сыбызгъы.
- Аз сёлеш, кёб ишле.
- Гыдай эчки суугъа къараб, мюйюзле кёрмесе, джашма алкъын, дегенди.
- Окъуусуз билим – джокъ, билимсиз кюнюнг – джокъ.
- Къонакъ аз олтурур, кёб сынар.
- Башы ишлегенни, ауузу да ишлер.
- Тилсиз миллет джокъ болур.
- Сёз къанатсыз учар.
- Акъылсызны джууукъгъа алма, акъыллыны кенгнге салма.
- Джарлы эскисин джамаса, къууаныр.
- Джашда акъыл джокъ, къартда къарыу джокъ.
- Джаз бир кюнню джатсанг, къыш талай кюнню абынырса.
- Чакъырылмагъан къонакъ къачан кетерин сормаз.
- Тилчи бир сагъатха айлыкъ хата этер.
- Къарыусузгъа кюлме, онгсузгъа тийме.
- Кёлю джокъну – джолу джокъ.
- Уллу атлама – абынырса, уллу къабма – къарылырса.
- Бермеген къол, алмайды.
- Эр сокъур болсун, къатын тилсиз болсун.
- Кютгени беш эчки, сызгъыргъаны уа, джерни джарады.
- Ашхы сёз таш тешер.
- Ёксюзню къалачы уллу кёрюнюр.
- Эки къатын алгъан – эки ташны ортасына башын салгъан.
- Ата Джуртуму башы болмасам да, босагъасында ташы болайым.
- Къууут – джелге, берне – бошха.
- Ашхы адам – халкъ байлыгъы, ашхы джер – джашау байлыгъы.
- Бетинги сатма, малынгы сат.
- Сибиртки да сыйлы болду, кюрек да кюнлю болду.
- Бек ашыкъгъан меннге джетсин, дегенди аракъы.
- Къайтырыкъ эшигинги, къаты уруб чыкъма.
- Къыз тиширыу кеси юйюнде да къонакъды.
- Тиширыусуз юй – отсуз от джагъа.
- Бал – татлы, балдан да бала – татлы.
- Билим насыб берир, билим джолну керир.
- Бозанг болмагъан джерге, къалагъынгы сукъма.
- Суу да къайтады чыкъгъан джерине.
- Джангызны оту джарыкъ джанмаз!
- Хоншуну тауугъу къаз кёрюнюр, келини къыз кёрюнюр.
- Кёб ант этген, кёб ётюрюк айтыр.
- Адеб этмеген, адеб кёрмез.
- Айыбны суу бла джууалмазса.
- Урунуу – насыбны анасы.
- Ана кёлю – балада, бала кёлю – талада.
- Джюрекге ариу – кёзге да ариу.
- Ачны эсинде – аш.
- Джырына кёре эжиую.
- Тёрени джагъы джокъ.
- Тёрде – темир таякълы, къаяда – чыпчыкъ аякълы.
- Кийиминг бла танылма, адамлыкъ бла таныл.
- Келинни – келгинчи, бёркню кийгинчи кёр.
Ошибка!
Для просмотра темы введите ваши логин и пароль.Пожалуйста, авторизуйтесь: