- Мал тутхан – май джалар.
- Аджашханны ызындагъы кёреди, джангылгъанны джанындагъы биледи.
- Босагъа таш юйге кирмей эди, тыбыр таш эшикге чыкъмай эди.
- Тюз сёз баргъан сууну тыяр.
- Юре билмеген ит, къонакъ келтирир.
- Бет бетге къараса, бет да джерге къарар.
- Ышармагъан – кюлмез, кюлмеген – къууанчны билмез.
- Иги болса, тамадама – махтау, аман болса, меннге – айыб.
- Туз, гырджын аша, тюзлюк бла джаша.
- Биреуню эскиси биреуге джангы болмайды.
- Бети къызарыучу адамны, джюреги харам болмаз.
- Эрине къаргъыш этген къатын, эрнин къабар.
- Адеби болмагъан къыз – тузсуз хант.
- Акъыл къартда, джашда тюйюлдю – башдады.
- Къайгъыны сюйген, къайгъы табар.
- Аманнга алтын чыдамаз.
- Тенгинг джокъ эсе – изле, бар эсе – сакъла!
- Билим къая тешер.
- Ач, тоймам, дейди, тойгъан, ач болмам, дейди.
- Ачыу алгъа келсе, акъыл артха къалады.
- Адеб базарда сатылмаз.
- Баланы адам этген анады.
- Билген билмегенни юретген адетди.
- Ёгюзню мюйюзюнден тутадыла, адамны сёзюнден тутадыла.
- Татлы тилде – сёз ариу, чемер къолда – иш ариу.
- Аман къатын сабий табса, бий болур…
- Джахил болса анасы, не билликди баласы?
- Айтханы чапыракъдан ётмеген.
- Хунаны тюбюн къазсанг, юсюнге ауар.
- Тели турса – той бузар.
- Дуния мал дунияда къалады.
- Эли джокъну – кёлю джокъ.
- Кюлме джашха – келир башха.
- Битмегеннге сакъал – танг.
- Орну джокъну – сыйы джокъ.
- Ханнга да келеди хариблик.
- Къыз тиширыу кеси юйюнде да къонакъды.
- Айранын берсенг, челегин да къызгъанма.
- Кёрмегеннге кебек – танг, битмегеннге сакъал – танг.
- Окъумагъан сокъурду, сокъур ташха абыныр!
- Экеулен сёлеше тура эселе, орталарына барыб кирме.
- Джылыгъа джылан илешир.
- Окъ къызбайны джокълайды.
- Сютню башын джалагъан къутулур, тюбюн ичген тутулур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къатын къылыкъсыз, эр тынчлыкъсыз.
- Кёб къычыргъандан – къоркъма, тынч олтургъандан – къоркъ.
- Эрни эр этерик да, къара джер этерик да, тиширыуду.
- Суугъа – чабакъ, къаягъа – ыргъакъ.
- Кесинге джетмегенни, кёб сёлешме.
Ошибка!
Для просмотра темы введите ваши логин и пароль.Пожалуйста, авторизуйтесь: