- Къатын къылыкъсыз, эр тынчлыкъсыз.
- Чёбню кёлтюрсенг, тюбюнден сёз чыгъар.
- Билмегенинги, билгеннге сор.
- Ашлыкъны арба юйге келтирир, чана базаргъа элтир.
- Ана кёлю – балада, бала кёлю – талада.
- Кёл – къызбай, къол – батыр.
- Итли къонакъ джарашмаз.
- Тай асырагъан, атха минер.
- Иги адам абынса да, джангылмаз.
- Эри аманны, къатыны – аман.
- Айныгъанлы алты кюн, тогъайгъанлы тогъуз кюн.
- Биреуге аманлыкъны тилеме да, кесинге ашхылыкъны тиле.
- Бермеген къол, алмайды.
- Джангыз торгъай джырламаз.
- Билмейме деген – бир сёз
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Алма терегинден кери кетмез.
- Хазыр ашха – терен къашыкъ.
- «Ма», - дегенни билмесенг, «бер», - дегенни билмезсе.
- Байма, деб да, къууанма, джарлыма, деб да, джылама.
- Иги – алгъыш этер, аман – къаргъыш этер.
- Башсыз урчукъ тюзюне айланмаз.
- Ишни ахырын ойламай, аллын башлама.
- Къаллай салам берсенг, аллай джууаб алырса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Дуния аламаты сен эсенг да, игиме деб айтма.
- Билимден уллу байлыкъ джокъду.
- Тиширыусуз юй – отсуз от джагъа.
- Эски джаугъа ышанма.
- Джарашыу сюйген – джалынчакъ.
- Чабакъсыз кёлге къармакъ салгъанлыкъгъа, чабакъ тутмазса.
- Ата Джуртча джер болмаз, туугъан элча эл болмаз.
- Адамны артындан къара сабан сюрме.
- Къарнынг бла ёч алма.
- Зарда марда джокъ.
- Къызгъанчдан ычхыныр, мухардан ычхынмаз.
- Халкъны юйю – туугъан джери.
- Босагъа таш юйге кирмей эди, тыбыр таш эшикге чыкъмай эди.
- Джаханимни кёрмей, джандетге кёл салмазса.
- Юйюнг бла джау болгъандан эсе, элинг бла джау бол.
- Чабакъ башындан чирийди.
- Аякъларынгы джууургъанынга кёре узат.
- Юй ишлеген балта эшикде къалыр.
- Ариу сёз джыланны орнундан чыгъарыр.
- Чомарт къонакъ юй иесин сыйлар.
- Аджаллыгъа окъсуз шкок атылыр.
- Элиб деген, элге болушур.
- Аманнга алтын чыдамаз.
- Намысы болмагъанны, сыйы болмаз.
- Айыбны суу бла джууалмазса.
Эльбрусоид проводит любительский турнир по армрестлингу.
22.10.2011 18:46:25
К участию приглашаются все желающие. Мастеров спорта и кандидатов в мастера спорта по армспорту, просьба не беспокоиться.
|
|
|
|
28.10.2011 22:24:41
)) поднимаю тему))
|
|
|
|
29.10.2011 14:50:41
|
||||
|
|
|||
Читают тему (гостей: 1)