- Чомартха Тейри да борчлуду.
- Ана – юйню кюн джарыгъы.
- Къайтырыкъ эшигинги, къаты уруб чыкъма.
- Телиге от эт десенг, юйюнге от салыр.
- Тил – миллетни джаны.
- Билмейме деген – бир сёз
- Таукел къуру къалмаз.
- Эки къатын алгъанны къулагъы тынгнгаймаз.
- Игини сыйлагъан адетди.
- Эм ашхы къайын ана мамукъ бла башынгы тешер.
- Эр абынмай, эл танымаз.
- Мал тутхан – май джалар.
- Джан саулукъ бермей, сан саулукъ бермезсе.
- Айыбны суу бла джууалмазса.
- Эллинг бла джау болсанг да, юйюнг бла джау болма.
- Байлыкъ тауусулур, билим тауусулмаз.
- Нёгер болсанг, тенг бол, тенг болмасанг, кенг бол.
- Баргъанынга кёре болур келгенинг.
- Ашхы атаны – джашы ашхы, ашхы ананы – къызы ашхы.
- Ауругъан – джашаудан умутчу.
- Тилсиз миллет джокъ болур.
- Кёл – къызбай, къол – батыр.
- Мал ёлсе, сюек къалыр, адам ёлсе, иши къалыр.
- Бир онгсуз адам адет чыгъарды, деб эштирик тюлсе.
- Ата Джуртча джер болмаз, туугъан элча эл болмаз.
- Намыс сатылыб алынмайды.
- Ауузу аманнга «иги», деме.
- Кёзню ачылгъаны – иги, ауузну джабылгъаны – иги.
- Айтылгъан сёз ызына къайтмаз.
- Акъыл аздырмаз, билим тоздурмаз.
- Биреуню тёрюнден, кесинги эшик артынг игиди.
- Джаш болсун, къыз болсун, акъылы, саны тюз болсун.
- Тилде сюек болмаса да, сюек сындырыр.
- Гугурук къычырмаса да, тангны атары къалмаз.
- Ауругъаннга – кийик саулукъ, джетген къызгъа – чилле джаулукъ.
- Ёгюзню мюйюзюнден тутадыла, адамны сёзюнден тутадыла.
- Азыкъ аз болса, эртде орун сал.
- Байны оноуу, джарлыгъа джарамаз.
- Чакъырылмагъан джерге барма, чакъырылгъан джерден къалма.
- Бастасын ашагъан, хантусун да ичер.
- Алма терегинден кери кетмез.
- Суугъа – чабакъ, къаягъа – ыргъакъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аман хансны – урлугъу кёб.
- Ариу сёз аурууунгу алыр.
- Сёз – кюмюш, джыр – алтын.
- Огъурлуну сёзю – суу, огъурсузну сёзю – уу.
- Биреуге кёлтюрген таягъынг, кесинги башынга урур.
- Этни да ашады, бетни да ашады.
- Сабий кёргенин унутмаз.
