Войти на сайт
28 Марта  2024 года

 

  • Бозанг болмагъан джерге, къалагъынгы сукъма.
  • Элни кючю – эмеген.
  • Киштикге къанат битсе, чыпчыкъ къалмаз эди.
  • Аллахдан тилесенг, кёб тиле.
  • Ариу сёзде ауруу джокъ.
  • Кёзю сокъурдан – къоркъма, кёлю сокъурдан – къоркъ.
  • Сыфатында болмагъаны, суратында болмаз.
  • Ойнай билмеген, оюн бузар.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Ашхы – джыяр, аман – джояр.
  • Тойгъандан сора, ашны сёкме.
  • Арыгъан къош чамчы болур.
  • Джашлыкъ этмеген, башлыкъ этмез.
  • Аджал соруб келмез, келсе, къайтыб кетмез.
  • Джашда акъыл джокъ, къартда къарыу джокъ.
  • Игиге айтсанг – билир, аманнга айтсанг – кюлюр.
  • Аджашханны ызындагъы кёреди, джангылгъанны джанындагъы биледи.
  • Джаш къарыу бла кючлю, къарт акъыл бла кючлю.
  • Джыйырма къойну юч джыйырма эбзе кюте эди.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Кёб джат да, бек чаб.
  • Ётюрюк хапар аякъ тюбю бла джюрюйдю.
  • Джашны джигитлиги сорулур, къызны джигерлиги сорулур.
  • Ауругъанны сау билмез, ач къарынны токъ билмез.
  • Садакъачыны джаны – къапчыгъында.
  • Эшекге миннген – биринчи айыб, андан джыгъылгъан – экинчи айыб.
  • Аш берме да, къаш бер.
  • От кюйдюрген, сау болса да, тот кюйдюрген, сау болмаз.
  • Биреуге аманлыкъны тилеме да, кесинге ашхылыкъны тиле.
  • Ата – баланы уясы.
  • Сангырау къулакъ эл бузар.
  • Къарыусузгъа кюлме, онгсузгъа тийме.
  • Аманны эки битли тону болур, бирин сеннге кийдирир, бирин кеси киер.
  • Ышармагъан – кюлмез, кюлмеген – къууанчны билмез.
  • Акъыллы – эл иеси, тели – эл баласы.
  • Айтхан – тынч, этген – къыйын.
  • Ариу сёз аурууунгу алыр.
  • Джыгъылгъанны сырты джерден тоймаз.
  • Кёзню ачылгъаны – иги, ауузну джабылгъаны – иги.
  • Ушамагъан – джукъмаз.
  • Тюкюрюк баш джармаз, налат кёз чыгъармаз!
  • Окъумагъан сокъурду, сокъур ташха абыныр!
  • Кийимни бичсенг, кенг бич, тар этген къыйын тюлдю.
  • Бети къызарыучу адамны, джюреги харам болмаз.
  • Чыкълы кюнде чыкъмагъан, чыкъса къуру кирмеген.
  • Джетген къыз джерли эшекни танымаз.
  • Эл ауузу – элия.
  • Кюл тюбюндеги от кёрюнмейди.
  • Берекет берсин деген джерде, берекет болур.
  • Босагъагъа джууукъ орун болса, ашыгъыб тёрге озма.

 

Страницы: 1 2 3 След.
RSS
г. Карачаевск! День Возрождения карачаевского народа!!!
 
Завтра, 3 мая - 54 годовщина возвращения карачаевцев на Родину!!!

В 16-00 на центральной площади г. Карачаевска состоится праздничный концерт!

Уважаемые горожане, гости и друзья! Приглашаем вас на торжества по случаю праздника!!!

Группы "Домбай", "Аяз", "Алания", а так же молодые, но уже известные Эльдар Жаникаев, Къайсын Холамханов, Наталья Созаева, Расул Кабардоков, Лейла Хапаева порадуют нас с вами своим творчеством!

И конечно же, всеми любимые Лидия Батчаева, Олеся Хубиева, Дахир Созаруков и многие другие



 
Отпразднуем вместе наш праздник!!!
 
SOFIKOSHKA
жаль, что не увижу)
А на самом мемориале что-нибудь намечатся?
 
Айза

с мемориалом в этом году как то непонятно решили. Каждый год был митинг и возложение. Приезжал президент, руководство округа. А в этот раз, решили все мероприятия провести в Черксске. То есть тут будет только молча возложение в 10 часов. Так что как то так.

Я спорила по этому поводу в Администрации, но Черкесск стоит на своем.
 
SOFIKOSHKA
понятно
можно было бы в двух городах отпраздновать
 
Айза,

Ну, видимо, руководство республики так и хочет. Только президент и так и так едет на возложение. Уж можно был бы пару слов сказать собравшемуся народу...
 
новый президент-новые правила Эльба-Нальчик тоже с нами
 
София, надеюсь увидеть тебя в качестве ведущей
 
Каролина

спасибо я тоже надеюсь тебя там увидеть!)))
 
О значит все увидимся в Карачаевске...)))
 
SOFIKOSHKA
я тоже надеюсь тебя там увидеть!)))
Я тоже хочу увидеть Каролину

Это была Хафиза
 
ЁМЮРЮНГ УЗАКЪ БОЛСУН, КЪАРАЧАЙ !!!!!!!!!!!!!!!!!!!!!!!!!!!!!!!!!!!!!!!

НАСЫБЫМА КЪАРАЧАЙ ДЕБ АТАДЫМ

132 Лайпанланы Билалгъа


Джангур кече джыр келмейин тели эсге,
Мадар болмай сукъланыргъа мен айгъа,
Кирпиклени салгъанем да бирин бирге,
Мен миннгенем къуш къанатлы бир тайгъа.

Кийиннгеним бурундача: чепкен, къама,
Джерими да хар кереги алтындан.
Тыймаз эди, сагъыш ётмез, сослан къая,
Ёхтем эдим кесим кибик алтыдан.

Джети кёкден джети кере мийик джерде,
Анда ай да, тура болуб, ышара,
Бир чегетден менге ургъан джашил джелде,
Келе элле ууакъ ташла къызара.

Ийнанмайын, мен тийдим да къызыл ташха,
Исси эди,- исси сагъыш этдирди.
Башха кёкде джурт излеген арсар джашха,
Олсагъатдан адам таууш эштилди.

Тебредим да, тохтадыла учхан ташла,
Джашил джел да, тюшде кибик, тас болду.
Келди ауаз: ?Чыртда къоркъма, атла, атла,-
Ызынданда,- о кимсе??- деб ол сорду.

Уйюб элле къызыл ташла хауа юсде,
Къулакъла да ай джарыкъдан бугъунуб.
Бара эдим, сагъыш басыб, бир акъ тюзде,
Джюрегим да табаныма сугъулуб.

Чегет ичге, бир талагъа, элтди мени
Эки джаны гюлден толу бир джолчукъ.
Уллу къама, къызыл къама алды эсни
Бёрю эдим, болуб къалдым къозучукъ.

Ол къама да сорду меннге гыбыр халда:
?Нек кетдинг?- деб-джуртну къоюб тышына?
Орун джокъмуд джашар ючю алай анда.
Къарачайны уланына, къызына?



Къарча Къама, ёлмез Къама - ма ол менме!
Атагъыз да сослан ташлы къаладад
Кюч джаны бла, алгъын кибик, мен юч элме.
Юч элни да адамлыгъы Къарчадад?.

Боркъулдайды къама аууз, джанад отлай,
Мен а, аллай, джелсиз кече бир хауа.
Сюйгеними болсун чоту менде чотлай,
Джюрегиме бурунладан эс джауа.

Къушну озгъан, къуш къанатлы тири тайым,
Ол да ийгенд джылан башын энишге.
Былай деб да джашырмайын мен айтайым,
Мыдах эди, чыкъмаз кибик эришге.

Кёлюндеча джаншаб тургъан джаншакъ макъа,
Хар элчича, мен да аллай элимде,
Ой, анда уа, Къама сёзю, мен омакъгъа
Сёз айтыргъа джан къоймайды тилимде.

Чыкъгъанымы аламгъа уа не муратда
Айтды Къама, окъугъанча ангымы,
Кесими да андан кёрдюм кенг арбазда,
Махтады да Къарачайны ? джанымы.

?Сюйгенле да, сюймеген да болуб эрши,
Сен келгенсе джандет джуртдан, тауладан.
Таулу къызны бир да болма ма сен эри,
Къаллай эрсе къоркъа эсенг джашаудан.

Бек мийикде, бек узакъда, башха Джерде
Къарачай деб, кърал бард деб, келгенсе.
Туралла деб, джашы, къарты бары тёрде,
Сен тюшюнгде аллай затла кёргенсе.

Бурунланы, бек сюйесе, джокъду сёзюм,
Санынгда да дертлик къанынг ойнайды.
Таныгъанды, кёрюр ? кёрмез сени кёзюм,
Миллет ёсюм джюрегинги къыйнайды.

Джюрегингде барды сени таулу ышан,
Къарамынг а, садакъ огъу джауунга.
Тыялмазчад атламынгы ахыр заман,
Минерчаса ата джуртну таууна.
-3-
Сен келгенсе Къарачай деб кърал излей
Кенг шахарла, уллу элле хар къайда.
Чанчылырмы джокъду джууаб джити мизлей,
Сюйсенг джыла, сюйсенг айт сен орайда.

Сеничала кёб болсала алгъаракъда,
Джюзер элле душман къанда душманла.
Болушлукъ да болмады да артдаракъда
Арыдыла Карчада да ол къолла.

Бурунланы, къозгъамайыкъ, энди, аны,
Къарча эштсе мыдах къанны аллыкъыды,
Миллетине джарыкъ себген джулдуз джаны
Кёрюннгеннге къара кюртле саллыкъды.

Мугаллыкъгъа башны ийген, учхан тайым,
Анда айгъа джити къараб кишнеди.
О, Къарачай, джангы джылда джангы айым,
Санларымы тансыкъ ауруу кючледи.

Билалмайма не болгъанын, тобукъландым,
Къарча сёзден къарыу алды джюрегим,
Узакъдагъы Ата джуртха мен сукъландым,
Джауларын да келген эди эзерим.

Къоллумдаед белимдеги джити къамам,
Урушхача, тутуб эдим сабындан,
Джууаш болду, джер джутарыкъ, гыбыр къарам,
Узалгъанлай бир кючлю къол сыртымдан.

Кёралмадым ма ол къолну мен ийесин,
Кючлю къол а туура эди кёзлеге.
Кертилигин аллай кюнню Тейри берсин,
Тынгылалла къулакъларым сёзлеге.

Эски джуртдан къонакъ болгъан, таулу улан,
Сагъышынгы, муратынгы сезгенме.
Тайынг сени болуб эсе къушлай учхан,
Къайт джуртунга, ма, къолуму бергенме.

Табайым деб, Къарачай деб, уллу къырал
Сен чыкъгъанса мийик кекню башына,
Мындан ары джукъ да джокъду, хайда къурал,
Бар да джаблан тауларынгы ташына.

Тауларынгдан сен эштирсе кёб осият:
Къарачай деб, Къарачай деб хар сёзден.
Бу сёзю бла Къарча акканг сёзюн къояд.
Аджаштырма Къарачайны сен кёзден.

Бошланнганлай къолум мени тутхан къолдан,
Аз айтды деб, терк къарасам, ёпкелеб,
Мен къайтыбма мийик кёкден. узакъ джолдан,
Мен турама къой джатмада чёгелеб.

Тюрленмейин джанад энтда арбаз чыракъ,
Кёзюм кёрген, къойгъанымча, ма, алай,
Къарачайым болгъанды да харбуз таракъ,
Мен турама къабыб къоймай, ма джалай.

Шууулдайды, тохтамайды джайгъы джангъур,
Суу анасы ийе болгъанд элиме.
Джюрегимден джокъ да болду сагъыш джауур,
Урад сабыр джыр аязчыкъ бетиме.

Къызаргъанды Къарча тутхан сууукъ къолум,
Джашаууму джашау этди бу джазуу.
Къартлыкъгъа да, ёлюмге да узакъ джолум
Сууукъ болмаз, менде туруб бу джылыу.

Бу джылыу бла бир джыр джазсам, кире барыб,
Кюч этерча сууукълукъгъа, боранга,
Къууанырча мыдах адам, джюрек алыб,
Сау бол дерча эртден, ингир ол манга.

Кеси джангыз къалды менсиз къургъакъ джатма
Мен джангурда, къууанчым да кёлюмде,
Къайтарама джерге къараб: тели джашма,
Кетмезме деб ма бу джерден ёмюрде.

Джибисем да кеталмайма таш арбаздан,
Отоуум да чакъырады джазаргъа,
Мен тилейме, кетмейик деб, хар бир джандан.
Бард чурум деб, ма бу джерде джашаргъа.

-5-
Джерге тийиб, мен кетгенме терен серге,
Къатышханма бурунлагъа - тубаннга,
Къууанчлыма тийгенимден мылы джерге.
Тийиген кибик бир дин ахлу къураннгъа.

Насыбымы къайдагъысын, билмей атын,
Мен кёкледе бир кёб джерде айландым.
Табдым энди, ма бу джуртду, ма насыбым.
Насыбыма Къарачай деб атадым.

ДЖОЛ КЪУРУ АЛГЪАДЫ, КЪАРАЧАЙ...
 
 
Пионервожатые
 
SOFIKOSHKA

Байрам бла "Эльба"-Карачаевск
Жашасын,жашнасын Къарачай!!!

ВСЕМ МОИ ПОЗДРАВЛЕНИЯ
 
Холамский, сау бол Аллах къарачай-малкъар миллетибизге къыйынлыкъны сынатмасын!!!
 
Аллах кергюзмесин бундан ары кечкюнчюлюк къыйыллыкъны.
 
САЛАМ! ТАТЛЫ ДЖУРТУМ!

Пусть- этот ПРАЗДНИК останется единственным грустным праздником!
Пусть- никогда наш НАРОД не испытает такого горя!
Пусть- будут праздники светлые и счастливые-наш народ заслужил это!
Пусть -будет праздник Карачаевской лошади!
Пусть- будет праздник Карчаевской барашки!
Пусть- будет праздник Карачаевского айрана!
Пусть- будет праздник Карачаевского хычына!
Пусть- будет праздник Карчаевского национального Чебкена!
Пусть -будет праздник Карачаевских умельцев!
Пусть- будет праздник Карачаевской музыки и танца!
Пусть- будет праздник Карачаевской литературы!


Пусть - ВЕЧНО сияет Солнце над тобой-РОДИНА моя!
Пусть- мирно охраняет Тебя ЭЛЬБРУС!
Пусть- Колыбельные песни КУБАНИ и ТЕБЕРДЫ, баюкают Твои горы и долины еще тысячелетия!
 
Кергелен

блииииин... аж мурашки по коже....

Амин Аллах!!! Аллах хар айтхан сенюнге "Амин" десин!!!!

З.Ы, утащила к себе в сегодняшний сценарий!
 
Кергелен
 
Поздравляю всех! Желаю удачно отметить праздник! Аллах къуанч кюнлерибизни кёб этсин! Миллетибизге къыйинлыкъ кергюстмесин!
 
Кергелен

Амин Аллах!
 
3 МАЙ - КЪАРАЧАЙ ХАЛКЪ 14-ДЖЫЛЛЫКЪ СЮРГЮНДЕН ДЖУРТУНА КЪАЙЫТХАН КЮННГЕ-БАЙРАМГЪА САНАЛАДЫ.

Ол заманны - 1957-чи джылланы - хауасы СЕМЕНЛАНЫ ДЖЫРЧЫ СЫМАЙЫЛНЫ назмуларында бек ариу кёрюнеди.

КЪАЙЫТАЙЫКЪ

Орта Азия... Эсги тыбыр, уллу эшик...
Беш къарнашны туууб джашагьан джери!
Миллетлени къанлы джауу Берия
Алыб келиб тёкгенед бизни бери.

Онтерт джылны джашау бизни сынады,
Болумубуз ишибизден танылды.
Сынау джылла кюреш бла ётдюле ?
Энди артха къайытыр мадар табылды.

Да, къайытайыкъ, ашхы тенгле, энди биз,
Миллетибиз туууб ёсген таулагьа.
Ёлгенлеге олджан салам берейик,
Тилек этиб джол тутарыкъ саулагьа.

Орта Азия - бизни тургъан элибиз!
Тау Къарачай бизни туугъан джерибиз!
Тургъан элинг - дарий кибик бир айбат,
Туугъан джеринг - джан сакълагъан керамат.

Къарнаш халкъла, сау къалыгъыз, кетебиз,
Туз гырджынны бизге халал этигиз.
Биз да барыб анда къазыкъ урайыкъ,
Сиз да мында муратыгъызгьа джетигиз!

КЪАЙЫТХАН КЮН ХАЛКЪЫМА

Онтёрт джылны джер тырнакълаб джашагъан,
Джыламукъ бла гырджынны тенг ашагъан,
Сарнайса сен тау джуртунгу ийнакълай,
Джарлы халкъым, ой джаралы Къарачай!

Адамларынг Азияда къалдыла,
Джюреклеге кетмез аууруу салдыла,
Къабырларынг къум тюзледе сынсызлай,
Уланларынг къазауатда ызсызлай.

Ол джыллада джан бергенле къайтмазла,
Тауларына тансыкъ салам айтмазла,
Махар суудан бауурланыб ичмезле,
Саула этген бу кюулени эшитмезле.

Ол джылланы къан ызлары кеберле,
Аллах айтса, уланларынг джетерле,
Сен джырларса тауларынгда алгьынлай,
Джарлы халкъым, ой джаралы Къарачай!

Ёлгенинге джаннет юйню багъышлай,
Сауларынгы джашау джолгъа алгьышлай,
Мен айтханча джыламугъунг джылтырай,
Айт орайда, ой джаралы Къарачай!

СЫМАЙЫЛ КЪАЙЫТДЫ ДЖЕРИНЕ

Мен Семенланы Семенме дейме,
Чыдамым бла эменме.
Бек ашыкъ болуб, бек тансыкъ болуб,
Шам Къарачайгьа келгенме.

Сен Семенланы Семенсе дейле,
Менден джыр, оюн излейле.
Чачылгъан джуртха басыннган адамла
Манга кёз ач деб тилейле.

Мен да сенича биреулен, алан,
Бу джарлы халкъны уланы,
Мен да сенича ийнаналмайма
Керти кёрдюм деб тауланы.

Джюрек тыхсыса ауаз чыкъмайды,
Тамагъынг къысыб, бууулуб.
Бюгюн Сымайыл джыр айталмайды,
Кёзден джыламукъ къуюлуб.

Ана бла бала тюбешген кибик,
Джурт халкъы бла тюбешди.
Сау онтёрт джылны басдырыб тургъан
Джылыуун бизге юлешди.

Джюреги тыхсый, кёзлери тола,
Тойла этеди Къарачай.
Бу къайтхан кюнню, бу къууанч кюнню
Саулай дуниягъа айгъакълай!
1957 дж. Хурзук

ТАНСЫКЪЛАУ ДЖЫР

Мен тансыкъ болуб келгенме, тенгле,
Учкулан башы таулагьа.
Мен джылы салам береме энди
Ёлгенле къалыб саулагьа.

Ой ташын джалаб, сууун ичейик
Бу ёзенлени, джерлени,
Сыйлы атларын кюуге салайыкъ
Тышында джан бергенлени.

Шам Къарачайым, къучакъ джаяйым
Сени терсликден къоруулай!
Да джаланаякъ бир айланайым
Ким сау къайытды деб соруулай!

Тузлу джыламукъ бетими джууа
Ёксюзле бла джылайым,
Ой кенгде къалгъан ёлгенлеге атаб,
Джер сайлаб, сынташ салайым.

Нарат терекни джибек чачына
Тюртюден инджи тизейим,
Тау этегинде атылыб къалгъан
Къабыр топракъны излейим.

Къыйынлыкъ чекген бу джарлы халкъгъа
Кёз ачдыра, джыр айтайым,
Къайда болсам да, ахыр кюнюмде
Ой бу джерлеге къайтайым!

Ой, Ата джуртум, сыйлы Къарачай,
Мен къууаннгандан джылайма.
Узакъдан келиб, тансыкъдан кюйюб
Джюрек таралыб джырлайма.
 
важныйциле бла бирге алгъышлайбыз!!! Миллетибиз къыйынлыкъ кёрмесин! Минги тауну этегинде зангыдан зашау зуртла къурап, ёседи, зашнайды халкъыбыз. Минги тау сюелген къадар миллетибизни ацыу зели элгендирмесин! Къартла заш тёлюге къууана, зашла да таматалагъа сый бере зашайыкъ! Тилибизни, динибизни, адетибизни-тёребизни тас этмей, тёлюден-тёлюге берсин! Бир-бирге алгъыш айтыр, той-оюн этер кюнлерибиз кёп болсунла! Зашнасын, зашасын, айнысын Къарачай-Малкъар миллетибиз!
 
Байрам бла ДЖАМАГЪАТ!!! )))
Страницы: 1 2 3 След.
Читают тему (гостей: 1)

 

Написать нам