- Ауурну тюбю бла, дженгилни башы бла джюрюген.
- Чабакъгъа акъыл, табагъа тюшсе келеди.
- Эл бла кёргенинг эрелей.
- Оюмсуз атлагъан, аджалсыз ёлюр.
- Тойгъандан сора, ашны сёкме.
- Терслик кетер, тюзлюк джетер.
- Акъыллы эркиши атын махтар, акъылсыз эркиши къатынын махтар.
- Ачны эсинде – аш.
- Шекер бла туз – бир болмаз, ушамагъан – юй болмаз.
- Сакъалы текени да бар, мыйыгъы киштикни да бар.
- Билим насыб берир, билим джолну керир.
- Эл ауузу – элия.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къызны минг тилер, бир алыр.
- Юй ишлеген балта эшикде къалыр.
- Кёзню ачылгъаны – иги, ауузну джабылгъаны – иги.
- Бойнуму джети джерден кессенг да, мен ол ишни этеллик тюлме.
- Чакъырылмагъан къонакъ тёрге атламаз.
- Ач да бол, токъ да бол – намысынга бек бол.
- Джети тилни билген джети кишиди.
- Биреуге аманлыкъ этиб, кесинге игилик табмазса.
- Адам къаллай бир ишленмесе, аллай бир кесин уллу кёреди.
- Тёгюлген тюгел джыйылмайды.
- Ат басханны джер билед.
- Аллахха ийнаннган кишини, Аллах онгдурур ишин.
- Тура эдим джата, къайдан чыкъды хата?
- Сютден ауузу кюйген, суугъа юфгюре эди.
- Тойгъан антын унутур.
- Хантына кёре тузу, юйюне кёре къызы.
- Къонакъ аман болса, къонакъбай джунчур
- Сакъламагъан затынга джолукъсанг, не бек къууанаса, не бек ачыйса.
- Аз айтсам, кёб ангылагъыз.
- Биреуню тёрюнден, кесинги эшик артынг игиди.
- Иги сёз – джаннга азыкъ, аман сёз башха – къазыкъ.
- Тин – байлыгъынг, терен саулугъунг.
- Къатын байлыкъны сюер, эр саулукъну сюер.
- Ариу сёз – къылычдан джити.
- Джетген къыз джерли эшекни танымаз.
- Бал чибинни ургъаны – ачы, балы – татлы.
- Бети – къучакълар, джюреги – бычакълар.
- Ач къарным, тынч къулагъым.
- Джогъун бар этген, барын бал этген.
- Ишлегенден, къарагъан уста.
- Къая джолда джортма, ачыкъ сёзден къоркъма.
- Кюн кёрмеген, кюн кёрсе, кюндюз чыракъ джандырыр.
- Ана – юйню кюн джарыгъы.
- Атлыны ашхысы, ат тизгининден билинир
- Суугъа – чабакъ, къаягъа – ыргъакъ.
- Суу ичген шауданынга тюкюрме.
- Дуния малгъа сатылма, кесингден телиге къатылма.
[ Закрыто ] Футбол, Эльбрусоид-Азербайджан 29.10.2011!!
Читают тему (гостей: 1)