- Къалгъан ишге къар джауар.
- Ариу джол аджал келтирмез.
- Къарны аманнга къазан такъдырма, къолу аманнга от джакъдырма.
- Сакъламагъан затынга джолукъсанг, не бек къууанаса, не бек ачыйса.
- Ашха уста, юйюнде болсун
- Аман киши кеси юйюнде – къонакъ.
- Къызгъанчдан ычхыныр, мухардан ычхынмаз.
- Чакъырылмагъан къонакъ къачан кетерин сормаз.
- Билимсиз иш бармаз.
- Бичгенде ашыкъма, тикгенде ашыкъ.
- Ким бла джюрюсенг, аны кёзю бла кёрюнюрсе.
- Суу ичген шауданынга тюкюрме.
- Ач да бол, токъ да бол – намысынга бек бол.
- Атадан ёксюз – бир ёксюз, анадан ёксюз – эки ёксюз.
- Джолунга кёре – джюрюшюнг, джагъанга кёре – юлюшюнг.
- Чыбыкълыкъда бюгюлмеген, къазыкълыкъда бюгюлмей эди.
- Aдам боллукъ, сыфатындан белгили.
- Аш берме да, къаш бер.
- Къазанны башы ачыкъ болса, итге уят керекди.
- Къаллай салам берсенг, аллай джууаб алырса.
- Мадар болса, къадар болур.
- Эртде тургъан джылкъычыны эркек аты тай табар.
- Ауузу аманнга «иги», деме.
- Байлыкъ болгъан джерде, тынчлыкъ джокъду.
- Эки элинги тыйсанг, джети элде махталырса.
- Билеги кючлю, бирни джыгъар, билими кючлю, мингни джыгъар.
- Ата – билек, ана – джюрек!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Элге къуллукъ этмеген, элге ие болмаз.
- Босагъа таш юйге кирмей эди, тыбыр таш эшикге чыкъмай эди.
- Кимни – тили, тиши онглу, кимни – къолу, иши онглу.
- Ана – юйню кюн джарыгъы.
- Ойнай-ойнай кёз чыгъар.
- Келлик заман – къартлыкъ келтирир, кетген заман – джашлыкъ ёлтюрюр.
- Аман эсирсе, юйюн ояр.
- Къатыны харакетли болса, эри къымсыз болур.
- Сютню башын джалагъан къутулур, тюбюн ичген тутулур.
- Айырылмаз джууугъунга, унутмаз сёзню айтма.
- Бойнуму джети джерден кессенг да, мен ол ишни этеллик тюлме.
- Чабакъгъа акъыл, табагъа тюшсе келеди.
- Аман адамны тепсинге олтуртсанг, къызынгы тилер.
- Ач къарынны, токъ билмез
- Джаш болсун, къыз болсун, акъылы, саны тюз болсун.
- Хансыз джомакъ болмаз.
- Ёксюзню тилеги къабыл болур.
- Эртде тургъан бла эртде юйленнген сокъуранмаз.
- Ёлюр джаннга, ёкюл джокъ.
- Аманны тукъумуна къарама, игини тукъумун сорма.
- Къошда джокъгъа – юлюш джокъ.
- Ёлюк кебинсиз къалмаз.
[ Закрыто ] Футбол, Эльбрусоид-Азербайджан 29.10.2011!!
Читают тему (гостей: 1)