- Иги – алгъыш этер, аман – къаргъыш этер.
- Зарда марда джокъ.
- Дуния малгъа сатылма, кесингден телиге къатылма.
- Ёгюзню мюйюзюнден тутадыла, адамны сёзюнден тутадыла.
- Адамны артындан къара сабан сюрме.
- Сабийликде юретмесенг, уллу болса – тюзелмез.
- Кёлсюзден сёзсюз тууар.
- Ариуну – ауруу кёб.
- Ойнаб айтсанг да, эслеб айт.
- Къалгъан ишге къар джауар.
- Этек чакъмакълары баш джаргъан, сёлешген сёзлери таш джаргъан.
- Билген билмегенни юретген адетди.
- Сабийни джумушха джибер да, ызындан бар.
- Биреуню тёрюнден, кесинги эшик артынг игиди.
- Ана къолу ачытмаз.
- Джарлыны тону джаз битер.
- Кесине оноу эте билмеген, халкъына да эте билмез.
- Ашына кёре табагъы, балына кёре къалагъы.
- Ашатыргъа иш – ашхы, ишлетирге аш – ашхы.
- Экиндини кеч къылсанг, чабыб джетер ашхам.
- Тёзгеннге, джабылгъан эшик ачылыр.
- Къарнынг тойгъунчу аша да, белинг талгъынчы ишле.
- Сакъалы текени да бар, мыйыгъы киштикни да бар.
- Аман хансны – урлугъу кёб.
- Юй ишлеген балта эшикде къалыр.
- Тешигини къатында, чычхан да батыр болур.
- Кийимни бичсенг, кенг бич, тар этген къыйын тюлдю.
- Джеринден айырылгъан – джети джылар, джуртундан айырылгъан – ёлгюнчю джылар.
- Аз айтсам, кёб ангылагъыз.
- Тай асырагъан, атха минер.
- Таш ата билмеген, башына урур.
- Кесине гебен этелмеген, биреуге черен эте эди.
- Ата Джуртча джер болмаз, туугъан элча эл болмаз.
- Игилик игилик бла сингдирилиучю затды.
- Бетинги сатма, малынгы сат.
- Ёпкелегенни ашы татлы болады.
- Баш болса, бёрк табылыр.
- Термилгенинги табмазса, кюлгенинге тюберсе.
- Эли джокъну – кёлю джокъ.
- Ётюрюкден тюбю джокъ, кёлтюрюрге джиби джокъ.
- Къартны бурнун сюрт да, оноугъа тут.
- Биреуню къыйынлыгъы бла кесинге джол ишлеме.
- Кёз – сюйген джерде, къол – ауругъан джерде.
- Тойгъандан сора, ашны сёкме.
- Тёрде – темир таякълы, къаяда – чыпчыкъ аякълы.
- Аман адамны тепсинге олтуртсанг, къызынгы тилер.
- Кесинге джетмегенни, кёб сёлешме.
- Башы ишлегенни, ауузу да ишлер.
- Ач, тоймам, дейди, тойгъан, ач болмам, дейди.
- Тилчи бир сагъатха айлыкъ хата этер.
[ Закрыто ] Футбол, Эльбрусоид-Азербайджан 29.10.2011!!
Читают тему (гостей: 1)