- Эки итни арасына сюек атма, эки адамны арасында сёз чыгъарма.
- Нафысынгы айтханын этме, намысынгы айтханын эт.
- Аман киши кеси юйюнде – къонакъ.
- Ишлемеген – тишлемез.
- Ата джурт – алтын бешик.
- Джолунга кёре – джюрюшюнг, джагъанга кёре – юлюшюнг.
- Ёлюк кебинсиз къалмаз.
- Эркиши – от, тиширыу – суу.
- Ишленмеген джаш – джюгенсиз ат, ишленмеген къыз – тузсуз хант.
- Ётюрюкден тюбю джокъ, кёлтюрюрге джиби джокъ.
- Сабийни джумушха джибер да, ызындан бар.
- Булут кёкге джарашыу, уят бетге джарашыу.
- Махтаннган къыз, тойда джукълар.
- Билмезни кёзю кёрмез, этмезни къулагъы эшитмез.
- Насыб бютеу халкъны юлюшюдю.
- Адамны артындан къара сабан сюрме.
- Хар зат кесини орнуна иги.
- Атынг аманнга чыкъгъандан эсе, джанынг тамагъынгдан чыкъсын.
- Онгсузну – джакъла, тенгликни – сакъла.
- Тулпарлыкъ, билекден тюл – джюрекден.
- Окъумагъан сокъурду, сокъур ташха абыныр!
- Джауумдан сора, кюн кюйдюрюр, ётюрюкден сора, айыб кюйдюрюр.
- Адамны адамлыгъы къыйынлыкъда айгъакъланады.
- Ариу сёз аурууунгу алыр.
- Билимли ёлмез, билимсиз кёрмез.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ана – юйню кюн джарыгъы.
- Кийимни бичсенг, кенг бич, тар этген къыйын тюлдю.
- Тешигини къатында, чычхан да батыр болур.
- Кёзден кетген, кёлден да кетеди.
- Аман адам этегингден тутса, кес да къач.
- Юйюнг бла джау болгъандан эсе, элинг бла джау бол.
- Аш иеси бла татлыды.
- Эм ашхы къайын ана мамукъ бла башынгы тешер.
- Ёлмесенг да, къарт дамы болмазса?
- Къартны сыйын кёрмеген, къартлыгъында сыйлы болмаз.
- Байлыкъ болгъан джерде, тынчлыкъ джокъду.
- Малны кют, джерни тюрт.
- Минг тенг да азды, бир джау да кёбдю.
- Эки къатын алгъан – эки ташны ортасына башын салгъан.
- Кёбге таш атма.
- Эл бла кёргенинг эрелей.
- Бал – татлы, балдан да бала – татлы.
- Ашхы тенг джолгъа салыр, аман тенг джолдан тайдырыр.
- Сагъышы джокъ – джукъучу, акъылы джокъ – къаугъачы.
- Халкъны юйю – туугъан джери.
- Ашаса, ашамаса да, бёрюню ауузу – къан.
- Кёзню ачылгъаны – иги, ауузну джабылгъаны – иги.
- Келлик заман – къартлыкъ келтирир, кетген заман – джашлыкъ ёлтюрюр.
- Ишленмеклик адамлыкъды.
Ошибка!
Для просмотра темы введите ваши логин и пароль.Пожалуйста, авторизуйтесь: