- Айтылгъан сёз ызына къайтмаз.
- Билимден уллу байлыкъ джокъду.
- Къартны бурнун сюрт да, оноугъа тут.
- Къалгъан ишге къар джауар.
- Къартны сыйын кёрмеген, къартлыгъында сыйлы болмаз.
- Къарт болгъан джерде, берекет болур, сабий болгъан джерде, оюн болур.
- Келгинчи, къонакъ уялыр, келгенден сора, къонакъбай уялыр.
- Чабакъгъа акъыл, табагъа тюшсе келеди.
- Ётюрюкден тюбю джокъ, кёлтюрюрге джиби джокъ.
- Джетген къыз джерли эшекни танымаз.
- Къартха ушагъан джаш – акъыллы, джашха ушагъан къарт – тели.
- Чомартны къолун джокълукъ байлар.
- Татлы сёз – балдан татлы.
- Джумушакъ терекни къурт ашар.
- Айыбны суу бла джууалмазса.
- Тойну къарнашы – харс, джырны къарнашы – эжиу.
- Джолунга кёре – джюрюшюнг, джагъанга кёре – юлюшюнг.
- Тыш элде солтан болгъандан эсе, кесинги элде олтан болгъан игиди!
- Кийимни бир кюнню аясанг, минг кюннге джарар.
- Атадан ёксюз – бир ёксюз, анадан ёксюз – эки ёксюз.
- Адам къыйынлыгъын кёлтюрюр, зауукълугъун кёлтюрмез.
- Джырчы ёлсе, джыры къалыр.
- Къыз келсе, джумуш эте келеди, къатын келсе, ушакъ эте келеди.
- Сёз – кюмюш, джыр – алтын.
- Билим ат болуб да чабар, къуш болуб да учар.
- Кёб джат да, бек чаб.
- Къарнынг ауруса, ауузунгу тый
- Байны къызы баймакъ болса да, юйде къалмаз!
- Ашаса, ашамаса да, бёрюню ауузу – къан.
- Огъурлуну сёзю – суу, огъурсузну сёзю – уу.
- Орундукъ тюбюнде атылсам да, орта джиликме, де да айлан.
- Тёрде – темир таякълы, къаяда – чыпчыкъ аякълы.
- Тёзгеннге, джабылгъан эшик ачылыр.
- Къонакъны къачан кетерин сорма, къачан келлигин сор.
- Эски джаугъа ышанма.
- Баланы адам этген анады.
- Ургъан суудан башынгы сакъла.
- Къарын къуру болса, джюрек уру болур.
- Бозанг болмагъан джерге, къалагъынгы сукъма.
- Джарлыны тону джаз битер.
- Намысы болмагъанны, сыйы болмаз.
- Акъдан къара болмаз.
- Аманны къуугъан, аманлыкъ табар.
- Ач уят къоймаз.
- Ётюрюк хапар аякъ тюбю бла джюрюйдю.
- Юй ишлеген балта эшикде къалыр.
- Ата джурт – алтын бешик.
- Айырылгъанланы айю ашар, бёлюннгенлени бёрю ашар.
- Ёлюр джаннга, ёкюл джокъ.
- Накъырда – кертини келечиси.
Ошибка!
Для просмотра темы введите ваши логин и пароль.Пожалуйста, авторизуйтесь: