- Билими азны – ауузунда кирит.
- Ашыкъгъанны этеги бутуна чырмалыр.
- Эркиши – от, тиширыу – суу.
- Арпа, будай – ащды, алтын, кюмюш а – ташды.
- Ашхы тенг джолгъа салыр, аман тенг джолдан тайдырыр.
- Къан бла кирген, джан бла чыгъар.
- Акъдан къара болмаз.
- Иесиз малны бёрю ашар.
- Бермеген къол, алмайды.
- Джогъун бар этген, барын бал этген.
- Зарда марда джокъ.
- Ата Джуртун танымагъан, атасын да танымаз.
- Къулакъдан эсе, кёзге ышан.
- Мухардан ач ычхынмаз.
- Юреннген ауруу къалмаз.
- Джаш болсун, къыз болсун, акъылы, саны тюз болсун.
- Джан саулукъ бермей, сан саулукъ бермезсе.
- Aдам боллукъ, сыфатындан белгили.
- Сакъалы текени да бар, мыйыгъы киштикни да бар.
- Мухар, кеси тойса да, кёзю тоймаз.
- Окъугъанны бети джарыкъ.
- Суугъа – чабакъ, къаягъа – ыргъакъ.
- Келлик заман – къартлыкъ келтирир, кетген заман – джашлыкъ ёлтюрюр.
- Тешигини къатында, чычхан да батыр болур.
- Сибиртки да сыйлы болду, кюрек да кюнлю болду.
- Ач отунчуну ачыуу – бурнунда.
- Ашарыкъда сайлагъаннга – чий гырджын.
- Этни да ашады, бетни да ашады.
- Намысы джокъну – дуниясы джокъ.
- Адеби болмагъан къыз – тузсуз хант.
- Намыс сатылыб алынмайды.
- Къарнынг тойгъунчу аша да, белинг талгъынчы ишле.
- Къызын тута билмеген, тул этер, джашын тута билмеген, къул этер.
- Сабий болмагъан джерде, мёлек болмаз.
- Ашатыргъа иш – ашхы, ишлетирге аш – ашхы.
- Нёгер болсанг, тенг бол, тенг болмасанг, кенг бол.
- Керек ташны ауурлугъу джокъ.
- Билмезни кёзю кёрмез, этмезни къулагъы эшитмез.
- Байлыкъ болгъан джерде, тынчлыкъ джокъду.
- Уллу къашыкъ эрин джыртар.
- Адамны бетине къарама, адетине къара.
- Алтыда кюлмеген, алтмышда кюлмез.
- Туз, гырджын аша, тюзлюк бла джаша.
- Этим кетсе да, сюегим къалыр.
- Тюкюрюк баш джармаз, налат кёз чыгъармаз!
- Тёгюлген тюгел джыйылмайды.
- Джырчы ёлсе, джыры къалыр.
- Ариуну – ауруу кёб.
- Дженгил джетерикме деб, узун джолну къоюб, къысхасын барма.
- Келинни – келгинчи, бёркню кийгинчи кёр.
Ошибка!
Для просмотра темы введите ваши логин и пароль.Пожалуйста, авторизуйтесь: