- Кийиминг бла танылма, адамлыкъ бла таныл.
- Бал ашаргъа сюе эсенг, чибин ургъаннга тёз.
- Ишлегенде эринме, ишде чолакъ кёрюнме.
- Джыгъылгъанны сырты джерден тоймаз.
- Битмегеннге сакъал – танг.
- Джашда акъыл джокъ, къартда къарыу джокъ.
- Джаным-тиним – окъуу, билим.
- Мал кёб болса, джууукъ кёб болур.
- Юйлю уругъа ит чабмаз.
- Аманнга да, игиге да оноусуз къатышма.
- Алгъанда – джууукъ, бергенде – джау.
- Ач келгенни – тойдур, кеч келгенни – къондур.
- Эл тойса, тоймагъан, эл къойса, къоймагъан.
- Ёлюк кебинсиз къалмаз.
- Ишни ахырын ойламай, аллын башлама.
- Айранын берсенг, челегин да къызгъанма.
- Эшекге миннген – биринчи айыб, андан джыгъылгъан – экинчи айыб.
- Аман адам этегингден тутса, кес да къач.
- Къарт болгъан джерде, берекет болур, сабий болгъан джерде, оюн болур.
- Ашхы атаны – джашы ашхы, ашхы ананы – къызы ашхы.
- Термилгенинги табмазса, кюлгенинге тюберсе.
- Кийим тукъум сордурур.
- Келлик заман – къартлыкъ келтирир, кетген заман – джашлыкъ ёлтюрюр.
- Къонакъны къачан кетерин сорма, къачан келлигин сор.
- Къазанны башы ачыкъ болса, итге уят керекди.
- Сагъыш – къартлыкъгъа сюйюмчю.
- Аджашханны ызындагъы кёреди, джангылгъанны джанындагъы биледи.
- Адамны сыфатына къарама, сёзюне къара.
- Эр сокъур болсун, къатын тилсиз болсун.
- Адам сёзге тынгыла, акъыл сёзню ангыла.
- Къарыусузгъа кюлме, онгсузгъа тийме.
- Чыбыкълыкъда бюгюлмеген, къазыкълыкъда бюгюлмей эди.
- Рысхы – насыбха къор.
- Чомартны къолун джокълукъ байлар.
- Тамырсыз терекге таянма – джыгъылырса.
- Насыблы элин сюер, насыбсыз кесин сюер.
- Ауругъаннга – кийик саулукъ, джетген къызгъа – чилле джаулукъ.
- Джукъу тёшек сайламайды.
- Байны оноуу, джарлыгъа джарамаз.
- Тилчи бир сагъатха айлыкъ хата этер.
- Кечеси – аяз, кюню – къыш, джарлы къаргъагъа бир аш тюш!
- Кёлсюзден сёзсюз тууар.
- Хантына кёре тузу, юйюне кёре къызы.
- Этек чакъмакълары баш джаргъан, сёлешген сёзлери таш джаргъан.
- Тюз сёз баргъан сууну тыяр.
- Ушамагъан – джукъмаз.
- Джуртун къоругъан озар.
- Джылкъыдан – ат чыгъар, тукъумдан – джаш чыгъар.
- Ауругъанны сау билмез, ач къарынны токъ билмез.
- Таукелге нюр джауар.
Ошибка!
Для просмотра темы введите ваши логин и пароль.Пожалуйста, авторизуйтесь: