- Эл элде бирер малынг болгъандан эсе, бирер тенгинг болсун.
- Суугъа – таянма, джаугъа – ийнанма.
- Тойчу джашха къарама, къойчу джашха къара.
- Ариу сёз джыланны орнундан чыгъарыр.
- Джумушакъ сёз къаты таякъны сындырыр.
- Аджаллыгъа окъсуз шкок атылыр.
- Хар сёзню орну барды.
- Азыкълы ат арымаз, къатыны аман джарымаз.
- Ишге юренсин къоллары, халкъ бла болсун джоллары.
- Къонакъ аман болса, къонакъбай джунчур
- Насыб бютеу халкъны юлюшюдю.
- Къаллай салам берсенг, аллай джууаб алырса.
- Атадан ёксюз – бир ёксюз, анадан ёксюз – эки ёксюз.
- Джеринден айырылгъан – джети джылар, джуртундан айырылгъан – ёлгюнчю джылар.
- Асхат ашлыкъ сата, юйдегиси ачдан къата.
- Телиге от эт десенг, юйюнге от салыр.
- Кёлю джокъну – джолу джокъ.
- Эркишини аманы тиширыуну джылатыр.
- Хоншуну тауугъу къаз кёрюнюр, келини къыз кёрюнюр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёбге таш атма.
- Термилгенинги табмазса, кюлгенинге тюберсе.
- Эрни эр этерик да, къара джер этерик да, тиширыуду.
- Эркишиге тары кебек танг кёрюнюр.
- Къалгъан ишге къар джауар.
- Дуния аламаты сен эсенг да, игиме деб айтма.
- Агъач халкъгъа алтынды, иссиликге салкъынды.
- Ашлыкъны арба юйге келтирир, чана базаргъа элтир.
- Тёрде – темир таякълы, къаяда – чыпчыкъ аякълы.
- Билим насыб берир, билим джолну керир.
- Аурууну келиую тынч, кетиую – къыйын.
- Билмезни кёзю кёрмез, этмезни къулагъы эшитмез.
- Ётген ёмюр – акъгъан суу.
- Эркиши – от, тиширыу – суу.
- Юй ишлеген балта эшикде къалыр.
- Ач отунчуну ачыуу – бурнунда.
- Сибиртки да сыйлы болду, кюрек да кюнлю болду.
- Адеб этмеген, адеб кёрмез.
- Тойгъан джерге джети къайт.
- Къайтырыкъ эшигинги, къаты уруб чыкъма.
- Эм ашхы къайын ана мамукъ бла башынгы тешер.
- Аш хазыр болса, иш харам болур.
- Юйюнг бла джау болгъандан эсе, элинг бла джау бол.
- Битмегеннге сакъал – танг.
- Ачылгъан эт джабылыр, кёрген кёз унутмаз.
- Акъыллы – эл иеси, тели – эл баласы.
- Ачыкъ джюрекге джол – ачыкъ.
- Тёзген – тёш ашар!
- Ауругъан – джашаудан умутчу.
- Къазанда болса, чолпугъа чыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: