- Ашхы болсанг, атынг чыгъар, аман болсанг, джанынг чыгъар.
- Этек чакъмакълары баш джаргъан, сёлешген сёзлери таш джаргъан.
- Эрни эр этерик да, къара джер этерик да, тиширыуду.
- Тенгни тенглиги джашай барсанг билинир.
- Джогъун бар этген, барын бал этген.
- Сабийликде юретмесенг, уллу болса – тюзелмез.
- Окъугъан – асыу, окъумагъан – джарсыу.
- Бастасын ашагъан, хантусун да ичер.
- Алим болгъандан эсе, адам болгъан къыйынды.
- Тай асырагъан, атха минер.
- Ата Джуртун танымагъан, атасын да танымаз.
- Эллинг бла джау болсанг да, юйюнг бла джау болма.
- Къызбайны юйюне дери сюрсенг, батыр болур.
- Атлыны ашхысы, ат тизгининден билинир
- Кесинг сынамагъан затны, адамгъа буюрма.
- Кёб къычыргъандан – къоркъма, тынч олтургъандан – къоркъ.
- Илму – джашауну джолу.
- Чабар ат – джетген къыз.
- Абынмазлыкъ аякъ джокъ, джангылмазлыкъ джаякъ джокъ.
- Этни бети бла шорпасы.
- Ач да бол, токъ да бол – намысынга бек бол.
- Чомартха хар кюн да байрамды.
- Намысы джокъну – дуниясы джокъ.
- Таула не мийик болсала да, аууш табылыр.
- Агъач – джерни чырайы, кийим – эрни чырайы.
- Аякъларынгы джууургъанынга кёре узат.
- Ач къарынны, токъ билмез
- Аш иеси бла татлыды.
- Бек ашыкъгъан меннге джетсин, дегенди аракъы.
- Джангыз торгъай джырламаз.
- Адамны артындан къара сабан сюрме.
- Башы джабылгъан челекге, кир тюшмез.
- Ауурну тюбю бла, дженгилни башы бла джюрюген.
- Къазанчы аман болса, къазаны къайнамаз.
- Келгинчи, къонакъ уялыр, келгенден сора, къонакъбай уялыр.
- Суу ичген шауданынга тюкюрме.
- Ачылгъан эт джабылыр, кёрген кёз унутмаз.
- Ауругъаннга – кийик саулукъ, джетген къызгъа – чилле джаулукъ.
- Алтыннга тот къонмаз.
- Тулпарлыкъ, билекден тюл – джюрекден.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чакъырылмагъан къонакъ – орунсуз.
- Къатыны харакетли болса, эри къымсыз болур.
- Адам сёзге тынгыла, акъыл сёзню ангыла.
- Биреуню тёрюнден, кесинги эшик артынг игиди.
- Адам къыйынлыгъын кёлтюрюр, зауукълугъун кёлтюрмез.
- Адамгъа аман кюн соруб келмейди.
- Бети къызарыучу адамны, джюреги харам болмаз.
- Эл ауузу – элек, анга ийнаннган – халек.
- Ётген ёмюр – акъгъан суу.
Ошибка!
Для просмотра темы введите ваши логин и пароль.Пожалуйста, авторизуйтесь: