- Уллу сёлешме да, уллу къаб.
- Джогъун бар этген, барын бал этген.
- Билим насыб берир, билим джолну керир.
- Тюзню ётмеги тюзде къалса да, тас болмаз.
- Мухарны эси – ашарыкъда.
- Кёл ашады да, кеси ашады.
- Дуния малгъа сатылма, кесингден телиге къатылма.
- Ойнай-ойнай кёз чыгъар.
- Агъач халкъгъа алтынды, иссиликге салкъынды.
- Шекер бла туз – бир болмаз, ушамагъан – юй болмаз.
- Ариу сёзде ауруу джокъ.
- Ашхы сёз таш тешер.
- Ёлген аслан – сау чычхан.
- Чёбню кёлтюрсенг, тюбюнден сёз чыгъар.
- Кимни – тили, тиши онглу, кимни – къолу, иши онглу.
- Абынмазлыкъ аякъ джокъ, джангылмазлыкъ джаякъ джокъ.
- Танг атмайма десе да, кюн къоярыкъ тюйюлдю.
- Ачыкъ джюрекге джол – ачыкъ.
- Адам боллукъ, атламындан белгили болур.
- Айран тёгюлсе, джугъусу къалыр.
- Къанны къан бла джуума, аманны аман бла къуума.
- Къолунгдан къуймакъ ашатсанг да, атаны борчундан къутулмазса.
- Аякъларынгы джууургъанынга кёре узат.
- Адамны бетине къарама, адетине къара.
- Келлик заман – къартлыкъ келтирир, кетген заман – джашлыкъ ёлтюрюр.
- Къыйынлы джети элни къайгъысын этер.
- Айырылгъанланы айю ашар, бёлюннгенлени бёрю ашар.
- Кийиминг бла танылма, адамлыкъ бла таныл.
- Джылыгъа джылан илешир.
- Джол бла сёзню къыйыры джокъ.
- Ата Джуртча джер болмаз, туугъан элча эл болмаз.
- Билим къая тешер.
- Ариу – кёзге, акъыл – джюрекге.
- Ач къалгъандан, кеч къалгъан къолай.
- Эшекге миннген – биринчи айыб, андан джыгъылгъан – экинчи айыб.
- Джашда акъыл джокъ, къартда къарыу джокъ.
- Чабар ат – джетген къыз.
- Дууулдаса – бал чибин, къонса – къара чибин.
- Эшекни не къадар тюйсенг да, ат болмаз.
- Керилген да, ургъан кибикди.
- Адеби болмагъан къыз – тузсуз хант.
- Игини сыйлагъан адетди.
- Адамны аманы адамны бети бла ойнар.
- Къызны минг тилер, бир алыр.
- Ашда уялгъан – мухар, ишде уялгъан – хомух.
- Билмезни кёзю кёрмез, этмезни къулагъы эшитмез.
- Къартны сыйын кёрмеген, къартлыгъында сыйлы болмаз.
- Аш берме да, къаш бер.
- Тин – байлыгъынг, терен саулугъунг.
- Джаш болсун, къыз болсун, акъылы, саны тюз болсун.
Ошибка!
Для просмотра темы введите ваши логин и пароль.Пожалуйста, авторизуйтесь: