- Ауругъаннга – кийик саулукъ, джетген къызгъа – чилле джаулукъ.
- Къонакъ болсанг, ийнакъ бол.
- Ишлегенден, къарагъан уста.
- Джырчы ёлсе, джыры къалыр.
- Окъуусуз билим – джокъ, билимсиз кюнюнг – джокъ.
- Аш берме да, къаш бер.
- Ичимден чыкъды хата, къайры барайым сата?
- Иги бла джюрюсенг, джетерсе муратынга, аман бла джюрюсенг, къалырса уятха.
- Билим къая тешер.
- Къыйынлы джети элни къайгъысын этер.
- Иги сеники эсе да, сюйген кесимикин этеме.
- Эртде тургъан бла эртде юйленнген сокъуранмаз.
- Эркишиге тары кебек танг кёрюнюр.
- Ишни аллы бла къууанма да, арты бла къууан.
- Байлыкъ болгъан джерде, тынчлыкъ джокъду.
- Хар зат кесини орнуна иги.
- Билимден уллу байлыкъ джокъду.
- Джарлыны эшигин махтагъан джабар.
- Тил бла келеди джыр да.
- Кёзню ачылгъаны – иги, ауузну джабылгъаны – иги.
- Чомарт къонакъ юй иесин сыйлар.
- Уллу айтханны этмеген – уллаймаз.
- Сескекли кесин билдирир.
- Чакъырылмагъан къонакъ къачан кетерин сормаз.
- Сангырау къулакъ эл бузар.
- Элде адам къалмаса, ит тахтагъа минер.
- Азыкълы ат арымаз, къатыны аман джарымаз.
- Ким бла джюрюсенг, аны кёзю бла кёрюнюрсе.
- Дуния аламаты сен эсенг да, игиме деб айтма.
- Кёбню кёрген – кёб билир.
- Айырылгъанланы айю ашар, бёлюннгенлени бёрю ашар.
- Гырджын – тепсини тамадасы.
- Абынмазлыкъ аякъ джокъ, джангылмазлыкъ джаякъ джокъ.
- Ач къарынны, токъ билмез
- Кеси юйюмде мен да ханма.
- Баш – акъыл ючюн, акъылман – халкъ ючюн.
- Ауузу бла къуш тута айланады.
- Суу кетер, таш къалыр.
- Ач келгенни – тойдур, кеч келгенни – къондур.
- Ашхылыкъ джерде джатмайды, аманлыкъ суугъа батмайды.
- Къарын къуру болса, джюрек уру болур.
- Аш хазыр болса, иш харам болур.
- Ойнай билмеген, оюн бузар.
- Ишленмеклик адамлыкъды.
- Къызгъанчдан ычхыныр, мухардан ычхынмаз.
- Ашлыкъны арба юйге келтирир, чана базаргъа элтир.
- Къонакъны къачан кетерин сорма, къачан келлигин сор.
- Ана – юйню кюн джарыгъы.
- Дженгил джетерикме деб, узун джолну къоюб, къысхасын барма.
- Ач бёрюге мекям джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: