- Иши джокъну, сыйы джокъ.
- Элге къуллукъ этмеген, элге ие болмаз.
- Къартха ушагъан джаш – акъыллы, джашха ушагъан къарт – тели.
- Харам къарнашдан, халал тенг ашхы.
- Абынмазлыкъ аякъ джокъ, джангылмазлыкъ джаякъ джокъ.
- Ханы къызы буюгъа-буюгъа киштик болду.
- Ашлыкъны арба юйге келтирир, чана базаргъа элтир.
- Бозаны арты дауур болур.
- Адамгъа аман кюн соруб келмейди.
- Сууда джау джокъ, кёб сёзде магъана джокъ.
- Чакъырылгъанны аты, чакъырылмагъанны багъасы болур.
- Къаллай салам берсенг, аллай джууаб алырса.
- Нёгер болсанг, тенг бол, тенг болмасанг, кенг бол.
- Артына баргъанны, къатына барма.
- Джолунга кёре – джюрюшюнг, джагъанга кёре – юлюшюнг.
- Джаз бир кюнню джатсанг, къыш талай кюнню абынырса.
- Ашда – бёрю, ишде – ёлю.
- Ханнга да келеди хариблик.
- Билимден уллу байлыкъ джокъду.
- Ишге юренсин къоллары, халкъ бла болсун джоллары.
- Ишленмеклик адамлыкъды.
- Билген билмегенни юретген адетди.
- Ишлемеген – тишлемез.
- Чыкълы кюнде чыкъмагъан, чыкъса къуру кирмеген.
- Къулакъдан эсе, кёзге ышан.
- Аякъларынгы джууургъанынга кёре узат.
- Игини сыйлагъан адетди.
- Бети къызарыучу адамны, джюреги харам болмаз.
- Тил джюрекге джол ишлейди.
- Сёз садакъдан кючлюдю.
- Айранын берсенг, челегин да къызгъанма.
- Ёлюр джаннга, ёкюл джокъ.
- Арпа, будай – ащды, алтын, кюмюш а – ташды.
- Юреннген ауруу къалмаз.
- Адам боллукъ, атламындан белгили болур.
- Агъач халкъгъа алтынды, иссиликге салкъынды.
- Ёлюк кебинсиз къалмаз.
- Сютню башын джалагъан къутулур, тюбюн ичген тутулур.
- Сютден ауузу кюйген, суугъа юфгюре эди.
- Аш кетер да бет къалыр.
- Танг атмайма десе да, кюн къоярыкъ тюйюлдю.
- Сабийликде юретмесенг, уллу болса – тюзелмез.
- Мухарны эси – ашарыкъда.
- Ата Джуртча джер болмаз, туугъан элча эл болмаз.
- Насыб бютеу халкъны юлюшюдю.
- Киштикге къанат битсе, чыпчыкъ къалмаз эди.
- Кийим тукъум сордурур.
- Эртде тургъан бла эртде юйленнген сокъуранмаз.
- Элде адам къалмаса, ит тахтагъа минер.
- Уясында не кёрсе, учханында аны этер.
Ошибка!
Для просмотра темы введите ваши логин и пароль.Пожалуйста, авторизуйтесь: