- Къыйынлы джети элге оноу этер.
- Ишни ахырын ойламай, аллын башлама.
- Адамны бетине къарама, адетине къара.
- Накъырда – кертини келечиси.
- Узун джолну барсанг, бюгюн келирсе, къысха джолну барсанг, тамбла келирсе.
- Ишлегенден, къарагъан уста.
- Джырчы джырчыгъа – къарнаш.
- Ойнай-ойнай кёз чыгъар.
- Кёлю джокъну – джолу джокъ.
- Иги джашны ышаны – аз сёлешиб, кёб тынгылар.
- Аманнга алтын чыдамаз.
- Ата джурт – алтын бешик.
- Юй кюйдю да, кюйюз чыкъды, ортасындан тюйюш чыкъды.
- Къуллукъчума, деб махтанма, къуллукъ – хаух джамчыды!
- Аман къатын алгъан, арыр, иги къатын алгъан джарыр.
- Киштикге къанат битсе, чыпчыкъ къалмаз эди.
- Эрни эр этерик да, къара джер этерик да, тиширыуду.
- Аууздан келген, къолдан келсе, ким да патчах болур эди.
- Эски джаугъа ышанма.
- Байны оноуу, джарлыгъа джарамаз.
- Ашхы адам – халкъ байлыгъы, ашхы джер – джашау байлыгъы.
- Элге къуллукъ этмеген, элге ие болмаз.
- Мал ёлсе, сюек къалыр, адам ёлсе, иши къалыр.
- Билеги кючлю, бирни джыгъар, билими кючлю, мингни джыгъар.
- Акъыллы эркиши атын махтар, акъылсыз эркиши къатынын махтар.
- Онгсузну – джакъла, тенгликни – сакъла.
- Ашлыкъ – бюртюкден, джюн – тюкден.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джарлы эскисин джамаса, къууаныр.
- Тюз сёз баргъан сууну тыяр.
- Халкъны юйю – туугъан джери.
- Джигер – джаннга къыйынлыкъ.
- Иги болса, тамадама – махтау, аман болса, меннге – айыб.
- Кесине гебен этелмеген, биреуге черен эте эди.
- Тин – байлыгъынг, терен саулугъунг.
- Ойнай билмеген, уруб къачар.
- Келинин тута билмеген, къул этер, къызын тута билмеген, тул этер.
- Ат басханны джер билед.
- Билимден уллу байлыкъ джокъду.
- Нафысынгы айтханын этме, намысынгы айтханын эт.
- Арбаз къынгырды да, ийнек сауалмайма.
- Аман эсирсе, юйюн ояр.
- Къызны минг тилер, бир алыр.
- Эллинг бла джау болсанг да, юйюнг бла джау болма.
- Ашыкъгъан cуу, тенгизге джетмез.
- Эки ойлашыб, бир сёлешген.
- Акъыл бла адеб эгизледиле.
- Джаш къарыу бла кючлю, къарт акъыл бла кючлю.
- Окъугъан – асыу, окъумагъан – джарсыу.
- Адеб джокъда, намыс джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: