- Къызны минг тилер, бир алыр.
- Къулакъдан эсе, кёзге ышан.
- Юйюнгден чыкъдынг – кюнюнгден чыкъдынг.
- Ёмюрлюк шохлукъну джел элтмез.
- Уллу айтханны этмеген – уллаймаз.
- Биреуге кёлтюрген таягъынг, кесинги башынга урур.
- Кесине оноу эте билмеген, халкъына да эте билмез.
- Аууздан келген, къолдан келсе, ким да патчах болур эди.
- Ана – юйню кюн джарыгъы.
- Кирсизни – саны таза, халалны – къаны таза.
- Акъдан къара болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёб ант этген, кёб ётюрюк айтыр.
- Мени джылытмагъан кюн, меннге тиймесин!
- Таякъ этден ётер, тил сюекден ётер.
- Эринчекни аурууу – кёб.
- Къатын байлыкъны сюер, эр саулукъну сюер.
- Иесиз малны бёрю ашар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къар – келтирди, суу – элтди.
- Бет бетге къараса, бет да джерге къарар.
- Сёз садакъдан кючлюдю.
- Дууулдаса – бал чибин, къонса – къара чибин.
- Адамны аты башхача, акъылы да башхады.
- Тамырсыз терекге таянма – джыгъылырса.
- Акъыллы – эл иеси, тели – эл баласы.
- Аджалсыз ёлюм болмаз.
- Ариу сёз аурууунгу алыр.
- Чоюнну башы ачыкъ болса, итге уят керекди.
- Босагъагъа джууукъ орун болса, ашыгъыб тёрге озма.
- Къайтырыкъ эшигинги, къаты уруб чыкъма.
- Къарын къуру болса, джюрек уру болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эллинг бла джау болсанг да, юйюнг бла джау болма.
- Ачыу алгъа келсе, акъыл артха къалады.
- Намыс сатылыб алынмайды.
- Ойнай-ойнай кёз чыгъар.
- Тёрдеги кюлсе, эшикдеги ышарыр.
- Алим болгъандан эсе, адам болгъан къыйынды.
- Таукелге нюр джауар.
- Эрни эр этерик да, къара джер этерик да, тиширыуду.
- Бёрю да ач къалмасын, эчки да ашалмасын.
- Джарашыу сюйген – джалынчакъ.
- Тойну къарнашы – харс, джырны къарнашы – эжиу.
- Ач келгенни – тойдур, кеч келгенни – къондур.
- Ишни ахырын ойламай, аллын башлама.
- Ауругъаннга – кийик саулукъ, джетген къызгъа – чилле джаулукъ.
- Аш кетер да бет къалыр.
- Тешик этген тынчды, аны джамагъан къыйынды.
- Кюл тюбюндеги от кёрюнмейди.
Ошибка!
Для просмотра темы введите ваши логин и пароль.Пожалуйста, авторизуйтесь: