- Окъугъан – асыу, окъумагъан – джарсыу.
- Джолунга кёре – джюрюшюнг, джагъанга кёре – юлюшюнг.
- Гитче джилтин уллу элни джандырыр.
- Кюн – узун, ёмюр – къысха.
- Туз, гырджын аша, тюзлюк бла джаша.
- Бал ашаргъа сюе эсенг, чибин ургъаннга тёз.
- Олтуруб кёрюнмей эди да, ёрге туруб кёрюне эди.
- Чомарт бергенин айтмаз.
- Къатын байлыкъны сюер, эр саулукъну сюер.
- Чомарт къолда мал къалмаз.
- Сакъ юйюне сау барыр.
- Таш ата билмеген, башына урур.
- Эллинг бла джау болсанг да, юйюнг бла джау болма.
- Тёгюлген тюгел джыйылмайды.
- От этилмеген джерден тютюн чыкъмайды.
- Баш – акъыл ючюн, акъылман – халкъ ючюн.
- Джарлыны тону джаз битер.
- Чалманны аллы къалай башланса, арты да алай барады.
- Хоншуну тауугъу къаз кёрюнюр, келини къыз кёрюнюр.
- Хаухну атма, ёнгкючню сатма.
- Чакъырылмагъан къонакъ тёрге атламаз.
- Атынг аманнга чыкъгъандан эсе, джанынг тамагъынгдан чыкъсын.
- Хатерли къул болур.
- Хунаны тюбюн къазсанг, юсюнге ауар.
- Таукел адам тау тешер.
- Бастасын ашагъан, хантусун да ичер.
- Ауругъаннга – кийик саулукъ, джетген къызгъа – чилле джаулукъ.
- Ёнгкюч къууана барыр, джылай келир.
- Хата – гитчеден.
- Сёз сёзню айтдырыр.
- Гырджын – тепсини тамадасы.
- Къарт бла баш аша, джаш бла аякъ аша.
- Кёбден умут этиб, аздан къуру къалма.
- Ашхылыкъ джерде джатмайды, аманлыкъ суугъа батмайды.
- Тил бла келеди джыр да.
- Соргъан айыб тюлдю, билмеген айыбды.
- Юй ишлеген балта эшикде къалыр.
- Къошда джокъгъа – юлюш джокъ.
- Киштикге къанат битсе, чыпчыкъ къалмаз эди.
- Ётюрюк хапар аякъ тюбю бла джюрюйдю.
- Адамгъа аман кюн соруб келмейди.
- Уллу суу бла уллу ауруудан башынгы сакъла.
- Нарт сёз – тилни бети.
- Джарлы эскисин джамаса, къууаныр.
- Биреу къой излей, биреу той излей.
- Ачны эсинде – аш.
- Джюрек кёзден алгъа кёрюр.
- Дуния мал дунияда къалады.
- Ариу – кёзге, акъыл – джюрекге.
- Харам къарнашдан, халал тенг ашхы.
Ошибка!
Для просмотра темы введите ваши логин и пароль.Пожалуйста, авторизуйтесь: