- Хазыр ашха – терен къашыкъ.
- Адамны адамлыгъы къыйынлыкъда айгъакъланады.
- Билмезни кёзю кёрмез, этмезни къулагъы эшитмез.
- Ариу сёз – джаннга азыкъ, аман сёз – башха къазыкъ.
- Ишге юренсин къоллары, халкъ бла болсун джоллары.
- Сабыр джетер муратха, сабырсыз къалыр уятха.
- Чалманны аллы къалай башланса, арты да алай барады.
- Ачыу алгъа келсе, акъыл артха къалады.
- Аман адамны тепсинге олтуртсанг, къызынгы тилер.
- Босагъа таш юйге кирмей эди, тыбыр таш эшикге чыкъмай эди.
- Къызгъанчдан ычхыныр, мухардан ычхынмаз.
- Кюн – узун, ёмюр – къысха.
- Шайтан алдады, тюзлюк къаргъады.
- Ёлмесенг да, къарт дамы болмазса?
- Терек ауса, отунчу – кёб.
- Ата – билек, ана – джюрек!
- Ауузу бла къуш тута айланады.
- Джигер – джаннга къыйынлыкъ.
- Ашатыргъа иш – ашхы, ишлетирге аш – ашхы.
- Чарсда алчыны эл кёреди.
- Илму – джашауну джолу.
- Ашхы – джыяр, аман – джояр.
- Тура эдим джата, къайдан чыкъды хата?
- Ашда – бёрю, ишде – ёлю.
- Телиге акъыл салгъандан эсе, ёлгеннге джан салырса.
- Къолу уллу – асыу, аягъы уллу – джарсыу.
- Урунуу – насыбны анасы.
- Юйюнг бла джау болгъандан эсе, элинг бла джау бол.
- Ёгюзню мюйюзюнден тутадыла, адамны сёзюнден тутадыла.
- Элни кючю – эмеген.
- Кёрмегеннге кебек – танг, битмегеннге сакъал – танг.
- Ачылгъан эт джабылыр, кёрген кёз унутмаз.
- Адам боллукъ, атламындан белгили болур.
- Адам къаллай бир ишленмесе, аллай бир кесин уллу кёреди.
- Атынг аманнга чыкъгъандан эсе, джанынг тамагъынгдан чыкъсын.
- Окъ къызбайны джокълайды.
- Татлы тилде – сёз ариу, чемер къолда – иш ариу.
- Игилик игилик бла сингдирилиучю затды.
- Суу кетер, таш къалыр.
- Эм уллу байлыкъ – джан саулукъ.
- Тойгъан джерге джети къайт.
- Къатын байлыкъны сюер, эр саулукъну сюер.
- Керилген да, ургъан кибикди.
- Керти сёзге тёре джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тай асырагъан, атха минер.
- Башы ишлегенни, ауузу да ишлер.
- Билим къая тешер.
- Таукел тауну аудурур.
- Акъылсызны джууукъгъа алма, акъыллыны кенгнге салма.
Ошибка!
Для просмотра темы введите ваши логин и пароль.Пожалуйста, авторизуйтесь: