- Келлик заман – къартлыкъ келтирир, кетген заман – джашлыкъ ёлтюрюр.
- Ойнаб айтсанг да, эслеб айт.
- Бюгюн дуния кибик, тамбла ахыратды.
- Ашхы сёз таш тешер.
- Къолунгдан къуймакъ ашатсанг да, атаны борчундан къутулмазса.
- Акъыл сабырлыкъ берир.
- Джаш къарыу бла кючлю, къарт акъыл бла кючлю.
- Окъугъан – асыу, окъумагъан – джарсыу.
- Тешигини къатында, чычхан да батыр болур.
- Билген билмегенни юретген адетди.
- Джангызны оту джарыкъ джанмаз!
- Агъач халкъгъа алтынды, иссиликге салкъынды.
- Келгинчи, къонакъ уялыр, келгенден сора, къонакъбай уялыр.
- Зарда марда джокъ.
- Тешик этген тынчды, аны джамагъан къыйынды.
- Ариу сёз – джаннга азыкъ, аман сёз – башха къазыкъ.
- Тыш элде солтан болгъандан эсе, кесинги элде олтан болгъан игиди!
- Таш бла ургъанны, аш бла ур.
- Тёзгеннге, джабылгъан эшик ачылыр.
- Бермеген къол, алмайды.
- Иги болса, тамадама – махтау, аман болса, меннге – айыб.
- Тилчи тилден къаныкъмаз.
- Уллу суу бла уллу ауруудан башынгы сакъла.
- Эл бла кёргенинг эрелей.
- Чакъырылмагъан къонакъ – орунсуз.
- Ургъан суудан башынгы сакъла.
- Эм уллу байлыкъ – джан саулукъ.
- Ач уят къоймаз.
- Кеси юйюмде мен да ханма.
- Къонакъ аз олтурур, кёб сынар.
- Атлыны ашхысы, ат тизгининден билинир
- Чалманны аллы къалай башланса, арты да алай барады.
- Ойнай билмеген, оюн бузар.
- Тамбла алтындан бюгюн багъыр ашхы.
- Орундукъ тюбюнде атылсам да, орта джиликме, де да айлан.
- Айтылгъан буйрукъ, сёгюлмез
- Окъ къызбайны джокълайды.
- Чомарт къонакъ юй иесин сыйлар.
- Кёбге таш атма.
- Джетген къыз джерли эшекни танымаз.
- Келинни – келгинчи, бёркню кийгинчи кёр.
- Кийиминг бла танылма, адамлыкъ бла таныл.
- Бетинги сатма, малынгы сат.
- Айран тёгюлсе, джугъусу къалыр.
- Дуния малгъа сатылма, кесингден телиге къатылма.
- Джашлыкъ этмеген, башлыкъ этмез.
- Биреу къой излей, биреу той излей.
- Билим къая тешер.
- Ана къойну – балагъа джандет.
- Къаллай салам берсенг, аллай джууаб алырса.
Ошибка!
Для просмотра темы введите ваши логин и пароль.Пожалуйста, авторизуйтесь: