- Байма, деб да, къууанма, джарлыма, деб да, джылама.
- Мадар болса, къадар болур.
- Ашда уялгъан – мухар, ишде уялгъан – хомух.
- Кёлю джокъну – джолу джокъ.
- Джырына кёре эжиую.
- Уллу атлама – абынырса, уллу къабма – къарылырса.
- Иги – алгъыш этер, аман – къаргъыш этер.
- Игини сыйлагъан адетди.
- Башынга джетмегенни сорма.
- Къонагъы джокъну – шоху джокъ.
- Тойгъа алгъа да барма, тойда артха да къалма.
- Къыз келсе, джумуш эте келеди, къатын келсе, ушакъ эте келеди.
- Бюгюн дуния кибик, тамбла ахыратды.
- Къая джолда джортма, ачыкъ сёзден къоркъма.
- Эли джокъну – кёлю джокъ.
- Юйлю уругъа ит чабмаз.
- Адамны адамлыгъы къыйынлыкъда айгъакъланады.
- Чомартха хар кюн да байрамды.
- Биреу ашаб къутулур, биреу джалаб тутулур.
- Чалманны аллы къалай башланса, арты да алай барады.
- Ач уят къоймаз.
- Ичимден чыкъды хата, къайры барайым сата?
- Орну джокъну – сыйы джокъ.
- Таукел тауну аудурур.
- Биреуню эскиси биреуге джангы болмайды.
- Ойнай билмеген, оюн бузар.
- Ачыу алгъа келсе, акъыл артха къалады.
- Ат басханны джер билед.
- Аш хазыр болса, иш харам болур.
- Керек ташны ауурлугъу джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джаралыны джастыгъында сау ёлюр.
- Нафысынгы айтханын этме, намысынгы айтханын эт.
- Мухардан ач ычхынмаз.
- Аманнга алтын чыдамаз.
- Этни бети бла шорпасы.
- Эринчекге кюн узун.
- Аджашхан тёгерек айланыр.
- Кёбню кёрген – кёб билир.
- Ишни аллы бла къууанма да, арты бла къууан.
- Огъурлуну сёзю – суу, огъурсузну сёзю – уу.
- Эки къатын алгъанны къулагъы тынгнгаймаз.
- Чыкълы кюнде чыкъмагъан, чыкъса къуру кирмеген.
- Кютгени беш эчки, сызгъыргъаны уа, джерни джарады.
- Кёл ашады да, кеси ашады.
- Джан саулукъ бермей, сан саулукъ бермезсе.
- Байлыкъдан саулукъ ашхыды.
- Суу кетер, таш къалыр.
- Зар адам ашынгы ашар, кесинги сатар.
- Адамны сыфатына къарама, сёзюне къара.
Ошибка!
Для просмотра темы введите ваши логин и пароль.Пожалуйста, авторизуйтесь: