- Бёрю да ач къалмасын, эчки да ашалмасын.
- Тилчи тилден къаныкъмаз.
- Джангыз торгъай джырламаз.
- Борчунг бар эсе, хурджунунга ойлаб узал.
- Джарашыу сюйген – джалынчакъ.
- Тамбла алтындан бюгюн багъыр ашхы.
- Баш – акъыл ючюн, акъылман – халкъ ючюн.
- Ашын ашагъанынгы, башын да сыйла.
- Адебсиз адам – джюгенсиз ат.
- Этни да ашады, бетни да ашады.
- Къонакъ хазыр болгъанлыкъгъа, къонакъбай хазыр тюлдю.
- Кёзню ачылгъаны – иги, ауузну джабылгъаны – иги.
- Джогъун бар этген, барын бал этген.
- Къонагъы джокъну – шоху джокъ.
- Зарда марда джокъ.
- Биреуню эскиси биреуге джангы болмайды.
- Джангыз терек къынгыр ёсер.
- Дуния малгъа сатылма, кесингден телиге къатылма.
- Тойгъа барсанг, тоюб бар, эски тонунгу къоюб бар.
- Ургъан суудан башынгы сакъла.
- Тура эдим джата, къайдан чыкъды хата?
- Ашына кёре табагъы, балына кёре къалагъы.
- Биреу къой излей, биреу той излей.
- Ач, тоймам, дейди, тойгъан, ач болмам, дейди.
- Бичгенде ашыкъма, тикгенде ашыкъ.
- Тилчиден кери бол.
- Азыкъ аз болса, эртде орун сал.
- Илму – джашауну джолу.
- Таукел адам тау тешер.
- Кюлме джашха – келир башха.
- Иги адам абынса да, джангылмаз.
- Сибиртки да сыйлы болду, кюрек да кюнлю болду.
- Ач бёрюге мекям джокъ.
- Ашхы тенг джолгъа салыр, аман тенг джолдан тайдырыр.
- Чомартны къолун джокълукъ байлар.
- Кимни – тили, тиши онглу, кимни – къолу, иши онглу.
- Телиге от эт десенг, юйюнге от салыр.
- Адам туугъан джеринде, ит тойгъан джеринде.
- Окъдан джара эртде-кеч болса да бителир, сёз джара, ёмюрге къалыр.
- Къыз тиширыу кеси юйюнде да къонакъды.
- Аш хазыр болса, иш харам болур.
- Агъач халкъгъа алтынды, иссиликге салкъынды.
- Элге къуллукъ этмеген, элге ие болмаз.
- Ёлген ийнек сютлю болур.
- Ётюрюк хапар аякъ тюбю бла джюрюйдю.
- Байлыкъ адамны сокъур этер.
- Садакъачыны джаны – къапчыгъында.
- Ариу сёз аурууунгу алыр.
- Джашынгы кесинг юретмесенг, джашау юретир.
- Айырылгъанланы айю ашар, бёлюннгенлени бёрю ашар.
Ошибка!
Для просмотра темы введите ваши логин и пароль.Пожалуйста, авторизуйтесь: