- Джукъу тёшек сайламайды.
- Атадан ёксюз – бир ёксюз, анадан ёксюз – эки ёксюз.
- Уллу атлама – абынырса, уллу къабма – къарылырса.
- Айтхан сёзюне табылгъан.
- Хазыр ашха – терен къашыкъ.
- Алтыда кюлмеген, алтмышда кюлмез.
- Айтханы чапыракъдан ётмеген.
- Сютден ауузу кюйген, суугъа юфгюре эди.
- Иги джашны ышаны – аз сёлешиб, кёб тынгылар.
- Мухардан ач ычхынмаз.
- Олтуруб кёрюнмей эди да, ёрге туруб кёрюне эди.
- Сёз – кюмюш, джыр – алтын.
- Эркишиге тары кебек танг кёрюнюр.
- Адам сёзге тынгыла, акъыл сёзню ангыла.
- Джюрекге ариу – кёзге да ариу.
- Эки къатын алгъанны къулагъы тынгнгаймаз.
- Джырчы джырчыгъа – къарнаш.
- Телиге акъыл салгъандан эсе, ёлгеннге джан салырса.
- Сагъышы джокъ – джукъучу, акъылы джокъ – къаугъачы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джарлы тюеге минсе да, ит къабар.
- Айтылгъан буйрукъ, сёгюлмез
- Къыз тиширыу кеси юйюнде да къонакъды.
- Байлыкъ тауусулур, билим тауусулмаз.
- Кесинге джетмегенни, кёб сёлешме.
- Ётюрюкню къуйругъу – бир тутум.
- Джюрек кёзден алгъа кёрюр.
- Тамбла алтындан бюгюн багъыр ашхы.
- Мураты болгъанны джюрек тебюую башхады.
- Ашлыкъны арба юйге келтирир, чана базаргъа элтир.
- Ёксюзню тилеги къабыл болур.
- Адеби болмагъан къыз – тузсуз хант.
- Тилчи бир сагъатха айлыкъ хата этер.
- Танг атмайма десе да, кюн къоярыкъ тюйюлдю.
- Айранны сюйген, ийнек тутар.
- Джолунга кёре – джюрюшюнг, джагъанга кёре – юлюшюнг.
- Сютню башын джалагъан къутулур, тюбюн ичген тутулур.
- Къызны минг тилер, бир алыр.
- Тёзгеннге, джабылгъан эшик ачылыр.
- Нёгерсизни джолу узун.
- Чомарт къолда мал къалмаз.
- Юре билмеген ит, къонакъ келтирир.
- Юйюнгден чыкъдынг – кюнюнгден чыкъдынг.
- Тил джюрекге джол ишлейди.
- Ётюрюкден тюбю джокъ, кёлтюрюрге джиби джокъ.
- Иги адамны бир сёзю эки болмаз.
- Чомарт бергенин айтмаз.
- Окъдан джара эртде-кеч болса да бителир, сёз джара, ёмюрге къалыр.
- Ачыу алгъа келсе, акъыл артха къалады.
- «Ма», - дегенни билмесенг, «бер», - дегенни билмезсе.
Ошибка!
Для просмотра темы введите ваши логин и пароль.Пожалуйста, авторизуйтесь: