- Ач отунчуну ачыуу – бурнунда.
- Тёрени джагъы джокъ.
- Татлы тилде – сёз ариу, чемер къолда – иш ариу.
- Кёзден кетген, кёлден да кетеди.
- Билимден уллу байлыкъ джокъду.
- Бал чибинни ургъаны – ачы, балы – татлы.
- Джумушакъ сёз къаты таякъны сындырыр.
- Эм ашхы къайын ана мамукъ бла башынгы тешер.
- Къыз чыгъаргъан – къызыл къымжа.
- Тойгъандан сора, ашны сёкме.
- Кёб къычыргъандан – къоркъма, тынч олтургъандан – къоркъ.
- Къарт бла баш аша, джаш бла аякъ аша.
- Бозаны арты дауур болур.
- Чоюнну башы ачыкъ болса, итге уят керекди.
- Къуллукъчума, деб махтанма, къуллукъ – хаух джамчыды!
- Аман хансны – урлугъу кёб.
- Къарнынг тойгъунчу аша да, белинг талгъынчы ишле.
- Ата – билек, ана – джюрек!
- Кюлме джашха – келир башха.
- Ишленмеген джаш – джюгенсиз ат, ишленмеген къыз – тузсуз хант.
- Эшекге миннген – биринчи айыб, андан джыгъылгъан – экинчи айыб.
- Тили узунну, намысы – къысха.
- Ишлемеген – тишлемез.
- Тойну къарнашы – харс, джырны къарнашы – эжиу.
- Къызны минг тилер, бир алыр.
- Аман киши кеси юйюнде – къонакъ.
- Мухардан ач ычхынмаз.
- Суу да къайтады чыкъгъан джерине.
- Ишленмеклик адамлыкъды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кенгеш болса, уруш болмаз.
- Баргъанынга кёре болур келгенинг.
- Мураты болгъанны джюрек тебюую башхады.
- Хунаны тюбюн къазсанг, юсюнге ауар.
- Адамны бетине къарама, адетине къара.
- Джигер – джаннга къыйынлыкъ.
- Хатерли къул болур.
- Айтылгъан буйрукъ, сёгюлмез
- Ашына кёре табагъы, балына кёре къалагъы.
- Сакъ юйюне сау барыр.
- Айныгъанлы алты кюн, тогъайгъанлы тогъуз кюн.
- Насыблы элин сюер, насыбсыз кесин сюер.
- Ариу сёз джыланны орнундан чыгъарыр.
- Кёбню кёрген – кёб билир.
- Къатын байлыкъны сюер, эр саулукъну сюер.
- Ауурну тюбю бла, дженгилни башы бла джюрюген.
- Тюзню ётмеги тюзде къалса да, тас болмаз.
- Къатын къылыкъсыз, эр тынчлыкъсыз.
- Сакъламагъан затынга джолукъсанг, не бек къууанаса, не бек ачыйса.
- Шекер бла туз – бир болмаз, ушамагъан – юй болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: