- Ата Джуртуму башы болмасам да, босагъасында ташы болайым.
- Ётюрюк хапар аякъ тюбю бла джюрюйдю.
- Окъумагъан сокъурду, сокъур ташха абыныр!
- Ат басханны джер билед.
- Окъуу – билимни ачхычы, окъуу – дунияны бачхычы.
- Джашынгы кесинг юретмесенг, джашау юретир.
- Экеу тутушса, биреу джыгъылыр.
- Ачыкъ джюрекге джол – ачыкъ.
- Ана къойну – балагъа джандет.
- Ашын ашагъанынгы, башын да сыйла.
- Джарлы джети элни сёзюн этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Ауурну тюбю бла, дженгилни башы бла джюрюген.
- Тилчи тилден къаныкъмаз.
- Кёзню ачылгъаны – иги, ауузну джабылгъаны – иги.
- Сескекли кесин билдирир.
- Иги болса, тамадама – махтау, аман болса, меннге – айыб.
- Къатыны харакетли болса, эри къымсыз болур.
- Ёлген аслан – сау чычхан.
- Тик ёргени, тик энгишгеси да болады.
- Ариуну – ауруу кёб.
- Тиширыусуз юй – отсуз от джагъа.
- Тамырсыз терекге таянма – джыгъылырса.
- Мураты болгъанны джюрек тебюую башхады.
- Ауругъан – джашаудан умутчу.
- Къыз чыгъаргъан – къызыл къымжа.
- Къартны сыйын кёрмеген, къартлыгъында сыйлы болмаз.
- Элде адам къалмаса, ит тахтагъа минер.
- Чарсда алчыны эл кёреди.
- Окъуусуз билим – джокъ, билимсиз кюнюнг – джокъ.
- Ауузу аманнга «иги», деме.
- Бек анасы джыламаз.
- Тил бла келеди джыр да.
- Джырчы ёлсе, джыры къалыр.
- Ашхы болсанг, атынг чыгъар, аман болсанг, джанынг чыгъар.
- Артына баргъанны, къатына барма.
- Иги – алгъыш этер, аман – къаргъыш этер.
- Къарт болгъан джерде, берекет болур, сабий болгъан джерде, оюн болур.
- Ашлыкъны арба юйге келтирир, чана базаргъа элтир.
- Джауумдан сора, кюн кюйдюрюр, ётюрюкден сора, айыб кюйдюрюр.
- Мухардан ач ычхынмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ойнай-ойнай кёз чыгъар.
- Сакъалы текени да бар, мыйыгъы киштикни да бар.
- Татлы сёз – балдан татлы.
- Тюзлюк шохлукъну бегитир.
- Адам къыйынлыгъын кёлтюрюр, зауукълугъун кёлтюрмез.
- Къуллукъчума, деб махтанма, къуллукъ – хаух джамчыды!
- Тин – байлыгъынг, терен саулугъунг.
- Дууулдаса – бал чибин, къонса – къара чибин.
Ошибка!
Для просмотра темы введите ваши логин и пароль.Пожалуйста, авторизуйтесь: