- Къонакъ аман болса, къонакъбай джунчур
- Къарнынг къанлынга кийирир.
- Чакъырылмай келген къонакъ сыйланмай кетер.
- Къайгъыны сюйген, къайгъы табар.
- Мухардан ач ычхынмаз.
- Хар ишни да аллы къыйынды.
- Сабий кёргенин унутмаз.
- Бойнуму джети джерден кессенг да, мен ол ишни этеллик тюлме.
- Къарнынг тойгъунчу аша да, белинг талгъынчы ишле.
- Ана – юйню кюн джарыгъы.
- Бал ашаргъа сюе эсенг, чибин ургъаннга тёз.
- Арбаз сайлама да, хоншу сайла.
- Аз сёлешген, къайгъысыз турур.
- Игиге айтсанг – билир, аманнга айтсанг – кюлюр.
- Джигер – джаннга къыйынлыкъ.
- Аман адамны тепсинге олтуртсанг, къызынгы тилер.
- Эрни эр этерик да, къара джер этерик да, тиширыуду.
- Джумушакъ сёз къаты таякъны сындырыр.
- Къуру гыбыт бек дыгъырдар.
- Кёзню ачылгъаны – иги, ауузну джабылгъаны – иги.
- Тенгни тенглиги джашай барсанг билинир.
- Аман адам элни бир-бирине джау этер.
- Ашаса, ашамаса да, бёрюню ауузу – къан.
- Тёзгеннге, джабылгъан эшик ачылыр.
- Башынга джетмегенни сорма.
- Къарт айтханны этмеген, къартаймаз.
- Джаш болсун, къыз болсун, акъылы, саны тюз болсун.
- Ачыу алгъа келсе, акъыл артха къалады.
- Эки къатын алгъан – эки ташны ортасына башын салгъан.
- Ёлмесенг да, къарт дамы болмазса?
- Чакъырылгъанны аты, чакъырылмагъанны багъасы болур.
- Аш кетер да бет къалыр.
- Адамны сыфатына къарама, сёзюне къара.
- Билим насыб берир, билим джолну керир.
- Келинин тута билмеген, къул этер, къызын тута билмеген, тул этер.
- Аман хансны – урлугъу кёб.
- Тёрдеги кюлсе, эшикдеги ышарыр.
- Уруну арты – къуру.
- Эшекни не къадар тюйсенг да, ат болмаз.
- Джерни букъусу кёкге къонмаз.
- Огъурлуну сёзю – суу, огъурсузну сёзю – уу.
- Байны къызы баймакъ болса да, юйде къалмаз!
- Кийим тукъум сордурур.
- Аман къатын алгъан, арыр, иги къатын алгъан джарыр.
- Шайтан алдады, тюзлюк къаргъады.
- Сабийликде юретмесенг, уллу болса – тюзелмез.
- Таш бла ургъанны, аш бла ур.
- Эски джаугъа ышанма.
- Таякъ этден ётер, тил сюекден ётер.
- Къызын тута билмеген, тул этер, джашын тута билмеген, къул этер.
Ошибка!
Для просмотра темы введите ваши логин и пароль.Пожалуйста, авторизуйтесь: