- Адамны сабийин сюйген джюреги, бычакъча, джитиди.
- Минг тенг да азды, бир джау да кёбдю.
- Ачны эсинде – аш.
- Къралынгы – душмандан, башынгы от бла суудан сакъла.
- Ханнга да келеди хариблик.
- Шапа кёб болса, аш татымсыз болур.
- Адам къаллай бир ишленмесе, аллай бир кесин уллу кёреди.
- Ашлыкъны арба юйге келтирир, чана базаргъа элтир.
- Айтылгъан буйрукъ, сёгюлмез
- Иги болса, тамадама – махтау, аман болса, меннге – айыб.
- Къанны къан бла джуума, аманны аман бла къуума.
- Мал кёб болса, джууукъ кёб болур.
- Ашлыкъ – бюртюкден, джюн – тюкден.
- Ашха уста, юйюнде болсун
- Къартха ушагъан джаш – акъыллы, джашха ушагъан къарт – тели.
- Азыгъы аз, алгъа къабар, аты аман, алгъа чабар.
- Дуния аламаты сен эсенг да, игиме деб айтма.
- Джашны джигитлиги сорулур, къызны джигерлиги сорулур.
- Ана къолу ачытмаз.
- Бал чибинни ургъаны – ачы, балы – татлы.
- Ётюрюкчюню шагъаты – къатында.
- Эки элинги тыйсанг, джети элде махталырса.
- Джарлы джети элни сёзюн этер.
- Ашхы болсанг, атынг чыгъар, аман болсанг, джанынг чыгъар.
- Урунуу – насыбны анасы.
- Джиби бир къат джетмей эди да, эки къат тарта эди.
- Тенги кёбню джау алмаз, акъылы кёбню дау алмаз.
- Ашхы сёз таш тешер.
- Къарны аманнга къазан такъдырма, къолу аманнга от джакъдырма.
- Кёб ант этген, кёб ётюрюк айтыр.
- Окъуу – билимни ачхычы, окъуу – дунияны бачхычы.
- Ата – баланы уясы.
- Ашхы – джыяр, аман – джояр.
- Эшекге миннген – биринчи айыб, андан джыгъылгъан – экинчи айыб.
- Эл тойса, тоймагъан, эл къойса, къоймагъан.
- Джарлыны эшигин махтагъан джабар.
- Керти сёзге тёре джокъ.
- Дуния мал дунияда къалады.
- Джылар джаш, атасыны сакъалы бла ойнар.
- Кёз – сюйген джерде, къол – ауругъан джерде.
- Къууут – джелге, берне – бошха.
- Бети къызарыучу адамны, джюреги харам болмаз.
- Джогъун бар этген, барын бал этген.
- Тюзню ётмеги тюзде къалса да, тас болмаз.
- Джуртун къоругъан озар.
- Эртде тургъан джылкъычыны эркек аты тай табар.
- Тили узунну, намысы – къысха.
- Халкъгъа джарагъан, джарлы къалмаз.
- Аууз сакълагъан – джан сакълар.
- Кюн кёрмеген, кюн кёрсе, кюндюз чыракъ джандырыр.
Ошибка!
Для просмотра темы введите ваши логин и пароль.Пожалуйста, авторизуйтесь: