- Игилик игилик бла сингдирилиучю затды.
- Эшекге миннген – биринчи айыб, андан джыгъылгъан – экинчи айыб.
- Шайтан алдады, тюзлюк къаргъады.
- Гитче джилтин уллу элни джандырыр.
- Аджашханны ызындагъы кёреди, джангылгъанны джанындагъы биледи.
- Кёпюр салгъан кеси ётер, уру къазгъан кеси кетер.
- Къыз келсе, джумуш эте келеди, къатын келсе, ушакъ эте келеди.
- Оюмсуз атлагъан, аджалсыз ёлюр.
- Билим ат болуб да чабар, къуш болуб да учар.
- Ёмюрлюк шохлукъну джел элтмез.
- Баргъанынга кёре болур келгенинг.
- Акъыл аздырмаз, билим тоздурмаз.
- Арыгъан къош чамчы болур.
- Ана – юйню кюн джарыгъы.
- Ач къарынны, токъ билмез
- Джашынгы кесинг юретмесенг, джашау юретир.
- Джарлыны тону джаз битер.
- Миллетни бойну – базыкъ, аны бла кюрешген – джазыкъ.
- Аман адам элни бир-бирине джау этер.
- Эки элинги тыйсанг, джети элде махталырса.
- Берекет берсин деген джерде, берекет болур.
- Магъанасыз сёз – тауушсуз сыбызгъы.
- Тилде сюек болмаса да, сюек сындырыр.
- Адеб этмеген, адеб кёрмез.
- Окъумагъан сокъурду, сокъур ташха абыныр!
- Ач – эснер, ат – кишнер.
- Суу да къайтады чыкъгъан джерине.
- Ашаса, ашамаса да, бёрюню ауузу – къан.
- Ашарыкъда сайлагъаннга – чий гырджын.
- Байма, деб да, къууанма, джарлыма, деб да, джылама.
- Ач уят къоймаз.
- Джаз бир кюнню джатсанг, къыш талай кюнню абынырса.
- Мен да «сен», дейме, сен да «кесим», дейсе.
- Баш болса, бёрк табылыр.
- Аман къатын алгъан, арыр, иги къатын алгъан джарыр.
- Экиндини кеч къылсанг, чабыб джетер ашхам.
- Къыйынлы джети элге оноу этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ата – билек, ана – джюрек!
- Окъуу – билимни ачхычы, окъуу – дунияны бачхычы.
- Къызгъанчдан ычхыныр, мухардан ычхынмаз.
- Билмезни кёзю кёрмез, этмезни къулагъы эшитмез.
- Джарлы тюеге минсе да, ит къабар.
- Аш хазыр болса, иш харам болур.
- Ата джурт – алтын бешик.
- Ачлыкъ отха секиртир.
- Бёрю да ач къалмасын, эчки да ашалмасын.
- Мухар, кеси тойса да, кёзю тоймаз.
- Окъугъан – асыу, окъумагъан – джарсыу.
- Ашхы – джыяр, аман – джояр.
Ошибка!
Для просмотра темы введите ваши логин и пароль.Пожалуйста, авторизуйтесь: