- Джырчы ёлсе, джыры къалыр.
- Ичимден чыкъды хата, къайры барайым сата?
- Бастасын ашагъан, хантусун да ичер.
- Байны къызы баймакъ болса да, юйде къалмаз!
- Къатын къылыкъсыз, эр тынчлыкъсыз.
- Азыгъы аз, алгъа къабар, аты аман, алгъа чабар.
- Мени джылытмагъан кюн, меннге тиймесин!
- Адам боллукъ, атламындан белгили болур.
- Башы ишлегенни, ауузу да ишлер.
- Джырчы джырчыгъа – къарнаш.
- Орундукъ тюбюнде атылсам да, орта джиликме, де да айлан.
- Аз айтсам, кёб ангылагъыз.
- Кёл – къызбай, къол – батыр.
- Ариу – кёзге, акъыл – джюрекге.
- Ауузу аманнга «иги», деме.
- Окъугъан – асыу, окъумагъан – джарсыу.
- Къарт бла баш аша, джаш бла аякъ аша.
- Эки элинги тыйсанг, джети элде махталырса.
- Сабий болмагъан джерде, мёлек болмаз.
- Иги болса, тамадама – махтау, аман болса, меннге – айыб.
- Тешигини къатында, чычхан да батыр болур.
- Борчунг бар эсе, хурджунунга ойлаб узал.
- Орну джокъну – сыйы джокъ.
- Терслик кетер, тюзлюк джетер.
- Намыс болмагъан джерде, насыб болмаз.
- Тешик этген тынчды, аны джамагъан къыйынды.
- Бюгюн дуния кибик, тамбла ахыратды.
- Къая джолда джортма, ачыкъ сёзден къоркъма.
- Рысхы джалгъанды: келген да этер, кетген да этер.
- Эл ауузу – элия.
- Тёзгеннге, джабылгъан эшик ачылыр.
- Махтаннган къыз, тойда джукълар.
- Сакъламагъан затынга джолукъсанг, не бек къууанаса, не бек ачыйса.
- Эллинг бла джау болсанг да, юйюнг бла джау болма.
- Чакъырылмагъан къонакъ – орунсуз.
- Кёб джашагъан – кёб билир.
- Тамырсыз терекге таянма – джыгъылырса.
- Ашыкъгъанны этеги бутуна чырмалыр.
- Терек ауса, отунчу – кёб.
- Ата – баланы уясы.
- Хар зат кесини орнуна иги.
- Кимни – тили, тиши онглу, кимни – къолу, иши онглу.
- Татлы тилде – сёз ариу, чемер къолда – иш ариу.
- Тау башында, тау болмаз, джангыз терек, бау болмаз.
- Ашхы тенг джолгъа салыр, аман тенг джолдан тайдырыр.
- Ёнгкюч къууана барыр, джылай келир.
- Джогъун бар этген, барын бал этген.
- Игиге айтсанг – билир, аманнга айтсанг – кюлюр.
- Адам къыйынлыгъын кёлтюрюр, зауукълугъун кёлтюрмез.
- Акъыллы айтыр эди, акъылсыз къоймайды.
Ошибка!
Для просмотра темы введите ваши логин и пароль.Пожалуйста, авторизуйтесь: