- Кечеси – аяз, кюню – къыш, джарлы къаргъагъа бир аш тюш!
- Тура эдим джата, къайдан чыкъды хата?
- Джуртун къоругъан озар.
- Ким бла джюрюсенг, аны кёзю бла кёрюнюрсе.
- Джырчы ёлсе, джыры къалыр.
- Ашха уста, юйюнде болсун
- Кюн – узун, ёмюр – къысха.
- Ёгюзню мюйюзлери ауурлукъ этмейдиле.
- Кийиминг бла танылма, адамлыкъ бла таныл.
- Тойгъа алгъа да барма, тойда артха да къалма.
- Дууулдаса – бал чибин, къонса – къара чибин.
- Къазанда болса, чолпугъа чыгъар.
- Джаханимни кёрмей, джандетге кёл салмазса.
- Булут кёкге джарашыу, уят бетге джарашыу.
- Кёб джашагъан – кёб билир.
- Ишлегенден, къарагъан уста.
- Окъ къызбайны джокълайды.
- Таякъ этден ётер, тил сюекден ётер.
- Къызны минг тилер, бир алыр.
- Тойчу джашха къарама, къойчу джашха къара.
- Къарны аманнга къазан такъдырма, къолу аманнга от джакъдырма.
- Айранын берсенг, челегин да къызгъанма.
- Адеб джокъда, намыс джокъ.
- Иги сеники эсе да, сюйген кесимикин этеме.
- Ашын ашагъанынгы, башын да сыйла.
- Тёзгеннге, джабылгъан эшик ачылыр.
- Адамны аманы адамны бети бла ойнар.
- Ишге юренсин къоллары, халкъ бла болсун джоллары.
- Джаралыны джастыгъында сау ёлюр.
- Игилик игилик бла сингдирилиучю затды.
- Урунуу – насыбны анасы.
- Тюзлюк тас болмайды.
- Ана – юйню кюн джарыгъы.
- Бир онгсуз адам адет чыгъарды, деб эштирик тюлсе.
- Рысхы – насыбха къор.
- Абынмазлыкъ аякъ джокъ, джангылмазлыкъ джаякъ джокъ.
- Тил – миллетни джаны.
- Дженгил джетерикме деб, узун джолну къоюб, къысхасын барма.
- Окъугъанны бети джарыкъ.
- Биреуню эскиси биреуге джангы болмайды.
- Байлыкъ болгъан джерде, тынчлыкъ джокъду.
- Уллу айтханны этмеген – уллаймаз.
- Къарыусузгъа кюлме, онгсузгъа тийме.
- Къонакъ аман болса, къонакъбай джунчур
- Сыфатында болмагъаны, суратында болмаз.
- Нёгерсизни джолу узун.
- Эл элде бирер малынг болгъандан эсе, бирер тенгинг болсун.
- Келинин тута билмеген, къул этер, къызын тута билмеген, тул этер.
- Джылар джаш, атасыны сакъалы бла ойнар.
- Аманнга алтын чыдамаз.
Ошибка!
Для просмотра темы введите ваши логин и пароль.Пожалуйста, авторизуйтесь: