- Орну джокъну – сыйы джокъ.
- Тил бла келеди джыр да.
- Эки элинги тыйсанг, джети элде махталырса.
- Татлы тилде – сёз ариу, чемер къолда – иш ариу.
- Тели турса – той бузар.
- Тешик этген тынчды, аны джамагъан къыйынды.
- Иги – алгъыш этер, аман – къаргъыш этер.
- Сууда джау джокъ, кёб сёзде магъана джокъ.
- Иги болса, тамадама – махтау, аман болса, меннге – айыб.
- Аманны эки битли тону болур, бирин сеннге кийдирир, бирин кеси киер.
- Джашны джигитлиги сорулур, къызны джигерлиги сорулур.
- Ышармагъан – кюлмез, кюлмеген – къууанчны билмез.
- Кийим тукъум сордурур.
- Ауругъаннга – кийик саулукъ, джетген къызгъа – чилле джаулукъ.
- Урама да – ёледи, сатама да – келеди.
- Дженгил джетерикме деб, узун джолну къоюб, къысхасын барма.
- Тулпарлыкъ, билекден тюл – джюрекден.
- Ариуну – ауруу кёб.
- Кийимни бир кюнню аясанг, минг кюннге джарар.
- Ёлюк кебинсиз къалмаз.
- Башсыз урчукъ тюзюне айланмаз.
- Тешигини къатында, чычхан да батыр болур.
- Ёлген эшек бёрюден къоркъмайды.
- Эринчекни аурууу – кёб.
- Аман киши кеси юйюнде – къонакъ.
- Этни бети бла шорпасы.
- Джаш болсун, къыз болсун, акъылы, саны тюз болсун.
- Аманны къуугъан, аманлыкъ табар.
- Джарашыу сюйген – джалынчакъ.
- Бети къызарыучу адамны, джюреги харам болмаз.
- Байлыкъ болгъан джерде, тынчлыкъ джокъду.
- Терслик кетер, тюзлюк джетер.
- Кёпюр салгъан кеси ётер, уру къазгъан кеси кетер.
- Ач келгенни – тойдур, кеч келгенни – къондур.
- Ишни ахырын ойламай, аллын башлама.
- Сыфатында болмагъаны, суратында болмаз.
- Гырджын – тепсини тамадасы.
- Байлыкъ адамны сокъур этер.
- Джюз элде джюз ёгюзюм болгъандан эсе, джюз джууугъум болсун.
- Гыдай эчки суугъа къараб, мюйюзле кёрмесе, джашма алкъын, дегенди.
- Бир онгсуз адам адет чыгъарды, деб эштирик тюлсе.
- Байлыкъ келсе, акъыл кетер.
- Къарнынг тойгъунчу аша да, белинг талгъынчы ишле.
- Ач отунчуну ачыуу – бурнунда.
- Ата – баланы уясы.
- Джюрекге ариу – кёзге да ариу.
- Таугъа чыгъаллыкъ эсенг, тюзде къалма.
- Кесинг сынамагъан затны, адамгъа буюрма.
- Татлы сёз – балдан татлы.
- Ашлыкъ – бюртюкден, джюн – тюкден.
Ошибка!
Для просмотра темы введите ваши логин и пароль.Пожалуйста, авторизуйтесь: