- Юй кюйдю да, кюйюз чыкъды, ортасындан тюйюш чыкъды.
- Насыб бютеу халкъны юлюшюдю.
- Танг атмайма десе да, кюн къоярыкъ тюйюлдю.
- Башы ишлегенни, ауузу да ишлер.
- Кёзю сокъурдан – къоркъма, кёлю сокъурдан – къоркъ.
- Айтхан – тынч, этген – къыйын.
- Эл ауузу – элия.
- Ана – юйню кюн джарыгъы.
- Билмегенинги, билгеннге сор.
- Кенгеш болса, уруш болмаз.
- Эки ойлашыб, бир сёлешген.
- Биреуню эскиси биреуге джангы болмайды.
- Ашарыкъда сайлагъаннга – чий гырджын.
- Къонагъы джокъну – шоху джокъ.
- Сёз къанатсыз учар.
- Сагъыш – къартлыкъгъа сюйюмчю.
- Аш берме да, къаш бер.
- Гугук кесини атын айтыб къычыргъанча, мен, мен деб нек тураса?
- Таш бла ургъанны, аш бла ур.
- Итли къонакъ джарашмаз.
- Айныгъанлы алты кюн, тогъайгъанлы тогъуз кюн.
- Керек ташны ауурлугъу джокъ.
- Джангызны оту джарыкъ джанмаз!
- Къарны аманнга къазан такъдырма, къолу аманнга от джакъдырма.
- Мухар, кеси тойса да, кёзю тоймаз.
- Аурууну келиую тынч, кетиую – къыйын.
- Кёзден кетген, кёлден да кетеди.
- Адамны адамлыгъы къыйынлыкъда айгъакъланады.
- Ачлыкъда тары гырджын халыуадан татлы.
- Ётюрюкден тюбю джокъ, кёлтюрюрге джиби джокъ.
- Ашда уялгъан – мухар, ишде уялгъан – хомух.
- Адамны сыфатына къарама, сёзюне къара.
- Аман адамны тепсинге олтуртсанг, къызынгы тилер.
- Нарт сёз къарт болмаз.
- Тюз сёз баргъан сууну тыяр.
- Къызбайны юйюне дери сюрсенг, батыр болур.
- Кесинг сынамагъан затны, адамгъа буюрма.
- Къая джолда джортма, ачыкъ сёзден къоркъма.
- Таш ата билмеген, башына урур.
- Адамны аты башхача, акъылы да башхады.
- Адам къаллай бир ишленмесе, аллай бир кесин уллу кёреди.
- Джахил болса анасы, не билликди баласы?
- Уллу сёлешме да, уллу къаб.
- Кюлме джашха – келир башха.
- «Ёгюз, джаргъа джууукъ барма, меннге джюк боллукъса», - дегенди эшек.
- Билгенни къолу къарны джандырыр.
- Тойгъандан сора, ашны сёкме.
- Билим ат болуб да чабар, къуш болуб да учар.
- Суугъа – таянма, джаугъа – ийнанма.
- Билмезни кёзю кёрмез, этмезни къулагъы эшитмез.
Ошибка!
Для просмотра темы введите ваши логин и пароль.Пожалуйста, авторизуйтесь: