- Бек ашыкъгъан меннге джетсин, дегенди аракъы.
- Эшекни не къадар тюйсенг да, ат болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Биреуню эскиси биреуге джангы болмайды.
- Тёрени джагъы джокъ.
- Тёрдеги кюлсе, эшикдеги ышарыр.
- Аман адамны тепсинге олтуртсанг, къызынгы тилер.
- Кюн кёрмеген, кюн кёрсе, кюндюз чыракъ джандырыр.
- Хар ишни да аллы къыйынды.
- Сакъалы текени да бар, мыйыгъы киштикни да бар.
- Ата – баланы уясы.
- Шекер бла туз – бир болмаз, ушамагъан – юй болмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Эл тойса, тоймагъан, эл къойса, къоймагъан.
- Ауурну тюбю бла, дженгилни башы бла джюрюген.
- Кёл ашады да, кеси ашады.
- Аш хазыр болса, иш харам болур.
- Джумушакъ терекни къурт ашар.
- Кёб ант этген, кёб ётюрюк айтыр.
- Туз, гырджын аша, тюзлюк бла джаша.
- Мал кёб болса, джууукъ кёб болур.
- Биреуге аманлыкъны тилеме да, кесинге ашхылыкъны тиле.
- Джаш болсун, къыз болсун, акъылы, саны тюз болсун.
- Юйюнг бла джау болгъандан эсе, элинг бла джау бол.
- Тойну къарнашы – харс, джырны къарнашы – эжиу.
- Акъыллы – эл иеси, тели – эл баласы.
- Эркишиге тары кебек танг кёрюнюр.
- Узун джолну барсанг, бюгюн келирсе, къысха джолну барсанг, тамбла келирсе.
- Кюлме джашха – келир башха.
- Адам туугъан джеринде, ит тойгъан джеринде.
- Байны къызы баймакъ болса да, юйде къалмаз!
- Телиге акъыл салгъандан эсе, ёлгеннге джан салырса.
- Адам сёзюнден белгили.
- Юй ишлеген балта эшикде къалыр.
- Аман эсирсе, юйюн ояр.
- Айырылгъанланы айю ашар, бёлюннгенлени бёрю ашар.
- Ёлюр джаннга, ёкюл джокъ.
- Акъыл сабырлыкъ берир.
- Керилген да, ургъан кибикди.
- Малны кют, джерни тюрт.
- Алгъанда – джууукъ, бергенде – джау.
- Баланы адам этген анады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Уллу сёзде уят джокъ.
- Адам сёзге тынгыла, акъыл сёзню ангыла.
- Ишин билген, аны сыйын чыгъарады.
- Ашыкъгъанны этеги бутуна чырмалыр.
- Окъугъан – асыу, окъумагъан – джарсыу.
- Джашны джигитлиги сорулур, къызны джигерлиги сорулур.
- Мухардан ач ычхынмаз.
Ошибка!
Для просмотра темы введите ваши логин и пароль.Пожалуйста, авторизуйтесь: