- Къонакъны къачан кетерин сорма, къачан келлигин сор.
- Атынг аманнга чыкъгъандан эсе, джанынг тамагъынгдан чыкъсын.
- Акъыллы башны – тили къысха.
- Тюзлюк шохлукъну бегитир.
- Къар – келтирди, суу – элтди.
- Эли джокъну – кёлю джокъ.
- Минг тенг да азды, бир джау да кёбдю.
- Окъугъан – асыу, окъумагъан – джарсыу.
- Байны оноуу, джарлыгъа джарамаз.
- Ата – баланы уясы.
- Тюзлюк тас болмайды.
- Джюз элде джюз ёгюзюм болгъандан эсе, джюз джууугъум болсун.
- Биреу къой излей, биреу той излей.
- Хатерли къул болур.
- Сёз къанатсыз учар.
- Эки итни арасына сюек атма, эки адамны арасында сёз чыгъарма.
- Ишлегенде эринме, ишде чолакъ кёрюнме.
- Ёгюзню мюйюзлери ауурлукъ этмейдиле.
- Тойгъа барсанг, тоюб бар, эски тонунгу къоюб бар.
- Адам къыйынлыгъын кёлтюрюр, зауукълугъун кёлтюрмез.
- Джигер – джаннга къыйынлыкъ.
- Байлыкъдан саулукъ ашхыды.
- Ач да бол, токъ да бол – намысынга бек бол.
- Кёпюр салгъан кеси ётер, уру къазгъан кеси кетер.
- Джашда акъыл джокъ, къартда къарыу джокъ.
- Сууда джау джокъ, кёб сёзде магъана джокъ.
- Ауурну тюбю бла, дженгилни башы бла джюрюген.
- Рысхы джалгъанды: келген да этер, кетген да этер.
- Билген билмегенни юретген адетди.
- Зарда марда джокъ.
- Кийимни бир кюнню аясанг, минг кюннге джарар.
- Адеби болмагъан къыз – тузсуз хант.
- Къатын байлыкъны сюер, эр саулукъну сюер.
- Дуния малгъа сатылма, кесингден телиге къатылма.
- Юй ишлеген балта эшикде къалыр.
- Орундукъ тюбюнде атылсам да, орта джиликме, де да айлан.
- Тойгъа алгъа да барма, тойда артха да къалма.
- Ашыкъгъан cуу, тенгизге джетмез.
- Чабакъ башындан чирийди.
- Ачлыкъ отха секиртир.
- Ургъан суудан башынгы сакъла.
- Окъумагъан сокъурду, сокъур ташха абыныр!
- Мухардан ач ычхынмаз.
- Хар зат кесини орнуна иги.
- Ашына кёре табагъы, балына кёре къалагъы.
- Къобан да къуру да къобханлай турмайды, адам да къуру да патчахлай турмайды.
- Бозаны арты дауур болур.
- Кёл ашады да, кеси ашады.
- Джашынгы кесинг юретмесенг, джашау юретир.
- Абынмазлыкъ аякъ джокъ, джангылмазлыкъ джаякъ джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: