- Чыкълы кюнде чыкъмагъан, чыкъса къуру кирмеген.
- Акъыллы эркиши атын махтар, акъылсыз эркиши къатынын махтар.
- Булут кёкге джарашыу, уят бетге джарашыу.
- Джангыз торгъай джырламаз.
- Орну джокъну – сыйы джокъ.
- Къазанны башы ачыкъ болса, итге уят керекди.
- Ашына кёре табагъы, балына кёре къалагъы.
- Хаухну атма, ёнгкючню сатма.
- Нёгерсизни джолу узун.
- Бети бедерден, намыс сакълама.
- Ашарыкъда сайлагъаннга – чий гырджын.
- Юреннген ауруу къалмаз.
- Акъыллы башны – тили къысха.
- Артына баргъанны, къатына барма.
- Тыш элде солтан болгъандан эсе, кесинги элде олтан болгъан игиди!
- Ашхы – джыяр, аман – джояр.
- Джыгъылгъанны сырты джерден тоймаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Акъыллы айтыр эди, акъылсыз къоймайды.
- Ашатыргъа иш – ашхы, ишлетирге аш – ашхы.
- Айтылгъан буйрукъ, сёгюлмез
- Джогъун бар этген, барын бал этген.
- Хансыз джомакъ болмаз.
- Кийим тукъум сордурур.
- Хатерли къул болур.
- Кийимни бир кюнню аясанг, минг кюннге джарар.
- Суу ичген шауданынга тюкюрме.
- Рысхы – насыбха къор.
- Аш берме да, къаш бер.
- Къарнынг бла ёч алма.
- Нафысынгы айтханын этме, намысынгы айтханын эт.
- Адам боллукъ, атламындан белгили болур.
- Къыйынлы джети элни къайгъысын этер.
- Душманны тышы – акъ, ичи – къара.
- Адам сёзге тынгыла, акъыл сёзню ангыла.
- Сакъалы текени да бар, мыйыгъы киштикни да бар.
- Кёлю джокъну – джолу джокъ.
- Бал – татлы, балдан да бала – татлы.
- Хата – гитчеден.
- Билеги кючлю, бирни джыгъар, билими кючлю, мингни джыгъар.
- Бал чибинни ургъаны – ачы, балы – татлы.
- Джырына кёре эжиую.
- Эртде тургъан бла эртде юйленнген сокъуранмаз.
- Таугъа чыгъаллыкъ эсенг, тюзде къалма.
- Биреуню тёрюнден, кесинги эшик артынг игиди.
- Тиширыусуз юй – отсуз от джагъа.
- Сакъламагъан затынга джолукъсанг, не бек къууанаса, не бек ачыйса.
- Ач къарным, тынч къулагъым.
- Бир онгсуз адам адет чыгъарды, деб эштирик тюлсе.
- Тюз сёз баргъан сууну тыяр.
Ошибка!
Для просмотра темы введите ваши логин и пароль.Пожалуйста, авторизуйтесь: