- Бек анасы джыламаз.
- Аш берме да, къаш бер.
- Байлыкъ адамны сокъур этер.
- Ауругъанны сау билмез, ач къарынны токъ билмез.
- Азыгъы аз, алгъа къабар, аты аман, алгъа чабар.
- Биреу къой излей, биреу той излей.
- Тилчи бир сагъатха айлыкъ хата этер.
- Ата Джуртча джер болмаз, туугъан элча эл болмаз.
- Ачыу алгъа келсе, акъыл артха къалады.
- Бичгенде ашыкъма, тикгенде ашыкъ.
- Абынмазлыкъ аякъ джокъ, джангылмазлыкъ джаякъ джокъ.
- Окъугъанны бети джарыкъ.
- Тик ёргени, тик энгишгеси да болады.
- Берекет берсин деген джерде, берекет болур.
- Джыйырма къойну юч джыйырма эбзе кюте эди.
- Ачылгъан эт джабылыр, кёрген кёз унутмаз.
- Аманнга алтын чыдамаз.
- Акъыл аздырмаз, билим тоздурмаз.
- Ариу джол аджал келтирмез.
- Агъач халкъгъа алтынды, иссиликге салкъынды.
- Ашхы атаны – джашы ашхы, ашхы ананы – къызы ашхы.
- Таш бла ургъанны, аш бла ур.
- Рысхы джалгъанды: келген да этер, кетген да этер.
- Этек чакъмакълары баш джаргъан, сёлешген сёзлери таш джаргъан.
- Джашынгы кесинг юретмесенг, джашау юретир.
- Ач бёрюге мекям джокъ.
- Эри аманны, къатыны – аман.
- Акъыл сабырлыкъ берир.
- Игиге айтсанг – билир, аманнга айтсанг – кюлюр.
- Къошда джокъгъа – юлюш джокъ.
- Хар зат кесини орнуна иги.
- Айранын берсенг, челегин да къызгъанма.
- Арба аугъандан сора, джол кёргюзтюучю кёб болур.
- Кёбден умут этиб, аздан къуру къалма.
- Ана къойну – балагъа джандет.
- Айраннга суу къош, телиге джол бош.
- Тенги кёбню джау алмаз, акъылы кёбню дау алмаз.
- Бетинги сатма, малынгы сат.
- Арпа, будай – ащды, алтын, кюмюш а – ташды.
- Билими азны – ауузунда кирит.
- Мен да «сен», дейме, сен да «кесим», дейсе.
- Аман къатын алгъан, арыр, иги къатын алгъан джарыр.
- Башда акъыл болмаса, эки аякъгъа кюч джетер.
- Керек ташны ауурлугъу джокъ.
- Мени джылытмагъан кюн, меннге тиймесин!
- Эркишини аманы тиширыуну джылатыр.
- Окъдан джара эртде-кеч болса да бителир, сёз джара, ёмюрге къалыр.
- Зарда марда джокъ.
- Джангыз терек къынгыр ёсер.
- Терслик кетер, тюзлюк джетер.
Ошибка!
Для просмотра темы введите ваши логин и пароль.Пожалуйста, авторизуйтесь: