- Айыбны суу бла джууалмазса.
- Ата Джуртча джер болмаз, туугъан элча эл болмаз.
- Аман хансны – урлугъу кёб.
- Рысхысына кёре, джаш ёсер, къышлыгъына кёре, мал ёсер.
- Тойгъан джерден туугъан джер игиди.
- Ач да бол, токъ да бол – намысынга бек бол.
- Акъыл къартда, джашда тюйюлдю – башдады.
- Термилгенинги табмазса, кюлгенинге тюберсе.
- Эринчекни аурууу – кёб.
- Юйлю уругъа ит чабмаз.
- Джарлыны тону джаз битер.
- Эринчекни эр алмаз, эр алса да, кёл салмаз, кёл салса да, кёб бармаз!
- Итли къонакъ джарашмаз.
- Джерни букъусу кёкге къонмаз.
- Ач келгенни – тойдур, кеч келгенни – къондур.
- Борчунг бар эсе, хурджунунга ойлаб узал.
- Къайгъы тюбю – тенгиз.
- Дууулдаса – бал чибин, къонса – къара чибин.
- Чакъырылгъанны аты, чакъырылмагъанны багъасы болур.
- Чомарт джарлы болмаз.
- Кютгени беш эчки, сызгъыргъаны уа, джерни джарады.
- Аллахха ийнаннган кишини, Аллах онгдурур ишин.
- Ишге юренсин къоллары, халкъ бла болсун джоллары.
- Накъырда – кертини келечиси.
- Хазыр ашха – терен къашыкъ.
- Киштикге къанат битсе, чыпчыкъ къалмаз эди.
- Аманны тукъумуна къарама, игини тукъумун сорма.
- Хунаны тюбюн къазсанг, юсюнге ауар.
- Къонакъ аман болса, къонакъбай джунчур
- Махтаннган къыз, тойда джукълар.
- Зарда марда джокъ.
- Эллинг бла джау болсанг да, юйюнг бла джау болма.
- Иги сёз – джаннга азыкъ, аман сёз башха – къазыкъ.
- Тюзню ётмеги тюзде къалса да, тас болмаз.
- Бал чибинни ургъаны – ачы, балы – татлы.
- Чакъырылмай келген къонакъ сыйланмай кетер.
- Ачыу алгъа келсе, акъыл артха къалады.
- Ариу джол аджал келтирмез.
- Телиге от эт десенг, юйюнге от салыр.
- Кечеси – аяз, кюню – къыш, джарлы къаргъагъа бир аш тюш!
- Джарлы эскисин джамаса, къууаныр.
- Баргъанынга кёре болур келгенинг.
- Уллу къазанда бишген эт, чий къалмаз.
- Эки къатын алгъанны къулагъы тынгнгаймаз.
- Шапа кёб болса, аш татымсыз болур.
- Огъурлуну сёзю – суу, огъурсузну сёзю – уу.
- Къатын къылыкъсыз, эр тынчлыкъсыз.
- Тили узунну, намысы – къысха.
- Кийим тукъум сордурур.
- Тамчы таш тешер.
Ошибка!
Для просмотра темы введите ваши логин и пароль.Пожалуйста, авторизуйтесь: