- Байма, деб да, къууанма, джарлыма, деб да, джылама.
- Эм уллу байлыкъ – джан саулукъ.
- Джолда аягъынга сакъ бол, ушакъда тилинге сакъ бол.
- Мураты болгъанны джюрек тебюую башхады.
- Джангызны оту джарыкъ джанмаз!
- Иши джокъну, сыйы джокъ.
- Эрине къаргъыш этген къатын, эрнин къабар.
- Тёзгеннге, джабылгъан эшик ачылыр.
- Ёзденликни джайгъан – джокълукъ.
- Эки элинги тыйсанг, джети элде махталырса.
- Иги адамны бир сёзю эки болмаз.
- Ёлмесенг да, къарт дамы болмазса?
- Орундукъ тюбюнде атылсам да, орта джиликме, де да айлан.
- Болджал ишни бёрю ашар.
- Керек ташны ауурлугъу джокъ.
- Ашыкъгъанны этеги бутуна чырмалыр.
- Эринчекге кюн узун.
- Ханы къызы буюгъа-буюгъа киштик болду.
- Рысхысына кёре, джаш ёсер, къышлыгъына кёре, мал ёсер.
- Къарнынг бла ёч алма.
- Джолунга кёре – джюрюшюнг, джагъанга кёре – юлюшюнг.
- Ариу сёз аурууунгу алыр.
- Аманны эки битли тону болур, бирин сеннге кийдирир, бирин кеси киер.
- Башынга джетмегенни сорма.
- Аш кетер да бет къалыр.
- Джарлыны эшигин махтагъан джабар.
- Алтыда кюлмеген, алтмышда кюлмез.
- Арыгъан къош чамчы болур.
- Джюз элде джюз ёгюзюм болгъандан эсе, джюз джууугъум болсун.
- Джеринден айырылгъан – джети джылар, джуртундан айырылгъан – ёлгюнчю джылар.
- Аман къатын сабий табса, бий болур…
- Юй кюйдю да, кюйюз чыкъды, ортасындан тюйюш чыкъды.
- Джарашыу сюйген – джалынчакъ.
- Чомартны къолу берекет.
- Ашын ашагъанынгы, башын да сыйла.
- Аманнга игилик этсенг, юйюнге сау бармазса.
- Тойчу джашха къарама, къойчу джашха къара.
- Джашлыкъ этмеген, башлыкъ этмез.
- Башланнган иш битер, къымылдагъан тиш тюшер.
- Тойгъан антын унутур.
- Огъурлуну сёзю – суу, огъурсузну сёзю – уу.
- Джети тилни билген джети кишиди.
- Чоюнну башы ачыкъ болса, итге уят керекди.
- Дуния аламаты сен эсенг да, игиме деб айтма.
- Кийимни бир кюнню аясанг, минг кюннге джарар.
- Адеб джокъда, намыс джокъ.
- Гугурук къычырмаса да, тангны атары къалмаз.
- Келгинчи, къонакъ уялыр, келгенден сора, къонакъбай уялыр.
- Аш хазыр болса, иш харам болур.
- Гитче джилтин уллу элни джандырыр.
Ошибка!
Для просмотра темы введите ваши логин и пароль.Пожалуйста, авторизуйтесь: