- Билгенни къолу къарны джандырыр.
- Бёрю да ач къалмасын, эчки да ашалмасын.
- Баш – акъыл ючюн, акъылман – халкъ ючюн.
- Акъыл аздырмаз, билим тоздурмаз.
- Кёрмегеннге кебек – танг, битмегеннге сакъал – танг.
- Тулпарлыкъ, билекден тюл – джюрекден.
- Эл ауузу – элия.
- Билим ат болуб да чабар, къуш болуб да учар.
- Аман адам этегингден тутса, кес да къач.
- Зар адам ашынгы ашар, кесинги сатар.
- Ишлегенден, къарагъан уста.
- Джогъун бар этген, барын бал этген.
- Эл ауузу – элек, анга ийнаннган – халек.
- Эркиши – от, тиширыу – суу.
- Биреу къой излей, биреу той излей.
- Баланы адам этген анады.
- Эм уллу байлыкъ – джан саулукъ.
- Огъурлуну сёзю – суу, огъурсузну сёзю – уу.
- Кёб джашагъан – кёб билир.
- От этилмеген джерден тютюн чыкъмайды.
- Айтханы чапыракъдан ётмеген.
- Чёбню кёлтюрсенг, тюбюнден сёз чыгъар.
- Эллинг бла джау болсанг да, юйюнг бла джау болма.
- Тамырсыз терекге таянма – джыгъылырса.
- Окъ къызбайны джокълайды.
- Суу кетер, таш къалыр.
- Таш ата билмеген, башына урур.
- Экеулен сёлеше тура эселе, орталарына барыб кирме.
- Мадар болса, къадар болур.
- Нарт сёз къарт болмаз.
- Минг тенг да азды, бир джау да кёбдю.
- Алим болгъандан эсе, адам болгъан къыйынды.
- Иги болса, тамадама – махтау, аман болса, меннге – айыб.
- Дууулдаса – бал чибин, къонса – къара чибин.
- Тил бла келеди джыр да.
- Кесине гебен этелмеген, биреуге черен эте эди.
- Тилчи бир сагъатха айлыкъ хата этер.
- Ханнга да келеди хариблик.
- Бал чибинни ургъаны – ачы, балы – татлы.
- Ач къарынны, токъ билмез
- Эркишиге тары кебек танг кёрюнюр.
- Аджашханны ызындагъы кёреди, джангылгъанны джанындагъы биледи.
- Къарыусузгъа кюлме, онгсузгъа тийме.
- Чакъырылмагъан къонакъ къачан кетерин сормаз.
- Къыйынлы джети элни къайгъысын этер.
- Ойнай-ойнай кёз чыгъар.
- Байлыкъ келсе, акъыл кетер.
- Шайтан алдады, тюзлюк къаргъады.
- Адамны сыфатына къарама, сёзюне къара.
- Ишни аллы бла къууанма да, арты бла къууан.
Ошибка!
Для просмотра темы введите ваши логин и пароль.Пожалуйста, авторизуйтесь: