- Къая джолда джортма, ачыкъ сёзден къоркъма.
- Джумушакъ терекни къурт ашар.
- Окъугъан озар, окъумагъан тозар.
- Эки къатын алгъан – эки ташны ортасына башын салгъан.
- Ач, тоймам, дейди, тойгъан, ач болмам, дейди.
- Таула не мийик болсала да, аууш табылыр.
- Биреуню къыйынлыгъы бла кесинге джол ишлеме.
- Уллу къазанда бишген эт, чий къалмаз.
- Тёзген – тёш ашар!
- Тойгъа барсанг, тоюб бар, эски тонунгу къоюб бар.
- Адамны адамлыгъы къыйынлыкъда айгъакъланады.
- Джангыз терек къынгыр ёсер.
- Танг атмайма десе да, кюн къоярыкъ тюйюлдю.
- Сыфатында болмагъаны, суратында болмаз.
- Ёнгкюч къууана барыр, джылай келир.
- Абынмазлыкъ аякъ джокъ, джангылмазлыкъ джаякъ джокъ.
- Ойнай-ойнай кёз чыгъар.
- Билгенни къолу къарны джандырыр.
- Кёбге таш атма.
- Терслик кетер, тюзлюк джетер.
- Айныгъанлы алты кюн, тогъайгъанлы тогъуз кюн.
- Къарны аманнга къазан такъдырма, къолу аманнга от джакъдырма.
- Ариу сёз – къылычдан джити.
- Джаш болсун, къыз болсун, акъылы, саны тюз болсун.
- Къонакъ болсанг, ийнакъ бол.
- Къарыусузгъа кюлме, онгсузгъа тийме.
- Джеринден айырылгъан – джети джылар, джуртундан айырылгъан – ёлгюнчю джылар.
- Къулакъдан эсе, кёзге ышан.
- Игиге айтсанг – билир, аманнга айтсанг – кюлюр.
- Керилген да, ургъан кибикди.
- Джаралыны джастыгъында сау ёлюр.
- Дуния мал дунияда къалады.
- Тик ёргени, тик энгишгеси да болады.
- Алим болгъандан эсе, адам болгъан къыйынды.
- Минг тенг да азды, бир джау да кёбдю.
- Ач къарынны, токъ билмез
- Билим ат болуб да чабар, къуш болуб да учар.
- Билимсиз иш бармаз.
- Эм уллу байлыкъ – джан саулукъ.
- Ишин билген, аны сыйын чыгъарады.
- Ашыкъгъан cуу, тенгизге джетмез.
- Къарнынг тойгъунчу аша да, белинг талгъынчы ишле.
- Кёзю сокъурдан – къоркъма, кёлю сокъурдан – къоркъ.
- Кёзден кетген, кёлден да кетеди.
- Эрине къаргъыш этген къатын, эрнин къабар.
- Кеси юйюмде мен да ханма.
- Ёмюрлюк шохлукъну джел элтмез.
- От кюйдюрген, сау болса да, тот кюйдюрген, сау болмаз.
- Алтыннга тот къонмаз.
- Туз, гырджын аша, тюзлюк бла джаша.
Ошибка!
Для просмотра темы введите ваши логин и пароль.Пожалуйста, авторизуйтесь: