- Акъыллы башны – тили къысха.
- Ашхы сёз таш тешер.
- Аш хазыр болса, иш харам болур.
- Зар адамны насыбы болмаз.
- Намыс болмагъан джерде, насыб болмаз.
- Адамны артындан къара сабан сюрме.
- Бек анасы джыламаз.
- Ач келгенни – тойдур, кеч келгенни – къондур.
- Насыблы элин сюер, насыбсыз кесин сюер.
- «Ёгюз, джаргъа джууукъ барма, меннге джюк боллукъса», - дегенди эшек.
- Аууз сакълагъан – джан сакълар.
- Къызбайны юйюне дери сюрсенг, батыр болур.
- Босагъа таш юйге кирмей эди, тыбыр таш эшикге чыкъмай эди.
- Аууздан келген, къолдан келсе, ким да патчах болур эди.
- Аз сёлеш, кёб ишле.
- Ётюрюкден тюбю джокъ, кёлтюрюрге джиби джокъ.
- Аурууну келиую тынч, кетиую – къыйын.
- Эринчекни эр алмаз, эр алса да, кёл салмаз, кёл салса да, кёб бармаз!
- Джылкъыдан – ат чыгъар, тукъумдан – джаш чыгъар.
- Aдам боллукъ, сыфатындан белгили.
- Гугурук къычырмаса да, тангны атары къалмаз.
- Адам сёзге тынгыла, акъыл сёзню ангыла.
- Хар адамгъа кеси миннген тау кибик.
- Таукел адам тау тешер.
- Ауругъанны сау билмез, ач къарынны токъ билмез.
- Джиби бир къат джетмей эди да, эки къат тарта эди.
- Окъугъан озар, окъумагъан тозар.
- Эли джокъну – кёлю джокъ.
- Эртде тургъан бла эртде юйленнген сокъуранмаз.
- Насыб бютеу халкъны юлюшюдю.
- Джогъун бар этген, барын бал этген.
- Тойну къарнашы – харс, джырны къарнашы – эжиу.
- Къонагъы джокъну – шоху джокъ.
- Итли къонакъ джарашмаз.
- Ауузу аманнга «иги», деме.
- Тенгни тенглиги джашай барсанг билинир.
- Бек ашыкъгъан меннге джетсин, дегенди аракъы.
- Къарнынг къанлынга кийирир.
- Къарны аманнга къазан такъдырма, къолу аманнга от джакъдырма.
- Нарт сёз къарт болмаз.
- Тёзген – тёш ашар!
- Билмейме деген – бир сёз
- Татлы сёз – балдан татлы.
- Эркишини аманы тиширыуну джылатыр.
- Аллахха ийнаннган кишини, Аллах онгдурур ишин.
- Ёзденликни джайгъан – джокълукъ.
- Джыгъылгъанны сырты джерден тоймаз.
- Бир онгсуз адам адет чыгъарды, деб эштирик тюлсе.
- Тешигини къатында, чычхан да батыр болур.
- Тюкюрюк баш джармаз, налат кёз чыгъармаз!
Ошибка!
Для просмотра темы введите ваши логин и пароль.Пожалуйста, авторизуйтесь: