- Ач къарным, тынч къулагъым.
- Аманнга да, игиге да оноусуз къатышма.
- Аш хазыр болса, иш харам болур.
- Билимсиз иш бармаз.
- Эл элде бирер малынг болгъандан эсе, бирер тенгинг болсун.
- Кёб джат да, бек чаб.
- Чыбыкълыкъда бюгюлмеген, къазыкълыкъда бюгюлмей эди.
- Таш ата билмеген, башына урур.
- Насыблы элин сюер, насыбсыз кесин сюер.
- Кёзден кетген, кёлден да кетеди.
- Эки ойлашыб, бир сёлешген.
- Ауругъан – джашаудан умутчу.
- Къатыны харакетли болса, эри къымсыз болур.
- Аманны эки битли тону болур, бирин сеннге кийдирир, бирин кеси киер.
- Къулакъдан эсе, кёзге ышан.
- Ёлюр джаннга, ёкюл джокъ.
- Джашда акъыл джокъ, къартда къарыу джокъ.
- Мал тутхан – май джалар.
- Чабакъгъа акъыл, табагъа тюшсе келеди.
- Эрине къаргъыш этген къатын, эрнин къабар.
- Акъыллы башны – тили къысха.
- Джыгъылгъанны сырты джерден тоймаз.
- Бети къызарыучу адамны, джюреги харам болмаз.
- Ёмюрлюк шохлукъну джел элтмез.
- Ашаса, ашамаса да, бёрюню ауузу – къан.
- Дженгил джетерикме деб, узун джолну къоюб, къысхасын барма.
- Босагъагъа джууукъ орун болса, ашыгъыб тёрге озма.
- Ёксюзню тилеги къабыл болур.
- Бек ашыкъгъан меннге джетсин, дегенди аракъы.
- Акъыл къартда, джашда тюйюлдю – башдады.
- Эл бла кёргенинг эрелей.
- Къыз чыгъаргъан – къызыл къымжа.
- Мен да «сен», дейме, сен да «кесим», дейсе.
- Кёкдеги болмаса, джердегин кёрмейди.
- Ётген ёмюр – акъгъан суу.
- Акъыллы – эл иеси, тели – эл баласы.
- Тамбла алтындан бюгюн багъыр ашхы.
- Кёзюнде тереги болгъан, чёбю болгъаннга кюле эди.
- Башынга джетмегенни сорма.
- Татлы тилде – сёз ариу, чемер къолда – иш ариу.
- Кеси юйюмде мен да ханма.
- Гугук кесини атын айтыб къычыргъанча, мен, мен деб нек тураса?
- Тилсиз миллет джокъ болур.
- Оюмсуз атлагъан, аджалсыз ёлюр.
- Суугъа – таянма, джаугъа – ийнанма.
- Гугурук къычырмаса да, тангны атары къалмаз.
- Абынмазлыкъ аякъ джокъ, джангылмазлыкъ джаякъ джокъ.
- Кийимни бичсенг, кенг бич, тар этген къыйын тюлдю.
- Окъумагъан сокъурду, сокъур ташха абыныр!
- Къумурсхала джыйылсала, пилни да джыгъадыла.
Ошибка!
Для просмотра темы введите ваши логин и пароль.Пожалуйста, авторизуйтесь: