- Тюзню ётмеги тюзде къалса да, тас болмаз.
- Босагъагъа джууукъ орун болса, ашыгъыб тёрге озма.
- Битмегеннге сакъал – танг.
- Эки итни арасына сюек атма, эки адамны арасында сёз чыгъарма.
- Айтханы чапыракъдан ётмеген.
- Иги сёз – джаннга азыкъ, аман сёз башха – къазыкъ.
- Болджал ишни бёрю ашар.
- Акъыллы башны – тили къысха.
- Телиге от эт десенг, юйюнге от салыр.
- Эркишини аманы тиширыуну джылатыр.
- Къууут – джелге, берне – бошха.
- Тенги кёбню джау алмаз, акъылы кёбню дау алмаз.
- Атынг аманнга чыкъгъандан эсе, джанынг тамагъынгдан чыкъсын.
- Суугъа – таянма, джаугъа – ийнанма.
- Чомарт къолда мал къалмаз.
- Оюмсуз атлагъан, аджалсыз ёлюр.
- Уллу атлама – абынырса, уллу къабма – къарылырса.
- Чомартха Тейри да борчлуду.
- Малны кют, джерни тюрт.
- Зар адамны насыбы болмаз.
- Керилген да, ургъан кибикди.
- Къыз тиширыу кеси юйюнде да къонакъды.
- Билимден уллу байлыкъ джокъду.
- Эки къатын алгъан – эки ташны ортасына башын салгъан.
- Агъач – джерни чырайы, кийим – эрни чырайы.
- Тиширыусуз юй – отсуз от джагъа.
- Аджашханны ызындагъы кёреди, джангылгъанны джанындагъы биледи.
- Кёзню ачылгъаны – иги, ауузну джабылгъаны – иги.
- Юре билмеген ит, къонакъ келтирир.
- Ишленмеклик адамлыкъды.
- Къызны минг тилер, бир алыр.
- Къонакъ аман болса, къонакъбай джунчур
- Танг атмайма десе да, кюн къоярыкъ тюйюлдю.
- Рысхы – сют юсюнде кёмюк кибикди.
- Атадан ёксюз – бир ёксюз, анадан ёксюз – эки ёксюз.
- Дженгил джетерикме деб, узун джолну къоюб, къысхасын барма.
- Къартны сыйын кёрмеген, къартлыгъында сыйлы болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Кийимни бичсенг, кенг бич, тар этген къыйын тюлдю.
- Тилчиден кери бол.
- Хазыр ашха – терен къашыкъ.
- Ёнгкюч къууана барыр, джылай келир.
- Суу ичген шауданынга тюкюрме.
- Акъыл аздырмаз, билим тоздурмаз.
- Биреу ашаб къутулур, биреу джалаб тутулур.
- Айтылгъан сёз ызына къайтмаз.
- Бек ашыкъгъан меннге джетсин, дегенди аракъы.
- Айтхан сёзюне табылгъан.
- Билим ат болуб да чабар, къуш болуб да учар.
- Татлы сёз – балдан татлы.
Ошибка!
Для просмотра темы введите ваши логин и пароль.Пожалуйста, авторизуйтесь: