- Эм уллу байлыкъ – джан саулукъ.
- Кенгеш болса, уруш болмаз.
- Билмегенинги, билгеннге сор.
- Экеу тутушса, биреу джыгъылыр.
- Ач къарным, тынч къулагъым.
- Бичгенде ашыкъма, тикгенде ашыкъ.
- Тёрени джагъы джокъ.
- Миллетни бойну – базыкъ, аны бла кюрешген – джазыкъ.
- Чомартны къолу берекет.
- Аман эсирсе, юйюн ояр.
- Ана кёлю – балада, бала кёлю – талада.
- Тик ёргени, тик энгишгеси да болады.
- Эр сокъур болсун, къатын тилсиз болсун.
- Биреуге кёлтюрген таягъынг, кесинги башынга урур.
- Акъдан къара болмаз.
- Ёпкелегенни ашы татлы болады.
- Бозанг болмагъан джерге, къалагъынгы сукъма.
- Таякъ этден ётер, тил сюекден ётер.
- Юйюнгден чыкъдынг – кюнюнгден чыкъдынг.
- Билим – акъылны чырагъы.
- Джаз бир кюнню джатсанг, къыш талай кюнню абынырса.
- Гыдай эчки суугъа къараб, мюйюзле кёрмесе, джашма алкъын, дегенди.
- Джигер – джаннга къыйынлыкъ.
- Сагъышы джокъ – джукъучу, акъылы джокъ – къаугъачы.
- Ичимден чыкъды хата, къайры барайым сата?
- Зар адам ашынгы ашар, кесинги сатар.
- Сакъламагъан затынга джолукъсанг, не бек къууанаса, не бек ачыйса.
- Ариуну – ауруу кёб.
- Айраннга суу къош, телиге джол бош.
- Джолунга кёре – джюрюшюнг, джагъанга кёре – юлюшюнг.
- Танг атмайма десе да, кюн къоярыкъ тюйюлдю.
- Къонакъ аман болса, къонакъбай джунчур
- Тойчу джашха къарама, къойчу джашха къара.
- Ётген ёмюр – акъгъан суу.
- Башланнган иш битер, къымылдагъан тиш тюшер.
- Ауругъан – джашаудан умутчу.
- Аман киши кеси юйюнде – къонакъ.
- Кесине оноу эте билмеген, халкъына да эте билмез.
- Ким бла джюрюсенг, аны кёзю бла кёрюнюрсе.
- Ауурну тюбю бла, дженгилни башы бла джюрюген.
- Намыс болмагъан джерде, насыб болмаз.
- Онгсузну – джакъла, тенгликни – сакъла.
- Атлыны кёрсе, джаяуну буту талыр.
- Ишни аллы бла къууанма да, арты бла къууан.
- Аман адам элни бир-бирине джау этер.
- Биреуге аманлыкъ этиб, кесинге игилик табмазса.
- Алгъанда – джууукъ, бергенде – джау.
- Эки элинги тыйсанг, джети элде махталырса.
- Эли джокъну – кёлю джокъ.
- Джуртун къоругъан озар.
Ошибка!
Для просмотра темы введите ваши логин и пароль.Пожалуйста, авторизуйтесь: