- Биреуге аманлыкъ этиб, кесинге игилик табмазса.
- Азыкълы ат арымаз, къатыны аман джарымаз.
- Игини сыйлагъан адетди.
- Къарнынг бла ёч алма.
- Рысхысына кёре, джаш ёсер, къышлыгъына кёре, мал ёсер.
- Ана – юйню кюн джарыгъы.
- Джырчы ёлсе, джыры къалыр.
- Биреуню тёрюнден, кесинги эшик артынг игиди.
- Ашыкъгъанны этеги бутуна чырмалыр.
- Бюгюн дуния кибик, тамбла ахыратды.
- Къонакъ аман болса, къонакъбай джунчур
- Айтылгъан сёз ызына къайтмаз.
- Таш ата билмеген, башына урур.
- Къумурсхала джыйылсала, пилни да джыгъадыла.
- Сабыр джетер муратха, сабырсыз къалыр уятха.
- Абынмазлыкъ аякъ джокъ, джангылмазлыкъ джаякъ джокъ.
- Дженгил джетерикме деб, узун джолну къоюб, къысхасын барма.
- Игилик игилик бла сингдирилиучю затды.
- Къарт бла баш аша, джаш бла аякъ аша.
- Эр сокъур болсун, къатын тилсиз болсун.
- Къошда джокъгъа – юлюш джокъ.
- Билмезни кёзю кёрмез, этмезни къулагъы эшитмез.
- Экиндини кеч къылсанг, чабыб джетер ашхам.
- Бозанг болмагъан джерге, къалагъынгы сукъма.
- Азыкъ аз болса, эртде орун сал.
- Игиге айтсанг – билир, аманнга айтсанг – кюлюр.
- Булут кёкге джарашыу, уят бетге джарашыу.
- Ачлыкъ отха секиртир.
- Ёзденликни кёбю ётюрюк.
- Чомартха хар кюн да байрамды.
- Билимсиз иш бармаз.
- Кийимни бичсенг, кенг бич, тар этген къыйын тюлдю.
- Бермеген къол, алмайды.
- Джангыз терек къынгыр ёсер.
- Байны оноуу, джарлыгъа джарамаз.
- Кёбню кёрген – кёб билир.
- Иги сеники эсе да, сюйген кесимикин этеме.
- Джашлыкъ этмеген, башлыкъ этмез.
- Хазыр ашха – терен къашыкъ.
- Азыгъы аз, алгъа къабар, аты аман, алгъа чабар.
- Гугурук къычырмаса да, тангны атары къалмаз.
- Мадар болса, къадар болур.
- Иги болса, тамадама – махтау, аман болса, меннге – айыб.
- Аманны эки битли тону болур, бирин сеннге кийдирир, бирин кеси киер.
- Ёлмесенг да, къарт дамы болмазса?
- Башланнган иш битер, къымылдагъан тиш тюшер.
- Чыбыкълыкъда бюгюлмеген, къазыкълыкъда бюгюлмей эди.
- Къар – келтирди, суу – элтди.
- Алтыда кюлмеген, алтмышда кюлмез.
- Ач бёрюге мекям джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: