- Чабакъсыз кёлге къармакъ салгъанлыкъгъа, чабакъ тутмазса.
- Къар – келтирди, суу – элтди.
- Джыланны къуйругъундан басарынг келсе, аны башы болгъанын унутма.
- Ишге юренсин къоллары, халкъ бла болсун джоллары.
- Тойгъа барсанг, тоюб бар, эски тонунгу къоюб бар.
- Тёзгеннге, джабылгъан эшик ачылыр.
- Къарт айтханны этмеген, къартаймаз.
- Адамны сыфатына къарама, сёзюне къара.
- Аман эсирсе, юйюн ояр.
- Кёл ашады да, кеси ашады.
- Нафысынгы айтханын этме, намысынгы айтханын эт.
- Къызны минг тилер, бир алыр.
- Адамны джюреги нени кёрюрге сюйсе, кёзю да аны кёрюрге ёч болады.
- Окъ къызбайны джокълайды.
- Таукел къуру къалмаз.
- Бетинги сатма, малынгы сат.
- Кёбню кёрген – кёб билир.
- Аман хансны – урлугъу кёб.
- Ашда – бёрю, ишде – ёлю.
- Тешигини къатында, чычхан да батыр болур.
- Кёкдеги болмаса, джердегин кёрмейди.
- Эки элинги тыйсанг, джети элде махталырса.
- Атынг аманнга чыкъгъандан эсе, джанынг тамагъынгдан чыкъсын.
- Аз айтсам, кёб ангылагъыз.
- Айныгъанлы алты кюн, тогъайгъанлы тогъуз кюн.
- Тил джюрекге джол ишлейди.
- Халкъгъа джарагъан, джарлы къалмаз.
- Джолда аягъынга сакъ бол, ушакъда тилинге сакъ бол.
- Миллетни бойну – базыкъ, аны бла кюрешген – джазыкъ.
- Сууда джау джокъ, кёб сёзде магъана джокъ.
- Кёб джат да, бек чаб.
- Тойгъан джерден туугъан джер игиди.
- Джумушакъ сёз къаты таякъны сындырыр.
- Ариу джол аджал келтирмез.
- Адамны аты башхача, акъылы да башхады.
- Тойгъан джерге джети къайт.
- Кёз – сюйген джерде, къол – ауругъан джерде.
- Чабар ат – джетген къыз.
- Сёз садакъдан кючлюдю.
- Ашхы – джыяр, аман – джояр.
- Мураты болгъанны джюрек тебюую башхады.
- Келинин тута билмеген, къул этер, къызын тута билмеген, тул этер.
- Сыфатында болмагъаны, суратында болмаз.
- Ауругъанны сау билмез, ач къарынны токъ билмез.
- Оюмсуз атлагъан, аджалсыз ёлюр.
- Олтуруб кёрюнмей эди да, ёрге туруб кёрюне эди.
- Ойнай-ойнай кёз чыгъар.
- Тойгъандан сора, ашны сёкме.
- Суу кетер, таш къалыр.
- Башы джабылгъан челекге, кир тюшмез.
Ошибка!
Для просмотра темы введите ваши логин и пароль.Пожалуйста, авторизуйтесь: