- Ханы къызы буюгъа-буюгъа киштик болду.
- Чоюнну башы ачыкъ болса, итге уят керекди.
- Экеу тутушса, биреу джыгъылыр.
- Насыб бютеу халкъны юлюшюдю.
- Танг атмайма десе да, кюн къоярыкъ тюйюлдю.
- Къар – келтирди, суу – элтди.
- Эртде тургъан бла эртде юйленнген сокъуранмаз.
- Адамны бетине къарама, адетине къара.
- Сабийни джумушха джибер да, ызындан бар.
- Айыбны суу бла джууалмазса.
- Ач къарным, тынч къулагъым.
- Кеси юйюмде мен да ханма.
- Биреуге аманлыкъ этиб, кесинге игилик табмазса.
- Адамны артындан къара сабан сюрме.
- Джаз бир кюнню джатсанг, къыш талай кюнню абынырса.
- Аууз сакълагъан – джан сакълар.
- Эл ауузу – элия.
- Ата Джуртча джер болмаз, туугъан элча эл болмаз.
- Айран тёгюлсе, джугъусу къалыр.
- Кёзюнде тереги болгъан, чёбю болгъаннга кюле эди.
- Садакъачыны джаны – къапчыгъында.
- Билим насыб берир, билим джолну керир.
- Тешик этген тынчды, аны джамагъан къыйынды.
- Ачлыкъ отха секиртир.
- Азыкълы ат арымаз, къатыны аман джарымаз.
- Хар зат кесини орнуна иги.
- Аджаллыгъа окъсуз шкок атылыр.
- Телиге акъыл салгъандан эсе, ёлгеннге джан салырса.
- Малны кют, джерни тюрт.
- Aдам боллукъ, сыфатындан белгили.
- Ётюрюкчюню шагъаты – къатында.
- Керилген да, ургъан кибикди.
- Тулпарлыкъ, билекден тюл – джюрекден.
- Чакъырылмагъан джерге барма, чакъырылгъан джерден къалма.
- Билмегенинги, билгеннге сор.
- Тёгюлген тюгел джыйылмайды.
- Сууда джау джокъ, кёб сёзде магъана джокъ.
- Адам къаллай бир ишленмесе, аллай бир кесин уллу кёреди.
- Бети – къучакълар, джюреги – бычакълар.
- «Ёгюз, джаргъа джууукъ барма, меннге джюк боллукъса», - дегенди эшек.
- Сабийликде юретмесенг, уллу болса – тюзелмез.
- Акъыл бла адеб эгизледиле.
- Билим ат болуб да чабар, къуш болуб да учар.
- Халкъны джырын джырласанг, халкъ санга эжиу этер.
- Ёгюзню мюйюзлери ауурлукъ этмейдиле.
- Мен да «сен», дейме, сен да «кесим», дейсе.
- Ишлегенде эринме, ишде чолакъ кёрюнме.
- Джарашыу сюйген – джалынчакъ.
- Оюмсуз атлагъан, аджалсыз ёлюр.
- Эр абынмай, эл танымаз.
Ошибка!
Для просмотра темы введите ваши логин и пароль.Пожалуйста, авторизуйтесь: